ਮਾਂ ਦੇ ਪ੍ਰੇਮੀ ਦਾ ਖ਼ੌਫ਼ਨਾਕ ਕਾਰਾ ! ਕ੍ਰੈੱਚ ''ਚੋਂ ਅਗਵਾ ਕੀਤਾ 1 ਸਾਲ ਦਾ ਮਾਸੂਮ, ਦਿੱਤੀ ਦਰਦਨਾਕ ਮੌਤ

ਪੰਚਕੂਲਾ- ਹਰਿਆਣਾ ਦੇ ਪੰਚਕੂਲਾ 'ਚ ਇੱਕ ਬੇਹੱਦ ਦਰਦਨਾਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਵਿਅਕਤੀ ਨੇ ਆਪਣੀ ਵਿਆਹੁਤਾ ਪ੍ਰੇਮਿਕਾ ਦੇ ਇਕ ਸਾਲ ਦੇ ਮਾਸੂਮ ਬੱਚੇ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਬੱਚੇ ਦੀ ਲਾਸ਼ ਸੁਖੋਮਾਜਰੀ ਬਾਈਪਾਸ ਦੇ ਕੋਲ ਝਾੜੀਆਂ 'ਚੋਂ ਇਕ ਬੋਰੀ 'ਚੋਂ ਬਰਾਮਦ ਹੋਈ ਹੈ।

ਰਿਸ਼ਤੇ 'ਚ ਰੁਕਾਵਟ ਮੰਨਦਾ ਸੀ ਬੱਚੇ ਨੂੰ 

ਪੁਲਸ ਜਾਂਚ ਮੁਤਾਬਕ, ਡੇਰਾਬੱਸੀ ਦੀ ਰਹਿਣ ਵਾਲੀ ਇਕ ਮਹਿਲਾ ਦਾ ਪਿੰਜੌਰ ਦੇ ਇਕ ਨੌਜਵਾਨ ਨਾਲ ਅਫੇਅਰ ਚੱਲ ਰਿਹਾ ਸੀ। ਮਹਿਲਾ ਜਦੋਂ ਵੀ ਆਪਣੇ ਪ੍ਰੇਮੀ ਨੂੰ ਮਿਲਣ ਜਾਂਦੀ ਸੀ ਤਾਂ ਆਪਣੇ ਪੁੱਤਰ ਰੇਆਂਸ਼ ਨੂੰ ਨਾਲ ਲੈ ਕੇ ਜਾਂਦੀ ਸੀ, ਜੋ ਕਿ ਦੋਸ਼ੀ ਨੂੰ ਪਸੰਦ ਨਹੀਂ ਸੀ। ਉਹ ਬੱਚੇ ਨੂੰ ਆਪਣੇ ਰਿਸ਼ਤੇ 'ਚ ਰੁਕਾਵਟ ਮੰਨਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਮਾਸੂਮ ਰੇਆਂਸ਼ ਦਾ 22 ਜਨਵਰੀ ਨੂੰ ਹੀ ਪਹਿਲਾ ਜਨਮਦਿਨ ਮਨਾਇਆ ਗਿਆ ਸੀ।

ਸਾਜ਼ਿਸ਼ ਤਹਿਤ ਕ੍ਰੈੱਚ 'ਚ ਕਰਵਾਇਆ ਦਾਖਲ 

ਦੋਸ਼ੀ ਨੇ ਮਹਿਲਾ ਨੂੰ ਬੱਚੇ ਨੂੰ ਕ੍ਰੈੱਚ  'ਚ ਛੱਡਣ ਲਈ ਮਨਾਇਆ ਅਤੇ ਖੁਦ ਹੀ ਉਸਨੂੰ ਸੈਕਟਰ-12ਏ ਦਾ ਇਕ ਕ੍ਰੈੱਚ  ਦਿਖਾ ਕੇ ਲਿਆਇਆ। 24 ਜਨਵਰੀ ਨੂੰ ਜਦੋਂ ਮਹਿਲਾ ਨੇ ਬੱਚੇ ਨੂੰ ਪਹਿਲੀ ਵਾਰ ਕ੍ਰੈੱਚ  'ਚ ਛੱਡਿਆ, ਤਾਂ ਕੁਝ ਹੀ ਦੇਰ ਬਾਅਦ ਦੋਸ਼ੀ ਉੱਥੇ ਪਹੁੰਚ ਗਿਆ। ਉਸਨੇ ਕ੍ਰੈੱਚ  ਸੰਚਾਲਿਕਾ ਨੂੰ ਝੂਠ ਬੋਲਿਆ ਕਿ ਉਹ ਬੱਚੇ ਦਾ ਪਿਤਾ ਹੈ। ਜਦੋਂ ਸੰਚਾਲਿਕਾ ਨੇ ਮਾਂ ਨੂੰ ਫੋਨ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਦਾ ਫੋਨ ਸਵਿੱਚ ਆਫ ਆ ਰਿਹਾ ਸੀ, ਜਿਸ ਕਾਰਨ ਉਸਨੇ ਬੱਚਾ ਦੋਸ਼ੀ ਨੂੰ ਸੌਂਪ ਦਿੱਤਾ।

ਰੋਣ 'ਤੇ ਘੁੱਟਿਆ ਗਲਾ 

ਕ੍ਰੈੱਚ  ਤੋਂ ਬੱਚੇ ਨੂੰ ਲੈ ਕੇ ਦੋਸ਼ੀ ਆਟੋ ਰਾਹੀਂ ਪਿੰਜੌਰ ਵੱਲ ਨਿਕਲ ਗਿਆ। ਰਸਤੇ 'ਚ ਜਦੋਂ ਮਾਸੂਮ ਆਪਣੀ ਮਾਂ ਲਈ ਰੋਣ ਲੱਗਾ ਤਾਂ ਦੋਸ਼ੀ ਨੇ ਗੁੱਸੇ 'ਚ ਆ ਕੇ ਉਸ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਇਸ ਤੋਂ ਬਾਅਦ ਉਸਨੇ ਲਾਸ਼ ਨੂੰ ਬੋਰੀ 'ਚ ਭਰ ਕੇ ਝਾੜੀਆਂ 'ਚ ਸੁੱਟ ਦਿੱਤਾ। ਪੁਲਸ ਨੇ ਦੋਸ਼ੀ ਨੂੰ ਹਿਰਾਸਤ 'ਚ ਲੈ ਲਿਆ ਹੈ। ਦੋਸ਼ੀ ਪੁਲਸ ਹਿਰਾਸਤ 'ਚ ਵਾਰ-ਵਾਰ ਆਪਣੇ ਬਿਆਨ ਬਦਲ ਰਿਹਾ ਹੈ। ਉਸ ਨੇ ਇਹ ਵੀ ਕਬੂਲਿਆ ਕਿ ਬੱਚੇ ਦੇ ਰੋਣ ਕਾਰਨ ਉਸ ਨੂੰ ਗੁੱਸਾ ਆ ਗਿਆ ਸੀ, ਜਿਸ ਕਰਕੇ ਉਸਨੇ ਬੱਚੇ ਨੂੰ ਰਸਤੇ 'ਚੋਂ ਹਟਾਉਣ ਦਾ ਫੈਸਲਾ ਕੀਤਾ। ਪੁਲਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e