ਮਣੀਪੁਰ ’ਚ ਹਥਿਆਰ ਤੇ ਗੋਲਾ-ਬਾਰੂਦ ਬਰਾਮਦ

ਇੰਫਾਲ- ਸੁਰੱਖਿਆ ਫੋਰਸਾਂ ਨੇ ਮਣੀਪੁਰ ਦੇ ਥੌਬਲ ਜ਼ਿਲੇ ਦੇ ਹੇਰੋਕ ਪੁਲਸ ਸਟੇਸ਼ਨ ਅਧੀਨ ਰਿੰਗਪਾਮ ਪਿੰਡ ਨੇੜੇ ਸਲੰਗਫਾਮ ਮਾਮਾਂਗ ਲੀਕਾਈ ਤੋਂ ਹਥਿਆਰ ਤੇ ਗੋਲਾ-ਬਾਰੂਦ ਬਰਾਮਦ ਕੀਤਾ ਹੈ। 2 ਅੱਤਵਾਦੀਆਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।

ਪੁਲਸ ਸੂਤਰਾਂ ਨੇ ਸ਼ੁੱਕਰਵਾਰ ਦੱਸਿਆ ਕਿ ਕਾਰਵਾਈ ਦੌਰਾਨ ਜਵਾਨਾਂ ਨੇ ਮੈਗਜ਼ੀਨ ਵਾਲੀ ਇਕ 7.62 ਐੱਸ. ਐੱਲ. ਆਰ. ਰਾਈਫਲ, ਮੈਗਜ਼ੀਨ ਵਾਲੀ ਇਕ ਕਾਰਬਾਈਨ, 2 ਸਿੰਗਲ-ਬੋਰ ਰਾਈਫਲਾਂ, ਇਕ ਐੱਸ. ਬੀ. ਬੀ. ਐੱਲ. ਪੀ. ਏ. ਜੀ., ਚੀਨ ਦੇ ਬਣੇ 2 ਹੈਂਡ ਗ੍ਰਨੇਡ ਤੇ ਸਥਾਨਕ ਤੌਰ ’ਤੇ ਬਣਾਏ ਗਏ ਵਿਸਫੋਟਕ ਯੰਤਰ ਬਰਾਮਦ ਕੀਤੇ ਹਨ।