ਮੇਹੁਲ ਚੌਕਸੀ ਦੀ ਪਤਨੀ ਨੇ ਲਗਾਇਆ ਪਤੀ ਦੇ ਉਤਪੀੜਨ ਦਾ ਦੋਸ਼, ਕਿਹਾ- ਐਂਟੀਗੁਆ ਦੇ ਕਾਨੂੰਨ ''ਤੇ ਭਰੋਸਾ

ਨਵੀਂ ਦਿੱਲੀ - ਭਗੌੜੇ ਹੀਰਾ ਕਾਰੋਬਾਰੀ ਮੇਹੁਲ ਚੌਕਸੀ ਦੀ ਪਤਨੀ ਪ੍ਰੀਤੀ ਚੌਕਸੀ ਨੇ ਦੋਸ਼ ਲਗਾਇਆ ਹੈ ਕਿ ਉਨ੍ਹਾਂ ਦੇ ਪਤੀ ਦਾ ਉਤਪੀੜਨ ਕੀਤਾ ਜਾ ਰਿਹਾ ਹੈ। ਇੰਨਾ ਹੀ ਨਹੀਂ, ਉਨ੍ਹਾਂ ਇਹ ਵੀ ਕਿਹਾ ਹੈ ਕਿ ਉਨ੍ਹਾਂ ਨੂੰ ਐਂਟੀਗੁਆ ਦੇ ਕਾਨੂੰਨ 'ਤੇ ਭਰੋਸਾ ਹੈ। ਪ੍ਰੀਤੀ ਚੌਕਸੀ ਨੇ ਨਿਊਜ਼ ਏਜੰਸੀ ਏ.ਐੱਨ.ਆਈ. ਨਾਲ ਗੱਲ ਕਰਦੇ ਹੋਏ ਕਿਹਾ, ਮੇਰੇ ਪਤੀ ਨੂੰ ਕਈ ਸਿਹਤ ਸਮੱਸਿਆਵਾਂ ਹਨ। ਉਹ ਐਂਟੀਗੁਆ ਦੇ ਨਾਗਰਿਕ ਹਨ। ਐਂਟੀਗੁਆ ਅਤੇ ਬਾਰਬੁਡਾ ਸੰਵਿਧਾਨ ਉਨ੍ਹਾਂ ਨੂੰ ਸਾਰੇ ਅਧਿਕਾਰ ਅਤੇ ਸੁਰੱਖਿਆ ਪ੍ਰਦਾਨ ਕਰਦਾ ਹੈ। ਮੈਨੂੰ ਕੈਰੇਬੀਆਈ ਦੇਸ਼ਾਂ ਦੇ ਕਾਨੂੰਨ ਦੇ ਸ਼ਾਸਨ 'ਤੇ ਪੂਰਾ ਵਿਸ਼ਵਾਸ ਹੈ। ਅਸੀਂ ਛੇਤੀ ਤੋਂ ਛੇਤੀ ਐਂਟੀਗੁਆ ਵਿੱਚ ਉਨ੍ਹਾਂ ਦੀ ਸੁਰੱਖਿਅਤ ਅਤੇ ਸਹੀ ਸਲਾਮਤ ਵਾਪਸੀ ਦਾ ਇੰਤਜ਼ਾਰ ਕਰ ਰਹੇ ਹਾਂ।

Woman was known to my husband, she would visit my husband when she came to Antigua. From what I have understood from people who have met her, the woman shown on media channels is not the same woman that they knew as Barbara: Mehul Choksi's wife, Priti Choksi to ANI

— ANI (@ANI) June 2, 2021

ਉਨ੍ਹਾਂ ਕਿਹਾ, ਜਿਸ ਚੀਜ ਨੇ ਪਰਿਵਾਰ ਨੂੰ ਦੁੱਖ ਦਿੱਤਾ ਹੈ, ਉਹ ਹੈ ਸਰੀਰਕ ਸ਼ੋਸ਼ਣ ਅਤੇ ਮੇਰੇ ਪਤੀ ਦੇ ਮਨੁੱਖੀ ਅਧਿਕਾਰਾਂ ਦੀ ਅਣਦੇਖੀ। ਜੇਕਰ ਕੋਈ ਸੱਚਮੁੱਚ ਉਸ ਨੂੰ ਵਾਪਸ ਜ਼ਿੰਦਾ ਲਿਆਉਣ ਚਾਹੁੰਦਾ ਸੀ, ਤਾਂ ਉਨ੍ਹਾਂ ਨੂੰ ਸਰੀਰਕ ਅਤੇ ਮਾਨਸਿਕ ਰੂਪ ਨਾਲ ਤਸੀਹੇ ਦੇਣ ਦੀ ਕੀ ਲੋੜ ਸੀ?

My husband has many health issues. He is an Antiguan citizen & enjoys all rights, protection as per Antigua and Barbuda constitution. I've full faith in the rule of law of the Caribbean nations. We await his safe and rightful return to Antigua at the earliest: Priti Choksi to ANI

— ANI (@ANI) June 2, 2021

ਗਰਲਫ੍ਰੈਂਡ ਨੂੰ ਲੈ ਕੇ ਉਨ੍ਹਾਂ ਕਿਹਾ, ਜਨਾਨੀ ਮੇਰੇ ਪਤੀ ਨੂੰ ਜਾਣਦੀ ਸੀ, ਜਦੋਂ ਉਹ ਐਂਟੀਗੁਆ ਆਉਂਦੀ ਸੀ ਤਾਂ ਉਹ ਮੇਰੇ ਪਤੀ ਨੂੰ ਮਿਲਣ ਜਾਂਦੀ ਸੀ। ਜੋ ਲੋਕ ਉਨ੍ਹਾਂ ਨੂੰ ਮਿਲੇ ਹਨ, ਉਨ੍ਹਾਂ ਤੋਂ ਮੈਂ ਜੋ ਸਮਝਿਆ ਹੈ, ਮੀਡੀਆ ਚੈਨਲਾਂ 'ਤੇ ਵਿਖਾਈ ਗਈ ਜਨਾਨੀ ਉਹ ਨਹੀਂ ਹੈ ਜਿਸ ਨੂੰ ਉਹ ਬਾਰਬਰਾ ਦੇ ਨਾਮ ਨਾਲ ਜਾਣਦੇ ਸਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।