PM ਮੋਦੀ ਨੇ ਚੀਨ ਮੁੱਦੇ ''ਤੇ CDS ਰਾਵਤ ਅਤੇ NSA ਡੋਭਾਲ ਨਾਲ ਕੀਤੀ ਹਾਈ ਲੈਵਲ ਮੀਟਿੰਗ

ਨਵੀਂ ਦਿੱਲੀ : ਲੱਦਾਖ ਸਰਹੱਦ 'ਤੇ ਚੀਨ ਨਾਲ ਪਿਛਲੇ ਕੁੱਝ ਦਿਨਾਂ ਤੋਂ ਚਲੇ ਆ ਰਹੇ ਵਿਵਾਦ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਅਜੀਤ ਡੋਭਾਲ ਅਤੇ ਚੀਫ ਆਫ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ ਨਾਲ ਅੱਜ ਬੈਠਕ ਵਿਚ ਸਥਿਤੀ ਦੀ ਸਮੀਖਿਆ ਕੀਤੀ। ਮੋਦੀ ਦੀ ਬੈਠਕ ਤੋਂ ਪਹਿਲਾਂ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਵੀ ਜਨਰਲ ਰਾਵਤ ਅਤੇ ਤਿੰਨਾਂ ਫੌਜਾਂ ਦੇ ਮੁਖੀਆਂ ਨਾਲ ਬੈਠਕ ਵਿਚ ਲੱਦਾਖ ਵਿਚ ਚੀਨ ਸਰਹੱਦ 'ਤੇ ਸੁਰੱਖਿਆ ਦੀ ਸਥਿਤੀ ਦੀ ਸਮੀਖਿਆ ਕੀਤੀ।

ਸੂਤਰਾਂ ਦੇ ਅਨੁਸਾਰ ਪ੍ਰਧਾਨ ਮੰਤਰੀ ਨੇ ਡੋਭਾਲ, ਜਨਰਲ ਰਾਵਤ ਅਤੇ ਤਿੰਨਾਂ ਫੌਜਾਂ ਦੇ ਮੁਖੀਆਂ ਨਾਲ ਪਿਛਲੇ ਕੁੱਝ ਦਿਨਾਂ ਤੋਂ ਲੱਦਾਖ ਵਿਚ ਚੀਨ ਨਾਲ ਲੱਗਦੀ ਸਰਹੱਦ 'ਤੇ ਦੋਨਾਂ ਫੌਜਾਂ ਦੇ ਵਿਚ ਪੈਦਾ ਤਣਾਅ ਅਤੇ ਇਸ ਬਾਰੇ ਫੌਜ ਦੇ ਰਵੱਈਏ ਦੀ ਜਾਣਕਾਰੀ ਲਈ। ਇਹ ਦੋਨਾਂ ਬੈਠਕਾਂ ਫੌਜ ਦੇ ਸਿਖਰ ਕਮਾਂਡਰਾਂ ਦੇ ਬੁੱਧਵਾਰ ਤੋਂ ਸ਼ੁਰੂ ਹੋਣ ਵਾਲੇ ਤਿੰਨ ਦਿਨ ਦੇ ਸਮਾਗਮ ਤੋਂ ਪਹਿਲਾਂ ਹੋਈਆਂ ਹਨ। ਇਸ ਨਾਲ ਇਹ ਤੈਅ ਮੰਨਿਆ ਜਾ ਰਿਹਾ ਹੈ ਕਿ ਫੌਜੀ ਕਮਾਂਡਰਾਂ ਦੇ ਸਮਾਗਮ ਵਿਚ ਵੀ ਇਹ ਮੁੱਦਾ ਪ੍ਰਮੁੱਖ ਰੂਪ ਨਾਲ ਛਾਇਆ ਰਹੇਗਾ। ਦੋ ਦਿਨ ਪਹਿਲਾਂ ਹੀ ਲੇਹ ਦਾ ਦੌਰਾ ਕਰ ਪਰਤੇ ਫੌਜ ਪ੍ਰਮੁੱਖ ਜਨਰਲ ਮਨੋਜ ਮੁਕੁੰਦ ਨਰਵਣੇ ਨੇ ਰੱਖਿਆ ਮੰਤਰੀ ਨੂੰ ਅਸਲ ਕੰਟਰੋਲ ਲਾਈਨ 'ਤੇ ਤਾਜ਼ਾ ਹਾਲਾਤ ਤੋਂ ਜਾਣੂ ਕਰਵਾਇਆ। ਸਿੰਘ ਨੇ ਫੌਜ ਦੁਆਰਾ ਚੁੱਕੇ ਜਾ ਰਹੇ ਕਦਮਾਂ ਅਤੇ ਇਨ੍ਹਾਂ ਹਾਲਾਤਾਂ ਤੋਂ ਨਿਜੱਠਣ ਲਈ ਕੀਤੀ ਜਾ ਰਹੀਆਂ ਤਿਆਰੀਆਂ ਦੀ ਵੀ ਜਾਣਕਾਰੀ ਲਈ।

ਜ਼ਿਕਰਯੋਗ ਹੈ ਕਿ ਦੋਨਾਂ ਫੌਜਾਂ ਦੇ ਵਿਚ ਪੇਗਾਂਗ ਝੀਲ ਖੇਤਰ ਵਿਚ ਪਿਛਲੇ 5 ਅਤੇ 6 ਮਈ ਨੂੰ ਹੋਈ ਮਾਮੂਲੀ ਝੜਪ ਤੋਂ ਬਾਅਦ ਦੋਨਾਂ ਪਾਸਿਆਂ ਦੇ ਫੌਜੀ ਅਧਿਕਾਰੀਆਂ ਦੀ ਕਰੀਬ ਪੰਜ ਬੈਠਕਾਂ ਹੋ ਚੁੱਕੀ ਹਨ ਪਰ ਹਾਲਤ ਆਮ ਨਹੀਂ ਹੋ ਸਕੇ। ਇਸ ਵਿਚ ਦੋਨਾਂ ਦੇਸ਼ਾਂ ਦੇ ਵਿਦੇਸ਼ ਮੰਤਰਾਲਿਆ ਦੇ ਅਧਿਕਾਰੀ ਵੀ ਸੰਪਕਰ ਬਣਾਏ ਹੋਏ ਹਨ ਪਰ ਹਾਲੇ ਤੱਕ ਦੋਨਾਂ ਧਿਰਾਂ ਦੇ ਵਿਚ ਕਿਸੇ ਤਰ੍ਹਾਂ ਦੀ ਸਹਿਮਤੀ ਨਹੀਂ ਬੰਨ ਸਕੀ ਹੈ।

ਚੀਨ ਦੌਲਤ ਬੇਗ ਓਲਡੀ ਖੇਤਰ ਵਿਚ ਸੰਪਰਕ ਲਈ ਭਾਰਤ ਦੁਆਰਾ ਬਣਾਈ ਜਾ ਰਹੀ ਸੜਕ ਦਾ ਸਖਤ ਵਿਰੋਧ ਕਰ ਰਿਹਾ ਹੈ ਜਦੋਂ ਕਿ ਭਾਰਤ ਦਾ ਕਹਿਣਾ ਹੈ ਕਿ ਉਹ ਇਹ ਸੜਕ ਆਪਣੀ ਸਰਹੱਦ ਦੇ ਅੰਦਰ ਬਣਾ ਰਿਹਾ ਹੈ ਅਤੇ ਚੀਨ ਨੂੰ ਇਸ 'ਤੇ ਇਤਰਾਜ਼ ਨਹੀਂ ਹੋਣਾ ਚਾਹੀਦਾ ਹੈ।