ਹੁਣ ਸੂਬਾ ਬਦਲਣ ’ਤੇ ਨਹੀਂ ਕਰਵਾਉਣੀ ਪਵੇਗੀ ਮੋਟਰਗੱਡੀ ਦੀ ਮੁੜ ਤੋਂ ਰਜਿਸਟ੍ਰੇਸ਼ਨ
08/29/2021 2:35:24 AM
ਨਵੀਂ ਦਿੱਲੀ – ਸੂਬਿਆਂ ਦਰਮਿਆਨ ਪ੍ਰਾਈਵੇਟ ਮੋਟਰਗੱਡੀਆਂ ਦੀ ਆਸਾਨੀ ਨਾਲ ਤਬਦੀਲੀ ਲਈ ਸੜਕੀ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ ਦੇ ਯਤਨਾਂ ਪਿੱਛੋਂ ਕੇਂਦਰੀ ਸੜਕੀ ਆਵਾਜਾਈ ਮੰਤਰਾਲਾ ਨੇ ਨਵੀਂ ਰਜਿਸਟ੍ਰੇਸ਼ਨ ਲੜੀ ਸ਼ੁਰੂ ਕੀਤੀ ਹੈ। ਮੰਤਰਾਲਾ ਨੇ ਇਸ ਵਿਵਸਥਾ ਅਧੀਨ ਨਵੀਂ ਰਜਿਸਟ੍ਰੇਸ਼ਨ ਸੀਰੀਜ਼ ਬੀ. ਐੱਚ. ਨੂੰ ਲਾਗੂ ਕੀਤਾ ਹੈ। ਇਸ ਵਿਵਸਥਾ ਅਧੀਨ ਮੋਟਰਗੱਡੀਆਂ ਦੇ ਮਾਲਕਾਂ ਨੂੰ ਇਕ ਸੂਬੇ ਜਾਂ ਕੇਂਦਰ ਸ਼ਾਸਿਤ ਖੇਤਰ ਤੋਂ ਦੂਜੇ ਸੂਬੇ ਜਾਂ ਕੇਂਦਰ ਸ਼ਾਸਿਤ ਖੇਤਰ ਵਿਚ ਤਬਦੀਲ ਹੋਣ ’ਤੇ ਨਵੇਂ ਸਿਰੇ ਤੋਂ ਰਜਿਸਟ੍ਰੇਸ਼ਨ ਕਰਵਾਉਣ ਦੀ ਲੋੜ ਨਹੀਂ ਪਵੇਗੀ। ਇਸ ਸੰਬੰਧੀ ਨਿਯਮ 15 ਸਤੰਬਰ ਤੋਂ ਲਾਗੂ ਹੋਣਗੇ। ਮੰਤਰਾਲਾ ਦਾ ਕਹਿਣਾ ਹੈ ਕਿ ਭਾਰਤ ਲੜੀ ਅਧੀਨ ਰੱਖਿਆ ਮੁਲਾਜ਼ਮਾਂ, ਕੇਂਦਰ ਸਰਕਾਰ, ਸੂਬਾ ਸਰਕਾਰ, ਕੇਂਦਰੀ ਤੇ ਸੂਬਾਈ ਜਨਤਕ ਖੇਤਰ ਦੇ ਅਦਾਰਿਆਂ ਦੀਆਂ ਕੰਪਨੀਆਂ ਜਾਂ ਸੰਗਠਨਾਂ ਦੇ ਉਨ੍ਹਾਂ ਮੁਲਾਜ਼ਮਾਂ ਨੂੰ ਇਹ ਸਹੂਲਤ ਸਵੈ-ਇੱਛੁਕ ਆਧਾਰ ’ਤੇ ਮਿਲੇਗੀ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
