ਹਰਿਆਣਾ ''ਚ ਵੱਡਾ ਹਾਦਸਾ ! ਹਾਈ-ਵੋਲਟੇਜ ਤਾਰਾਂ ਦੀ ਲਪੇਟ ''ਚ ਆਇਆ ਕੈਂਟਰ, 1 ਦੀ ਮੌਤ ਤੇ 20 ਜ਼ਖ਼ਮੀ

ਨੈਸ਼ਨਲ ਡੈਸਕ : ਹਰਿਆਣਾ ਦੇ ਕਰਨਾਲ 'ਚ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਿਹਾ ਇੱਕ ਕੈਂਟਰ ਟਰੱਕ ਹਾਈ-ਵੋਲਟੇਜ ਬਿਜਲੀ ਤਾਰ ਦੇ ਸੰਪਰਕ ਵਿੱਚ ਆ ਗਿਆ। ਪੁਲਸ ਨੇ ਐਤਵਾਰ ਨੂੰ ਦੱਸਿਆ ਕਿ ਮਦਦ ਲਈ ਆਇਆ ਇੱਕ ਵਿਅਕਤੀ ਕਰੰਟ ਲੱਗ ਗਿਆ ਤੇ ਉਸ ਵਿੱਚ ਸਵਾਰ 20 ਤੋਂ ਵੱਧ ਲੋਕ ਜ਼ਖਮੀ ਹੋ ਗਏ। ਇਹ ਘਟਨਾ ਸ਼ਨੀਵਾਰ ਦੇਰ ਰਾਤ ਉਸ ਸਮੇਂ ਵਾਪਰੀ ਜਦੋਂ 50 ਤੋਂ ਵੱਧ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਿਹਾ ਕੈਂਟਰ ਰਾਜਸਥਾਨ ਦੇ ਗੋਗਾਮੇਡੀ ਜਾ ਰਿਹਾ ਸੀ। 
ਪੁਲਸ ਦੇ ਅਨੁਸਾਰ ਘਰੌਂਡਾ 'ਚ ਮਿੰਨੀ ਬਾਈਪਾਸ ਦੇ ਨੇੜੇ ਕੈਂਟਰ ਇੱਕ ਹਾਈ-ਵੋਲਟੇਜ ਬਿਜਲੀ ਤਾਰ ਦੇ ਸੰਪਰਕ ਵਿੱਚ ਆਇਆ, ਜਿਸ ਵਿੱਚ ਸਵਾਰ 20 ਤੋਂ ਵੱਧ ਲੋਕ ਜ਼ਖਮੀ ਹੋ ਗਏ।

ਉਸਨੇ ਕਿਹਾ ਇੱਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਇੱਕ ਸਥਾਨਕ ਨਿਵਾਸੀ, ਸ਼ਰਧਾਲੂਆਂ ਦੀਆਂ ਚੀਕਾਂ ਸੁਣ ਕੇ, ਉਨ੍ਹਾਂ ਦੀ ਮਦਦ ਲਈ ਮੌਕੇ 'ਤੇ ਪਹੁੰਚਿਆ। "ਹਾਲਾਂਕਿ, ਉਸਨੂੰ ਕਰੰਟ ਲੱਗ ਗਿਆ ਤੇ ਉਸਦੀ ਮੌਤ ਹੋ ਗਈ,"। ਅਧਿਕਾਰੀ ਨੇ ਕਿਹਾ ਕਿ ਕੈਂਟਰ ਦੇ ਉੱਪਰ ਇੱਕ ਵਾਧੂ ਫਰੇਮ ਨਾਲ ਇੱਕ ਲੋਹੇ ਦੀ ਪਾਈਪ ਜੁੜੀ ਹੋਈ ਸੀ, ਜੋ ਉੱਪਰੋਂ ਲੰਘਦੀ ਇੱਕ ਹਾਈ-ਵੋਲਟੇਜ ਬਿਜਲੀ ਲਾਈਨ ਦੇ ਸੰਪਰਕ ਵਿੱਚ ਆਈ। ਉਨ੍ਹਾਂ ਕਿਹਾ ਕਿ ਜ਼ਖਮੀਆਂ ਨੂੰ ਕਰਨਾਲ ਤੇ ਪਾਣੀਪਤ ਦੇ ਸਰਕਾਰੀ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।