ਜੰਮੂ-ਕਸ਼ਮੀਰ ਵੱਲ ਜਾਣ ਵਾਲੇ ਸਾਵਧਾਨ! ਜਾਰੀ ਹੋ ਗਈ ਨਵੀਂ ਐਡਵਾਈਜ਼ਰੀ

ਵੈੱਬ ਡੈਸਕ : ਜੰਮੂ-ਕਸ਼ਮੀਰ ਟ੍ਰੈਫਿਕ ਪੁਲਸ ਨੇ ਰਾਸ਼ਟਰੀ ਰਾਜਮਾਰਗ ਅਤੇ ਹੋਰ ਪ੍ਰਮੁੱਖ ਸੰਪਰਕ ਸੜਕਾਂ ਲਈ ਨਵੀਂ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। 23 ਜੂਨ ਤੋਂ 24 ਜੂਨ 2026 ਤੱਕ ਮਾਰੋਗ ਅਤੇ ਕਿਸ਼ਤਵਾੜੀ ਪਾਥੇਰ ਵਿਚਕਾਰ ਸੜਕ ਸਿੰਗਲ-ਲੇਨ ਹੋਣ ਕਾਰਨ NH-44 'ਤੇ ਟ੍ਰੈਫਿਕ ਦੀ ਰਫ਼ਤਾਰ ਕਾਫ਼ੀ ਸੁਸਤ ਰਹੀ ਹੈ। 

ਟ੍ਰੈਫਿਕ ਪੁਲਸ ਨੇ ਯਾਤਰੀਆਂ ਅਤੇ ਹਲਕੇ ਵਾਹਨ ਚਾਲਕਾਂ ਨੂੰ ਸਿਰਫ਼ ਦਿਨ ਦੇ ਸਮੇਂ ਸਫਰ ਕਰਨ ਦੀ ਸਲਾਹ ਦਿੱਤੀ ਹੈ। ਰਾਮਬਨ ਅਤੇ ਬਨਿਹਾਲ ਵਿਚਕਾਰ ਚੱਲ ਰਹੇ ਉਸਾਰੀ ਕਾਰਜਾਂ ਅਤੇ ਪੱਥਰ ਡਿੱਗਣ ਜਾਂ ਲੈਂਡਸਲਾਈਡ ਦੇ ਖ਼ਤਰੇ ਨੂੰ ਦੇਖਦੇ ਹੋਏ ਰਾਤ ਨੂੰ ਸਫਰ ਕਰਨ ਤੋਂ ਬਚਣ ਲਈ ਕਿਹਾ ਗਿਆ ਹੈ। ਜੇਕਰ ਮੌਸਮ ਅਤੇ ਸੜਕ ਦੀ ਹਾਲਤ ਠੀਕ ਰਹਿੰਦੀ ਹੈ ਤਾਂ ਜੰਮੂ ਤੋਂ ਸ੍ਰੀਨਗਰ ਅਤੇ ਸ੍ਰੀਨਗਰ ਤੋਂ ਜੰਮੂ ਵੱਲ ਦੋਵੇਂ ਪਾਸੇ ਵਾਹਨਾਂ ਨੂੰ ਆਉਣ-ਜਾਣ ਦੀ ਇਜਾਜ਼ਤ ਹੋਵੇਗੀ। ਡਰਾਈਵਰਾਂ ਨੂੰ ਲੇਨ ਅਨੁਸ਼ਾਸਨ ਦੀ ਪਾਲਣਾ ਕਰਨ ਅਤੇ ਗਲਤ ਓਵਰਟੇਕਿੰਗ ਤੋਂ ਬਚਣ ਦੀ ਹਦਾਇਤ ਕੀਤੀ ਗਈ ਹੈ ਤਾਂ ਜੋ ਜਾਮ ਦੀ ਸਥਿਤੀ ਪੈਦਾ ਨਾ ਹੋਵੇ।

ਕਿਸ਼ਤਵਾੜ-ਸਿੰਥਨ-ਅਨੰਤਨਾਗ
ਮੌਸਮ ਸਾਫ਼ ਹੋਣ 'ਤੇ ਹਲਕੇ ਵਾਹਨਾਂ ਨੂੰ ਸਵੇਰੇ 08:00 ਤੋਂ ਸ਼ਾਮ 04:00 ਵਜੇ ਤੱਕ ਦੋਵੇਂ ਪਾਸੇ ਚੱਲਣ ਦੀ ਇਜਾਜ਼ਤ ਹੋਵੇਗੀ। 6 ਟਾਇਰਾਂ ਵਾਲੇ ਭਾਰੀ ਵਾਹਨਾਂ ਨੂੰ ਸਿਰਫ਼ ਸ੍ਰੀਨਗਰ ਤੋਂ ਕਿਸ਼ਤਵਾੜ ਵੱਲ ਜਾਣ ਦਿੱਤਾ ਜਾਵੇਗਾ।
SSG ਰੋਡ (ਸ੍ਰੀਨਗਰ-ਸੋਨਮਰਗ-ਗੁਮਰੀ)
ਹਲਕੇ ਵਾਹਨਾਂ ਨੂੰ ਦੁਪਹਿਰ 01:00 ਵਜੇ ਤੱਕ ਸੋਨਮਰਗ ਅਤੇ ਮੀਨਾਮਰਗ ਤੋਂ ਲੰਘਣ ਦੀ ਇਜਾਜ਼ਤ ਹੋਵੇਗੀ। ਭਾਰੀ ਵਾਹਨਾਂ ਲਈ ਦੁਪਹਿਰ 12:00 ਤੋਂ ਸ਼ਾਮ 05:00 ਵਜੇ ਤੱਕ ਦਾ ਸਮਾਂ ਤੈਅ ਕੀਤਾ ਗਿਆ ਹੈ। ਫਿਸਲਣ ਵਾਲੀ ਸੜਕ ਕਾਰਨ ਡਰਾਈਵਰਾਂ ਨੂੰ ਐਂਟੀ-ਸਕਿਡ ਚੇਨ ਰੱਖਣ ਦੀ ਸਲਾਹ ਦਿੱਤੀ ਗਈ ਹੈ। ਮੁਗਲ ਰੋਡ 'ਤੇ ਸਵੇਰੇ 09:00 ਤੋਂ ਸ਼ਾਮ 05:00 ਵਜੇ ਦੇ ਵਿਚਕਾਰ ਵਾਹਨਾਂ ਦੀ ਆਵਾਜਾਈ ਹੋ ਸਕੇਗੀ।

ਸੁਰੱਖਿਆ ਬਲਾਂ ਦੀਆਂ ਗੱਡੀਆਂ ਨੂੰ ਮੌਸਮ ਅਤੇ ਸੜਕ ਦੀ ਸਥਿਤੀ ਅਨੁਸਾਰ ਦੋਵੇਂ ਪਾਸੇ ਜਾਣ ਦੀ ਇਜਾਜ਼ਤ ਹੋਵੇਗੀ, ਪਰ ਉਨ੍ਹਾਂ ਨੂੰ ਅੱਗੇ ਵਧਣ ਤੋਂ ਪਹਿਲਾਂ ਰਾਮਬਨ ਕੰਟਰੋਲ ਯੂਨਿਟ ਤੋਂ ਹਰੀ ਝੰਡੀ ਲੈਣੀ ਪਵੇਗੀ।

ਹੈਲਪਲਾਈਨ ਨੰਬਰ ਜਾਰੀ
ਯਾਤਰੀਆਂ ਨੂੰ ਸਫਰ ਸ਼ੁਰੂ ਕਰਨ ਤੋਂ ਪਹਿਲਾਂ ਟ੍ਰੈਫਿਕ ਕੰਟਰੋਲ ਯੂਨਿਟਾਂ ਤੋਂ ਸੜਕ ਦੀ ਤਾਜ਼ਾ ਸਥਿਤੀ ਜਾਣਨ ਦੀ ਅਪੀਲ ਕੀਤੀ ਗਈ ਹੈ। 
• ਜੰਮੂ (0191-2459048, 0191-2740550, 9419147732, 103)
• ਸ਼੍ਰੀਨਗਰ (0194-2450022, 2485396, 18001807091, 103)
• ਰਾਮਬਨ (9419993745, 1800-180-7043)
• ਊਧਮਪੁਰ (8491928625)
• ਪੀਸੀਆਰ ਕਿਸ਼ਤਵਾੜ (9906154100)
• ਪੀਸੀਆਰ ਕਾਰਗਿਲ (9541902330, 9541902331)