ਮਹਿਲਾ ਸਨਮਾਨ ਯੋਜਨਾ 'ਚ 4.33 ਮਿਲਿਅਨ ਜਮ੍ਹਾਂਕਰਤਾ ਸ਼ਾਮਲ

ਨਵੀਂ ਦਿੱਲੀ- ਵਿੱਤ ਰਾਜ ਮੰਤਰੀ ਪੰਕਜ ਚੌਧਰੀ ਨੇ ਸੋਮਵਾਰ ਨੂੰ ਲੋਕ ਸਭਾ ਨੂੰ ਦੱਸਿਆ ਕਿ ਔਰਤਾਂ ਲਈ ਸ਼ੁਰੂ ਕੀਤੀ ਗਈ ਨਵੀਨਤਮ ਛੋਟੀ ਬੱਚਤ ਯੋਜਨਾ, ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਸਕੀਮ, ਨੇ ਦੇਸ਼ ਭਰ ਵਿੱਚ 4.33 ਮਿਲੀਅਨ ਜਮ੍ਹਾਂਕਰਤਾਵਾਂ ਨੂੰ ਆਕਰਸ਼ਿਤ ਕੀਤਾ ਹੈ। ਇਹ ਸਕੀਮ 1 ਅਪ੍ਰੈਲ 2023 ਨੂੰ ਸ਼ੁਰੂ ਕੀਤੀ ਗਈ ਸੀ।

7,46,223 ਖੋਲ੍ਹੇ ਗਏ ਖਾਤੇ 
ਮਹਾਰਾਸ਼ਟਰ ਵਿੱਚ ਇਸ ਯੋਜਨਾ ਵਿੱਚ ਸਭ ਤੋਂ ਵੱਧ ਜਮ੍ਹਾਕਰਤਾ ਹਨ, ਜਿੱਥੇ 7,46,223 ਖਾਤੇ ਖੋਲ੍ਹੇ ਗਏ ਹਨ। ਇਸ ਤੋਂ ਬਾਅਦ ਤਾਮਿਲਨਾਡੂ (5,47,675 ਖਾਤੇ), ਓਡੀਸ਼ਾ (4,16,989 ਖਾਤੇ), ਕਰਨਾਟਕ (2,93,007 ਖਾਤੇ), ਉੱਤਰ ਪ੍ਰਦੇਸ਼ (2,69,532 ਖਾਤੇ) ਅਤੇ ਪੱਛਮੀ ਬੰਗਾਲ (2,54,777 ਖਾਤੇ) ਦਾ ਨੰਬਰ ਆਉਂਦਾ ਹੈ।

ਆਂਸ਼ਿਕ ਨਿਕਾਸੀ ਦਾ ਵੀ ਹੈ ਵਿਕਲਪ
ਇਸ ਯੋਜਨਾ ਤਹਿਤ ਔਰਤ ਜਾਂ ਨਾਬਾਲਗ ਲੜਕੀ ਦੇ ਸਰਪ੍ਰਸਤ ਦੇ ਨਾਂ 'ਤੇ ਖਾਤਾ ਖੋਲ੍ਹਿਆ ਜਾ ਸਕਦਾ ਹੈ ਅਤੇ ਇਸ 'ਚ 2 ਲੱਖ ਰੁਪਏ ਤੱਕ ਦੀ ਰਕਮ ਜਮ੍ਹਾ ਕਰਵਾਈ ਜਾ ਸਕਦੀ ਹੈ। ਇਸ ਦੇ ਨਾਲ, ਆਂਸ਼ਿਕ ਨਿਕਾਸੀ ਦਾ ਵਿਕਲਪ ਵੀ ਹੈ ਅਤੇ ਇਹ 7.5% ਦੀ ਇੱਕ ਸਥਿਰ ਵਿਆਜ ਦਰ ਦੀ ਪੇਸ਼ਕਸ਼ ਕਰਦਾ ਹੈ।

ਪੇਂਡੂ ਖੇਤਰਾਂ ਵਿੱਚ ਵੀ ਔਰਤਾਂ ਹਨ ਜੁੜੀਆਂ

ਇਸ ਸਕੀਮ ਦੀ ਘੋਸ਼ਣਾ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੁਆਰਾ ਫਰਵਰੀ 2023 ਦੇ ਬਜਟ ਵਿੱਚ ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਪੂਰੇ ਹੋਣ ਲਈ ਕੀਤੀ ਗਈ ਸੀ। ਇਹ ਸਕੀਮ 31 ਮਾਰਚ 2025 ਤੱਕ ਜਾਰੀ ਰੱਖਣ ਦੀ ਯੋਜਨਾ ਹੈ। ਸਰਕਾਰ ਨੇ ਔਰਤਾਂ ਦੀ ਵਿੱਤੀ ਸੁਤੰਤਰਤਾ ਅਤੇ ਵਿੱਤੀ ਸਮਾਵੇਸ਼ ਨੂੰ ਵਧਾਉਣ ਦੇ ਉਦੇਸ਼ ਨਾਲ ਇਹ ਯੋਜਨਾ ਸ਼ੁਰੂ ਕੀਤੀ ਹੈ, ਜਿਸ ਵਿੱਚ ਪੇਂਡੂ ਖੇਤਰਾਂ ਵਿੱਚ ਵੀ ਔਰਤਾਂ ਸ਼ਾਮਲ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।