64 ਸਾਲ ਦੀ ਉਮਰ ’ਚ ‘ਨੀਟ’ ਦੀ ਪ੍ਰੀਖਿਆ ਕੀਤੀ ਪਾਸ , ਹੁਣ ਡਾਕਟਰ ਬਣਨ ਲਈ ਕਾਲਜ ’ਚ ਲਿਆ ਦਾਖ਼ਲਾ

ਨਵੀਂ ਦਿੱਲੀ — ਓਡੀਸ਼ਾ ਦੇ ਇੱਕ ਰਿਟਾਇਰਡ ਬੈਂਕ ਮੁਲਾਜ਼ਮ ਨੇ 64 ਸਾਲ ਉਮਰ ’ਚ ਆਲ ਇੰਡੀਆ ਲੈਵਲ ਮੈਡੀਕਲ ਐਂਟਰੀ (ਐਨਈਈਟੀ) ਦੀ ਪ੍ਰੀਖਿਆ ਪਾਸ ਕਰਕੇ ਦੇਸ਼ ’ਚ ਇਕ ਅਨੌਖੀ ਮਿਸਾਲ ਪੇਸ਼ ਕੀਤੀ ਹੈ। ਸਿਰਫ਼ ਇੰਨਾ ਹੀ ਨਹੀਂ ਇਸ ਤੋਂ ਬਾਅਦ ਉਨ੍ਹਾਂ ਨੇ ਡਾਕਟਰੀ ਦੀ ਪੜ੍ਹਾਈ ਕਰਨ ਲਈ ਐਮ.ਬੀ.ਬੀ. ਐਸ (ਐਮ ਬੀ ਬੀ ਐਸ) ’ਚ ਦਾਖਲਾ ਵੀ ਲੈ ਲਿਆ ਹੈ। ਦਰਅਸਲ 64 ਸਾਲਾ ਜੈ ਕਿਸ਼ੋਰ ਪ੍ਰਧਾਨ ਨੇ ਆਪਣੀ ਪੂਰੀ ਜ਼ਿੰਦਗੀ ਸਟੇਟ ਬੈਂਕ ’ਚ ਕੰਮ ਕਰਦਿਆਂ ਬਿਤਾਈ। ਸੇਵਾਮੁਕਤ ਹੋਣ ਤੋਂ ਬਾਅਦ ਵੀ ਉਸਨੇ ਪੜ੍ਹਾਈ ਪ੍ਰਤੀ ਆਪਣਾ ਜਨੂੰਨ ਬਣਾਈ ਰੱਖਣ ਲਈ ਮੈਡੀਕਲ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਅਤੇ 64 ਸਾਲ ਦੀ ਉਮਰ ’ਚ ਵੀਰ ਸੁਰੇਂਦਰ ਸਾਈ ਇੰਸਟੀਚਿੳੂਟ ਆਫ ਮੈਡੀਕਲ ਸਾਇੰਸਜ਼ ਐਂਡ ਰਿਸਰਚ ਕਾਲਜ (ਵੀਆਈਐਮਐਸਆਰ) ਵਿਖੇ ਨੀਟ ਦੀ ਪ੍ਰੀਖਿਆ ਪਾਸ ਕਰ ਲਈ। ਜ਼ਿਕਰਯੋਗ ਹੈ ਕਿ ਐਮ.ਬੀ.ਬੀ.ਐਸ. ਵਿਚ ਇੱਕ 64 ਸਾਲਾ ਵਿਅਕਤੀ ਦਾ ਦਾਖਲਾ ਲੈਣਾ ਭਾਰਤੀ ਡਾਕਟਰੀ ਸਿੱਖਿਆ ਇਤਿਹਾਸ ਵਿਚ ਇੱਕ ਅਨੋਖਾ ਮਾਮਲਾ ਹੈ।

ਇਹ ਵੀ ਵੇਖੋ - 1 ਜਨਵਰੀ ਤੋਂ ਬਦਲਣਗੇ ਮਹੱਤਵਪੂਰਨ ਨਿਯਮ, ਫ਼ੋਨ ਕਾਲ ਤੋਂ ਲੈ ਕੇ ਵਿੱਤੀ ਲੈਣ-ਦੇਣ ਹੋਣਗੇ ਪ੍ਰਭਾਵਤ

ਸਟੇਟ ਬੈਂਕ ਵਿਚ ਕੰਮ ਕਰਦੇ 64 ਸਾਲਾ ਜੈ ਕਿਸ਼ੋਰ ਪ੍ਰਧਾਨ ਇਸ ਸਾਲ ਸਤੰਬਰ ਵਿਚ ਨੀਟ ਦੀ ਪ੍ਰੀਖਿਆ ਵਿਚ ਸ਼ਾਮਲ ਹੋਏ ਸਨ। ਜੈ ਕਿਸ਼ੋਰ ਪ੍ਰਧਾਨ ਨੇ ਸਰਕਾਰੀ ਵੀਰ ਸੁਰੇਂਦਰ ਸਾਈ ਇੰਸਟੀਚਿੳੂਟ ਆਫ ਮੈਡੀਕਲ ਸਾਇੰਸਜ਼ ਐਂਡ ਰਿਸਰਚ (ਵੀਆਈਐਮਐਸਆਰ) ਵਿਚ ਅਪੰਗਤਾ ਰਿਜ਼ਰਵੇਸ਼ਨ ਸ਼੍ਰੇਣੀ ਵਿਚ ਦਾਖਲਾ ਲਿਆ ਹੈ।

ਇਹ ਵੀ ਵੇਖੋ - ਹੁਣ ਰੈਸਟੋਰੈਂਟ ਦੇ ਬਾਹਰ ਲਿਖਣਾ ਪਏਗਾ ... ਦਿੱਤਾ ਜਾ ਰਿਹਾ ਮੀਟ ਹਲਾਲ ਹੈ ਜਾਂ ਝਟਕਾ

ਪ੍ਰੀਖਿਆ ਵਿਚ ਬਿਹਤਰ ਰੈਂਕ ਕੀਤਾ ਹਾਸਲ 

ਸਟੇਟ ਬੈਂਕ ਦੇ ਸੇਵਾਮੁਕਤ ਮੁਲਾਜ਼ਮ ਜੈ ਕਿਸ਼ੋਰ ਪ੍ਰਧਾਨ ਨੇ ਨੀਟ ਦੀ ਪ੍ਰੀਖਿਆ ਵਿਚ ਸਰਬੋਤਮ ਰੈਂਕ ਪ੍ਰਾਪਤ ਕੀਤੀ ਅਤੇ ਕਾਉਂਸਲਿੰਗ ਵਿਚ ਉੜੀਸਾ ਦੇ ਵਿਮਸਰ ਕਾਲਜ ਲਈ ਯੋਗਤਾ ਪ੍ਰਾਪਤ ਕੀਤੀ ਜੈ ਕਿਸ਼ੋਰ ਪ੍ਰਧਾਨ ਨੇ ਕਿਹਾ ਕਿ ਉਸ ਦੀਆਂ ਜੁੜਵਾਂ ਧੀਆਂ ਵਿਚੋਂ ਇਕ ਦੀ ਮੌਤ ਨੇ ਉਸ ਨੂੰ ਮੈਡੀਕਲ ਦਾ ਕੋਰਸ ਕਰਨ ਲਈ ਉਤਸ਼ਾਹਤ ਕੀਤਾ। ਜਿਸਦੇ ਬਾਅਦ ਉਸਨੇ ‘ਨੀਟ’ ਦਾਖਲਾ ਪ੍ਰੀਖਿਆ ਦੀ ਤਿਆਰੀ ਸ਼ੁਰੂ ਕੀਤੀ ਅਤੇ ਸਫਲਤਾ ਪ੍ਰਾਪਤ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਕੋਰਸ ਪੂਰਾ ਹੋਣ ਤੋਂ ਬਾਅਦ ਉਹ ਇਸ ਨਾਲ ਲੋਕਾਂ ਦੀ ਮਦਦ ਕਰਨਗੇ।

ਇਹ ਵੀ ਵੇਖੋ - ਸੋਨਾ 2021 ’ਚ ਬਣੇਗਾ 60 ਹਜ਼ਾਰੀ! ਕੋਰੋਨਾ ਕਾਲ ’ਚ ਦਿੱਤਾ 27.7 ਫੀਸਦੀ ਰਿਟਰਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।