ਸਟੇਸ਼ਨ 'ਤੇ ਲਾਪਤਾ ਹੋਇਆ ਪੁੱਤ, ਦੋ ਸਾਲਾਂ ਬਾਅਦ ਜਿਸ ਹਾਲ 'ਚ ਮਿਲਿਆ ਦੇਖ ਮਾਂ ਦੀਆਂ ਨਿਕਲੀਆਂ ਧਾਹਾਂ

ਨੈਸ਼ਨਲ ਡੈਸਕ- ਰਾਜਸਥਾਨ ਦੇ ਅਲਵਰ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਦੋ ਸਾਲ ਪਹਿਲਾਂ ਬਿਹਾਰ ਦੇ ਬੇਗੂਸਰਾਏ ਤੋਂ ਲਾਪਤਾ ਹੋਇਆ 13 ਸਾਲਾ ਆਦੇਸ਼ ਆਪਣੇ ਮਾਪਿਆਂ ਮਿਲਿਆ। ਜਦੋਂ ਮਾਂ ਕਾਮਿਨੀ ਦੇਵੀ ਨੇ ਆਪਣੇ ਪੁੱਤਰ ਨੂੰ ਅਲਵਰ ਵਿੱਚ ਦੇਖਿਆ ਤਾਂ ਉਹ ਬਹੁਤ ਰੋਣ ਲੱਗ ਪਈ। ਆਦੇਸ਼ ਵੀ ਆਪਣੀ ਮਾਂ ਨੂੰ ਜੱਫੀ ਪਾ ਕੇ ਰੋਣ ਲੱਗ ਪਿਆ। ਇਸ ਭਾਵੁਕ ਪਲ ਨੂੰ ਦੇਖ ਕੇ ਉੱਥੇ ਮੌਜੂਦ ਹਰ ਕਿਸੇ ਦੀਆਂ ਅੱਖਾਂ ਨਮ ਹੋ ਗਈਆਂ।

ਮਾਰਚ 2023 ਵਿੱਚ ਆਦੇਸ਼ ਨੂੰ ਖੈਰਥਲ ਰੇਲਵੇ ਸਟੇਸ਼ਨ 'ਤੇ ਰੋਂਦੇ ਹੋਏ ਦੇਖਿਆ ਗਿਆ ਸੀ। ਆਰ.ਪੀ.ਐੱਫ. ਨੇ ਉਸਨੂੰ ਬਾਲ ਭਲਾਈ ਕਮੇਟੀ ਦੇ ਹਵਾਲੇ ਕਰ ਦਿੱਤਾ ਸੀ। ਬਾਲ ਭਲਾਈ ਕਮੇਟੀ ਨੇ ਉਸਨੂੰ ਰਾਧਾ ਬਾਲ ਗ੍ਰਹਿ ਭੇਜ ਦਿੱਤਾ ਅਤੇ ਉਸਦੇ ਪਰਿਵਾਰ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਆਦੇਸ਼ ਨੇ ਸਿਰਫ਼ ਇੰਨਾ ਦੱਸਿਆ ਕਿ ਉਹ ਦਿੱਲੀ ਦੇ ਲਾਲ ਕਿਲ੍ਹਾ ਇਲਾਕੇ ਵਿੱਚ ਰਹਿੰਦਾ ਹੈ। ਇਸ ਤੋਂ ਬਾਅਦ ਟੀਮ ਉਸਨੂੰ ਕਈ ਵਾਰ ਦਿੱਲੀ ਲੈ ਗਈ ਪਰ ਕੋਈ ਸੁਰਾਗ ਨਹੀਂ ਮਿਲਿਆ।

ਇਹ ਵੀ ਪੜ੍ਹੋ- ਫਰਵਰੀ ਮਹੀਨੇ 28 'ਚੋਂ 14 ਦਿਨ ਬੰਦ ਰਹਿਣਗੇ ਬੈਂਕ, ਦੇਖੋ ਛੁੱਟੀਆਂ ਦੀ ਪੂਰੀ ਲਿਸਟ

ਦੋ ਸਾਲਾਂ ਬਾਅਦ ਅਲਵਰ 'ਚ ਮਿਲਿਆ ਲਾਪਤਾ ਪੁੱਤਰ

ਬਾਲ ਭਲਾਈ ਕਮੇਟੀ ਨੇ ਆਦੇਸ਼ ਦੀ ਆਧਾਰ ਕਾਰਡ ਜਾਣਕਾਰੀ ਕੱਢਣ ਦੀ ਕੋਸ਼ਿਸ਼ ਕੀਤੀ। ਕਈ ਅਸਫਲ ਕੋਸ਼ਿਸ਼ਾਂ ਤੋਂ ਬਾਅਦ ਆਖਰਕਾਰ ਆਧਾਰ ਕਾਰਡ ਟ੍ਰੇਸ ਹੋ ਗਿਆ, ਜਿਸ ਤੋਂ ਪਤਾ ਲੱਗਾ ਕਿ ਉਹ ਬਿਹਾਰ ਦੇ ਬੇਗੂਸਰਾਏ ਦਾ ਰਹਿਣ ਵਾਲਾ ਸੀ। ਜਦੋਂ ਉੱਥੇ ਸੰਪਰਕ ਕੀਤਾ ਗਿਆ ਤਾਂ ਇੱਕ ਦੁਕਾਨਦਾਰ ਨੇ ਉਸਦੇ ਪਰਿਵਾਰ ਦਾ ਨੰਬਰ ਦਿੱਤਾ।

ਫ਼ੋਨ 'ਤੇ ਗੱਲ ਹੁੰਦੇ ਹੀ ਆਦੇਸ਼ ਦੇ ਪਿਤਾ ਅਰਵਿੰਦ ਸ਼ਰਨ ਅਤੇ ਮਾਂ ਕਾਮਿਨੀ ਤੁਰੰਤ ਉਸਨੂੰ ਲੈਣ ਲਈ ਅਲਵਰ ਪਹੁੰਚੇ। ਜਿਵੇਂ ਹੀ ਉਸਨੇ ਆਪਣੇ ਪੁੱਤਰ ਨੂੰ ਦੇਖਿਆ, ਮਾਂ ਨੇ ਉਸਨੂੰ ਜੱਫੀ ਪਾ ਲਈ ਅਤੇ ਰੋਣ ਲੱਗ ਪਈ। ਪਿਤਾ ਅਰਵਿੰਦ ਨੇ ਦੱਸਿਆ ਕਿ ਆਦੇਸ਼ ਪਾਰਕ ਵਿੱਚ ਖੇਡਣ ਗਿਆ ਸੀ, ਜਿੱਥੋਂ ਕਿਸੇ ਨੇ ਉਸਨੂੰ ਅਗਵਾ ਕਰ ਲਿਆ ਅਤੇ ਖੈਰਥਲ ਸਟੇਸ਼ਨ 'ਤੇ ਛੱਡ ਦਿੱਤਾ।

ਆਧਾਰ ਕਾਰਡ ਤੋਂ ਮਿਲਿਆ ਪਰਿਵਾਰ ਦਾ ਸੁਰਾਗ

ਪਰਿਵਾਰ ਦਿੱਲੀ 'ਚ ਮਜ਼ਦੂਰੀ ਕਰਦਾ ਹੈ ਅਤੇ ਦੋ ਸਾਲਾਂ ਤੋਂ ਆਪਣ ਪੁੱਤਰ ਨੂੰ ਲੱਭ ਰਿਹਾ ਸੀ। ਆਦੇਸ਼ ਦੇ ਮੁੜ ਮਿਲਣ 'ਤੇ ਪੂਰੇ ਪਰਿਵਾਰ ਨੇ ਰਾਹਤ ਦਾ ਸਾਹ ਲਿਆ ਅਤੇ ਬਾਲ ਕਲਿਆਣ ਕਮੇਟੀ ਦਾ ਧੰਨਵਾਦ ਕੀਤਾ।

ਇਹ ਵੀ ਪੜ੍ਹੋ- ਔਰਤ ਦੇ ਗਰਭ ’ਚ ਪਲ ਰਹੇ ‘ਬੱਚੇ ਦੇ ਪੇਟ ’ਚ ਬੱਚਾ’, ਡਾਕਟਰ ਵੀ ਰਹਿ ਗਏ ਹੈਰਾਨ