ਪੀ.ਐਮ ਮੋਦੀ ਨੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨਾਲ ਕੀਤੀ ਮੁਲਾਕਾਤ

ਨਵੀਂ ਦਿੱਲੀ— ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨਾਲ ਮੁਲਾਕਾਤ ਕੀਤੀ। ਕੋਵਿੰਦ ਨੇ ਕੱਲ ਹੀ ਦੇਸ਼ ਦੇ 14ਵੇਂ ਰਾਸ਼ਟਰਪਤੀ ਦੇ ਰੂਪ 'ਚ ਸਹੁੰ ਲਈ ਹੈ। ਪ੍ਰਧਾਨਮੰਰਤੀ ਨੇ ਦੋਹਾਂ ਦੀ ਭੇਂਟ ਦੀਆਂ ਤਸਵੀਰਾਂ ਆਪਣੇ ਟਵਿੱਟਰ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ। ਉਨ੍ਹਾਂ 'ਚ ਇਕ 'ਚ ਮੋਦੀ ਰਾਸ਼ਟਰਪਤੀ ਕੋਵਿੰਦ ਨੂੰ ਸੰਭਵਤ: ਭਾਰਤੀ ਸੰਵਿਧਾਨ ਦੇ ਪ੍ਰਤੀ ਭੇਂਟ ਕਰਦੇ ਹੋਏ ਦਿੱਖ ਰਹੇ ਹਨ। ਮੋਦੀ ਨੇ ਟਵੀਟ ਕੀਤਾ ਕਿ ਅੱਜ ਸਵੇਰੇ ਰਾਸ਼ਟਰਪਤੀ ਜੀ ਨਾਲ ਮੁਲਾਕਾਤ ਕੀਤੀ। ਰਾਜਸਭਾ ਮੈਂਬਰ ਅਤੇ ਬਿਹਾਰ ਦੇ ਰਾਜਪਾਲ ਰਹਿ ਚੁੱਕੇ ਕੋਵਿੰਦ ਨੇ ਪ੍ਰਣਬ ਮੁੱਖਰਜੀ ਦਾ ਕਾਰਜਕਾਲ ਖਤਮ ਹੋਣ ਦੇ ਬਾਅਦ ਦੇਸ਼ ਦੇ 14ਵੇਂ ਰਾਸ਼ਟਰਪਤੀ ਦੇ ਰੂਪ 'ਚ ਆਪਣਾ ਅਹੁੱਦਾ ਸੰਭਾਲਿਆ। 

ਕੋਵਿੰਦ ਨੇ ਆਪਣੇ ਸੰਬੋਧਨ 'ਚ ਕਿਹਾ ਕਿ ਦੇਸ਼ ਦੀ ਸਫਲਤਾ ਦਾ ਮੰਤਰ ਉਸ ਦੀ ਡਾਇਵਰਸਿਟੀ ਹੈ ਅਤੇ ਇਹੀ ਡਾਇਵਰਸਿਟੀ ਸਾਡਾ ਉਹ ਆਧਾਰ ਹੈ ਜੋ ਸਾਨੂੰ ਵਿਲੱਖਣ ਬਣਾਉਂਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਦੇਸ਼ 'ਚ ਸਾਨੂੰ ਰਾਜਾਂ ਅਤੇ ਖੇਤਰਾਂ, ਪੰਥਾਂ, ਭਾਸ਼ਾਵਾਂ, ਸੰਸਕ੍ਰਿਤੀਆਂ, ਜੀਵਨ ਸ਼ੈਲੀਆਂ ਆਦਿ ਕਈ ਗੱਨਾਂ ਦਾ ਜੋੜ ਦੇਖਣ ਨੂੰ ਮਿਲੇਗਾ। ਅਸੀਂ ਬਹੁਤ ਵੱਖ ਹਾਂ ਪਰ ਫਿਰ ਵੀ ਇਕ ਹਾਂ। ਸਹੁੰ ਚੁੱਕਣ ਪ੍ਰੋਗਰਾਮ 'ਚ ਕਈ ਜਾਇੰਟਸ ਨੇਤਾ ਸ਼ਾਮਲ ਹੋਏ ਸੀ।