2024 ਤਕ ਆਈਕਾਨਿਕ A380 ਦਿੱਲੀ ''ਚ ਵਾਪਸ ਲਿਆਏਗੀ ਲੁਫਥਾਂਸਾ
09/03/2023 2:48:54 PM
ਨਵੀਂ ਦਿੱਲੀ- 1 ਸਤੰਬਰ 2023 ਨੂੰ ਦਿੱਲੀ 'ਚ ਸੰਚਾਲਨ ਦੇ 60 ਸਾਲ ਪੂਰੇ ਹੋਣ ਦੇ ਮੌਕੇ 'ਤੇ ਲੁਫਥਾਂਸਾ ਨੇ ਐਲਾਨ ਕੀਤਾ ਕਿ ਉਹ 2024 ਦੀਆਂ ਗਰਮੀਆਂ 'ਚ ਆਪਣੇ ਆਈਕਾਨਿਕ ਏ380 ਨੂੰ ਦਿੱਲੀ 'ਚ ਵਾਪਸ ਲਿਆ ਰਹੀ ਹੈ। ਅੱਧੀ ਸਦੀ ਤੋਂ ਜ਼ਿਆਦਾ ਪੁਰਾਣੇ ਰਿਸ਼ਤੇ ਦੇ ਨਾਲ ਲੁਫਥਾਂਸਾ ਜਰਮਨ ਏਅਰਲਾਈਨਜ਼ ਭਾਰਤੀ ਰਾਜਧਾਨੀ ਨੂੰ ਜਰਮਨ ਨਾਲ ਜੋੜਣ ਦੇ 60 ਸਾਲ ਪੂਰੇ ਹੋਣ ਦਾ ਜਸ਼ਨ ਮਨਾ ਰਹੀ ਹੈ। ਨਵੀਂ ਦਿੱਲੀ ਦੇ ਤਾਜ ਮਹਿਲ ਹੋਟਨ 'ਚ ਇਸ ਹਰੀਕ ਜਯੰਤੀ ਦਾ ਜਸ਼ਨ ਮਨਾਉਂਦੇ ਹੋਏ ਲੁਫਥਾਂਸਾ ਸਮੂਹ ਦੇ ਗਲੋਬਲ ਬਾਜ਼ਾਰ ਅਤੇ ਸਟੇਸ਼ਨ ਦੇ ਸੀਨੀਅਨ ਪ੍ਰਧਾਨ ਫ੍ਰੈਂਕ ਨੇਵੇ ਨੇ ਪ੍ਰਸਿੱਧ ਏ380 ਅਤੇ ਪਹਿਲੀ ਸ਼੍ਰੇਣੀ ਦੀਆਂ ਸੇਵਾਵਾਂ ਦੀ ਵਾਪਸੀ ਦਾ ਐਲਾਨ ਕੀਤਾ।
ਜ਼ਿਕਰਯੋਗ ਹੈ ਕਿ ਲੁਫਥਾਂਸਾ ਕੋਲ 14 ਏ380 ਜਹਾਜ਼ਾਂ ਦਾ ਬੇੜਾ ਸੀ, ਉਸਨੇ ਕੋਵਿਡ-19 ਦੀ ਸ਼ੁਰੂਆਤ 'ਚ ਉਨ੍ਹਾਂ ਸਾਰਿਆਂ ਨੂੰ ਸਟੋਰਜ ਵਿਚ ਰੱਖ ਦਿੱਤਾ। ਫਿਰ ਇਸਨੇ ਐਲਾਨ ਕੀਤਾ ਕਿ ਉਸਨੇ 6 ਏ380 ਜਹਾਜ਼ਾਂ ਨੂੰ ਵਿਕਰੀ ਲਈ ਰੱਖਿਆ ਹੈ, ਜਿਸਦੀ ਕਿਸਮਤ ਅਣਜਾਣ ਹੈ। ਲਗਭਗ ਇੱਕ ਸਾਲ ਪਹਿਲਾਂ, ਲੁਫਥਾਂਸਾ ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ ਆਪਣੇ ਕੁਝ A380 ਜਹਾਜ਼ਾਂ ਨੂੰ ਸੇਵਾ ਵਿੱਚ ਵਾਪਸ ਲਿਆਏਗੀ ਅਤੇ ਜਨਵਰੀ 2023 ਵਿਚ ਪਹਿਲੇ A380 ਜਹਾਜ਼ ਨੂੰ ਮੁੜ ਸਰਗਰਮ ਕਰਨ ਦੇ ਨਾਲ ਇਸਦੀ ਪਾਲਣਾ ਕੀਤੀ।
ਇਹ ਜਹਾਜ਼ ਮਿਊਨਿਖ ਤੋਂ ਉਡਾਣ ਭਰਨ ਲਈ ਤਾਇਨਾਤ ਸਨ। A380 ਵਿੱਚੋਂ ਤਿੰਨ ਹੁਣ ਤੱਕ ਸੇਵਾ ਵਿੱਚ ਵਾਪਸ ਆ ਚੁੱਕੇ ਹਨ, ਅਤੇ ਚੌਥੇ A380 ਦੇ ਜਲਦੀ ਹੀ (2023 ਵਿਚ) ਉਹਨਾਂ ਵਿਚ ਸ਼ਾਮਲ ਹੋਣ ਦੀ ਉਮੀਦ ਹੈ। ਹੁਣ, ਲੁਫਥਾਂਸਾ ਨੇ ਘੋਸ਼ਣਾ ਕੀਤੀ ਹੈ ਕਿ ਦੋ ਹੋਰ A380 ਜਹਾਜ਼ ਸੇਵਾ ਵਿਚ ਵਾਪਸ ਆਉਣ ਲਈ ਵਚਨਬੱਧ ਮੌਜੂਦਾ ਛੇ ਵਿਚ ਸ਼ਾਮਲ ਹੋਣਗੇ, ਜਿਸਦਾ ਮਤਲਬ ਹੈ ਕਿ ਲੁਫਥਾਂਸਾ ਦੇ ਫਲੀਟ ਵਿਚ ਹੋਣ ਦੀ ਪੁਸ਼ਟੀ ਕੀਤੇ ਗਏ ਸਾਰੇ ਅੱਠ A380 ਜੈੱਟ 2025 ਤੱਕ ਸੇਵਾ ਵਿੱਚ ਵਾਪਸ ਆ ਜਾਣਗੇ।
