ਮਣੀਪੁਰ ਦੇ ਇਸ ਸ਼ਖ਼ਸ ਨੇ 20 ਸਾਲਾਂ ''ਚ ਬੰਜਰ ਜ਼ਮੀਨ ਨੂੰ 300 ਏਕੜ ਜੰਗਲ ''ਚ ਬਦਲਿਆ

ਇੰਫਾਲ (ਭਾਸ਼ਾ)- ਮਣੀਪੁਰ ਦੇ ਇੰਫਾਲ ਪੱਛਮੀ ਜ਼ਿਲ੍ਹੇ 'ਚ 47 ਸਾਲਾ ਵਿਅਕਤੀ ਨੇ 20 ਸਾਲਾਂ 'ਚ ਕਈ ਤਰ੍ਹਾਂ ਦੀਆਂ ਪੌਦਿਆਂ ਦੀਆਂ ਕਿਸਮਾਂ ਨਾਲ ਬੰਜਰ ਜ਼ਮੀਨ ਨੂੰ 300 ਏਕੜ ਦੇ ਜੰਗਲ 'ਚ ਬਦਲ ਦਿੱਤਾ ਹੈ। ਜ਼ਿਲ੍ਹੇ ਦੇ ਉਰੀਪੋਕ ਖੈਦੇਮ ਲੇਕਾਈ ਖੇਤਰ ਦੇ ਰਹਿਣ ਵਾਲੇ ਮੋਇਰਾਂਗਥੇਮ ਲੋਈਆ ਨੇ ਲਗਭਗ 20 ਸਾਲ ਪਹਿਲਾਂ ਲੰਗੋਲ ਪਹਾੜੀ ਖੇਤਰ 'ਚ ਇੰਫਾਲ ਸ਼ਹਿਰ ਦੇ ਬਾਹਰੀ ਇਲਾਕੇ 'ਚ ਰੁੱਖ ਲਗਾਉਣੇ ਸ਼ੁਰੂ ਕੀਤੇ ਸਨ। ਬਚਪਨ ਤੋਂ ਹੀ ਕੁਦਰਤ ਪ੍ਰੇਮੀ, ਲੋਈਆ ਨੇ ਦੱਸਿਆ,"2000 ਦੀ ਸ਼ੁਰੂਆਤ 'ਚ, ਚੇਨਈ ਤੋਂ ਆਪਣੀ ਕਾਲਜ ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਮੈਂ ਕੋਬਰੂ ਪਰਬਤ ਗਿਆ ਤਾਂ ਮੈਂ ਕਦੇ ਉੱਥੇ ਰਹੇ ਸੰਘਣੇ ਜੰਗਲਾਂ ਦੀ ਕਟਾਈ ਤੋਂ ਹੈਰਾਨ ਸੀ।'' ਉਨ੍ਹਾਂ ਦੱਸਿਆ ਕਿ ਉਸ ਨੂੰ ਲੱਗਾ ਕਿ ਕੁਦਰਤ ਨੂੰ ਉਨ੍ਹਾਂ ਨੂੰ ਕੁਝ ਦੇਣਾ ਚਾਹੀਦਾ ਅਤੇ ਉਹ ਇਸ ਕੋਸ਼ਿਸ਼ 'ਚ ਜੁਟ ਗਏ। ਉਨ੍ਹਾਂ ਕਿਹਾ ਕਿ ਇਸ ਕੋਸ਼ਿਸ਼ ਦੇ ਅਧੀਨ ਉਹ ਇੰਫਾਲ ਸ਼ਹਿਰ ਦੇ ਬਾਹਰੀ ਇਲਾਕੇ ਲੰਗੋਲ ਪਹਾੜੀ ਖੇਤਰ 'ਚ ਮਾਰੂ ਲੰਗੋਲ ਪਹੁੰਚੇ। 

ਇਹ ਵੀ ਪੜ੍ਹੋ : ਜਜ਼ਬੇ ਨੂੰ ਸਲਾਮ! ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰ ਮਹਾਰਾਸ਼ਟਰ ਦਾ ਇਹ ਮੁੰਡਾ ਅਮਰੀਕਾ 'ਚ ਬਣਿਆ ਵਿਗਿਆਨੀ

ਲੋਈਆ ਨੇ ਦੱਸਿਆ,''ਉੱਥੇ ਘੁੰਮਣ ਦੌਰਾਨ ਮੈਂ ਅਚਾਨਕ ਹੀ ਉਸ ਜਗ੍ਹਾ ਪਹੁੰਚ ਗਿਆ ਅਤੇ ਮੈਨੂੰ ਤੁਰੰਤ ਮਹਿਸੂਸ ਹੋਇਆ ਕਿ ਖੇਤੀ ਕਾਰਨ ਬੰਜਲ ਹੋਏ ਇਸ ਖੇਤਰ ਨੂੰ ਸਮੇਂ ਅਤੇ ਸਮਰਪਣ ਨਾਲ ਹਰੇ-ਭਰੇ ਜੰਗਲ 'ਚ ਬਦਲਿਆ ਜਾ ਸਕਦਾ ਹੈ।'' ਉਨਾਂ ਕਿਹਾ ਕਿ ਇਸ ਜਗ੍ਹਾ ਨੇ 6 ਸਾਲ ਤੱਕ ਮੇਰੇ ਲਈ ਇਕ ਘਰ ਦੇ ਰੂਪ 'ਚ ਕੰਮ ਕੀਤਾ, ਕਿਉਂਕਿ ਮੈਂ ਇਕ ਝੌਂਪੜੀ 'ਚ ਵੱਖ-ਵੱਖ ਰਹਿੰਦਾ ਸੀ, ਜਿਸ ਨੂੰ ਮੈਂ ਖ਼ੁਦ ਬਣਾਇਆ ਸੀ। ਇੱਥੇ ਬਾਂਸ, ਕਟਹਲ ਦੇ ਦਰੱਖਤ ਸਨ, ਜਦੋਂ ਕਿ ਪਹਿਲੇ ਮਨੁੱਖੀ ਗਤੀਵਿਧੀਆਂ ਰਾਹੀਂ ਤਬਾਹ ਹੋਏ ਖੇਤਰ ਦਾ ਪੋਸ਼ਣ ਕੀਤਾ। ਲੋਈਆ ਨੇ ਕਿਹਾ,''ਮੈਂ ਆਪਣੀ ਜੇਬ 'ਚੋਂ ਬੂਟੇ ਖਰੀਦਾਂਗਾ ਅਤੇ ਜਦੋਂ ਵੀ ਸੰਭਵ ਹੋਵੇਗਾ ਇਸ ਨੂੰ ਲਗਾਵਾਂਗਾ।'' ਉਨ੍ਹਾਂ ਕਿਹਾ ਕਿ ਰੁੱਖ ਲਗਾਉਣ ਦਾ ਕੰਮ ਜ਼ਿਆਦਾਤਰ ਮਾਸੂਨ ਦੇ ਮੌਸਮ ਤੋਂ ਪਹਿਲਾਂ ਕੀਤਾ ਜਾਂਦਾ ਹੈ ਅਤੇ ਰੁੱਖਾਂ ਦਾ ਵਿਕਾਸ ਹਮੇਸ਼ਾ ਤੇਜ਼ ਹੁੰਦਾ ਹੈ। ਵਾਈਲਡਲਾਈਫ ਐਂਡ ਹੈਬੀਟੇਟ ਪ੍ਰੋਟੈਕਸ਼ਨ ਸੋਸਾਇਟੀ (ਡਬਲਯੂਏਐਚਪੀਐਸ) ਦੀ ਸਥਾਪਨਾ ਕਰਨ ਵਾਲੇ ਲੋਈਆ ਨੇ ਕਿਹਾ ਕਿ ਹਿਰਨਾਂ ਲਈ ਸਮੇਂ-ਸਮੇਂ 'ਤੇ ਗੈਰ-ਕਾਨੂੰਨੀ ਸ਼ਿਕਾਰ, ਜ਼ਿਆਦਾਤਰ ਖੇਡ ਲਈ, ਇਕ ਹੋਰ ਸਮੱਸਿਆ ਹੈ, ਜਿਸ ਦਾ ਅਸੀਂ ਆਮ ਤੌਰ 'ਤੇ ਸਾਹਮਣਾ ਕਰਦੇ ਹਨ। ਰਾਜ ਦੇ ਜੰਗਲਾਤ ਅਧਿਕਾਰੀਆਂ ਨੇ ਲੋਂਗੋਲ ਪਰਬਤ ਲੜੀ 'ਚ ਦਰੱਖਤ ਲਗਾਉਣ 'ਚ ਲੋਈਆ ਦੀ ਕੋਸ਼ਿਸ਼ ਦਾ ਸਮਰਥਨ ਕੀਤਾ ਹੈ।

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ