''ਹਰਿਆਣਾ ''ਚ ਲਗਾਤਾਰ ਤੀਜੀ ਵਾਰ ਖਿੜਿਆ ਕਮਲ'', PM ਮੋਦੀ ਦਾ ਪਾਰਟੀ ਵਰਕਰਾਂ ਨੂੰ ਸੁਨੇਹਾ

ਨੈਸ਼ਨਲ ਡੈਸਕ : ਹਰਿਆਣਾ 'ਚ ਤੀਜੀ ਵਾਰ ਸੱਤਾ 'ਚ ਆਉਣ ਤੋਂ ਬਾਅਦ ਪੀਐੱਮ ਮੋਦੀ ਨੇ ਭਾਜਪਾ ਦਫਤਰ ਪਹੁੰਚ ਕੇ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕੀਤਾ। ਪੀਐੱਮ ਮੋਦੀ ਨੇ ਕਿਹਾ ਕਿ ਜਿੱਥੇ ਦੁੱਧ ਅਤੇ ਦਹੀਂ ਦਾ ਖਾਣਾ, ਉਹੀ ਸਾਡਾ ਹਰਿਆਣਾ। ਹਰਿਆਣਾ ਦੇ ਲੋਕਾਂ ਨੇ ਕਮਾਲ ਕਰ ਦਿੱਤਾ ਹੈ। ਅੱਜ ਨਵਰਾਤਰੀ ਦਾ ਛੇਵਾਂ ਦਿਨ, ਮਾਂ ਕਾਤਯਾਨੀ ਦਾ ਦਿਨ ਹੈ। ਮਾਂ ਕਾਤਯਾਨੀ ਇੱਕ ਸ਼ੇਰ ਉੱਤੇ ਬਿਰਾਜਮਾਨ ਹੈ ਜਿਸ ਦੇ ਹੱਥ ਵਿੱਚ ਕਮਲ ਹੈ। ਉਹ ਸਾਨੂੰ ਸਾਰਿਆਂ ਨੂੰ ਅਸੀਸ ਦੇ ਰਹੀ ਹੈ। ਇਹ ਤੀਜੀ ਵਾਰ ਹੈ ਜਦੋਂ ਅਜਿਹੇ ਪਵਿੱਤਰ ਦਿਨ ਹਰਿਆਣਾ ਵਿੱਚ ਕਮਲ ਖਿੜਿਆ ਹੈ।

ਵਿਕਾਸ ਦੀ ਗਾਰੰਟੀ ਨੇ ਝੂਠ ਦੀ ਗੰਢ ਖਤਮ ਕੀਤੀ : ਪ੍ਰਧਾਨ ਮੰਤਰੀ ਮੋਦੀ
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, "ਹਰਿਆਣਾ ਵਿੱਚ ਜਿੱਤ ਪਾਰਟੀ ਵਰਕਰਾਂ, ਜੇਪੀ ਨੱਡਾ, ਸੀਐਮ ਨਾਇਬ ਸਿੰਘ ਸੈਣੀ ਦੀ ਸਖ਼ਤ ਮਿਹਨਤ ਦਾ ਨਤੀਜਾ ਹੈ। ਅੱਜ ਵਿਕਾਸ ਦੀ ਗਾਰੰਟੀ ਨੇ ਝੂਠ ਦੀ ਗੰਢ ਖ਼ਤਮ ਕਰ ਦਿੱਤੀ ਹੈ। ਹਰਿਆਣਾ ਦੇ ਲੋਕਾਂ ਨੇ ਇਤਿਹਾਸ ਰਚਿਆ ਹੈ। ਹਰਿਆਣਾ ਦਾ ਗਠਨ 1966 'ਚ ਹੋਇਆ ਸੀ। ਹਰਿਆਣਾ 'ਚ ਹੁਣ ਤੱਕ 13 ਚੋਣਾਂ ਹੋ ਚੁੱਕੀਆਂ ਹਨ, ਜਿਨ੍ਹਾਂ 'ਚੋਂ ਹਰਿਆਣਾ ਦੇ ਲੋਕਾਂ ਨੇ ਸਰਕਾਰ ਬਦਲੀ ਹੈ, ਪਰ ਇਸ ਵਾਰ ਹਰਿਆਣਾ ਦੇ ਲੋਕਾਂ ਨੇ ਜੋ ਕੁਝ ਕੀਤਾ ਹੈ, ਉਹ ਪਹਿਲਾਂ ਕਦੇ ਨਹੀਂ ਹੋਇਆ। ਹਰਿਆਣਾ 'ਚ ਪਹਿਲੀ ਵਾਰ ਪੰਜ ਸਾਰ ਦੇ ਕਾਰਜਕਾਲ ਪੂਰੇ ਕਰਨ ਤੋਂ ਬਾਅਦ ਕੋਈ ਸਰਕਾਰ ਬਣੀ ਹੈ।

#WATCH | Addressing party workers in Delhi, Prime Minister Narendra Modi says, "Wherever BJP forms government, the people there support BJP for a long time. And on the other hand, what is the condition of Congress? When was the last time a Congress government came back to power?… pic.twitter.com/KyKEz8wg8d

— ANI (@ANI) October 8, 2024

ਲੋਕਾਂ ਨੇ ਕਾਂਗਰਸ ਲਈ 'ਨੋ ਐਂਟਰੀ' ਦੇ ਬੋਰਡ ਲਾਏ : ਪੀਐੱਮ ਮੋਦੀ
ਦਿੱਲੀ 'ਚ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਜਿੱਥੇ ਵੀ ਭਾਜਪਾ ਦੀ ਸਰਕਾਰ ਬਣੀ ਹੈ, ਉੱਥੇ ਲੋਕ ਲੰਬੇ ਸਮੇਂ ਤੱਕ ਭਾਜਪਾ ਦਾ ਸਮਰਥਨ ਕਰਦੇ ਹਨ। ਦੂਜੇ ਪਾਸੇ ਕਾਂਗਰਸ ਦੀ ਕੀ ਸਥਿਤੀ ਹੈ? ਪਿਛਲੀ ਵਾਰ ਕਾਂਗਰਸ ਦੀ ਸਰਕਾਰ ਕਦੋਂ ਆਈ ਸੀ? ਕਰੀਬ 13 ਸਾਲ ਪਹਿਲਾਂ ਅਸਾਮ 'ਚ ਉਨ੍ਹਾਂ ਦੀ ਸਰਕਾਰ ਦੁਬਾਰਾ ਬਣੀ ਸੀ ਤੇ ਉਦੋਂ ਤੋਂ ਉਨ੍ਹਾਂ ਦੀ ਸਰਕਾਰ ਨਹੀਂ ਬਣੀ ਹੈ... ਦੇਸ਼ ਦੇ ਜ਼ਿਆਦਾਤਰ ਸੂਬਿਆਂ 'ਚ ਲੋਕਾਂ ਨੇ ਕਾਂਗਰਸ ਲਈ 'ਨੋ ਐਂਟਰੀ' ਦੇ ਬੋਰਡ ਲਗਾ ਦਿੱਤੇ ਹਨ।

#WATCH | Addressing party workers at BJP headquarters in Delhi, Prime Minister Narendra Modi says "...'Jaha doodh-dahi ka khana, waisa hai apna Haryana'. The people of Haryana have done wonders. Today is the sixth day of Navratri, the day of Maa Katyayani. Maa Katyayani is… pic.twitter.com/kqoCoM0zYq

— ANI (@ANI) October 8, 2024

ਸੰਵਿਧਾਨ ਤੇ ਲੋਕਤੰਤਰ ਦੀ ਜਿੱਤ
ਦਿੱਲੀ ਵਿੱਚ ਭਾਜਪਾ ਹੈੱਡਕੁਆਰਟਰ ਵਿੱਚ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਦਿਆਂ ਪੀਐਮ ਮੋਦੀ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਵਿੱਚ ਸ਼ਾਂਤੀਪੂਰਨ ਚੋਣਾਂ ਹੋਈਆਂ, ਵੋਟਾਂ ਦੀ ਗਿਣਤੀ ਹੋਈ ਅਤੇ ਨਤੀਜੇ ਐਲਾਨੇ ਗਏ ਅਤੇ ਇਹ ਭਾਰਤੀ ਸੰਵਿਧਾਨ ਅਤੇ ਲੋਕਤੰਤਰ ਦੀ ਜਿੱਤ ਹੈ। ਜੰਮੂ-ਕਸ਼ਮੀਰ ਦੇ ਲੋਕਾਂ ਦੀ ਜਿੱਤ ਹੈ। ਐੱਨਸੀ ਗਠਜੋੜ ਨੂੰ ਦਿੱਤਾ ਗਿਆ ਜਨਾਦੇਸ਼, ਮੈਂ ਉਨ੍ਹਾਂ ਨੂੰ ਵੀ ਵਧਾਈ ਦਿੰਦਾ ਹਾਂ, ਜੇਕਰ ਅਸੀਂ ਵੋਟ ਸ਼ੇਅਰ ਪ੍ਰਤੀਸ਼ਤ ਨੂੰ ਵੇਖੀਏ ਤਾਂ ਭਾਜਪਾ ਜੰਮੂ-ਕਸ਼ਮੀਰ ਵਿੱਚ ਸਭ ਤੋਂ ਵੱਡੀ ਪਾਰਟੀ ਬਣ ਕੇ ਉਭਰੀ ਹੈ।

ਜੰਮੂ-ਕਸ਼ਮੀਰ 'ਚ ਵੀ ਸਾਡਾ ਵੋਟ ਸ਼ੇਅਰ ਵਧਿਆ : ਨੱਡਾ
ਇਸ ਤੋਂ ਪਹਿਲਾਂ ਪਾਰਟੀ ਦੇ ਕੌਮੀ ਪ੍ਰਧਾਨ ਜੇਪੀ ਨੱਡਾ ਨੇ ਵਰਕਰਾਂ ਨੂੰ ਸੰਬੋਧਨ ਕੀਤਾ। ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਜੇਪੀ ਨੱਡਾ ਨੇ ਕਿਹਾ, 'ਇਹ ਜਿੱਤ ਅਸੀਂ ਹਰਿਆਣਾ 'ਚ ਹਾਸਲ ਕੀਤੀ ਅਤੇ ਜੰਮੂ-ਕਸ਼ਮੀਰ 'ਚ ਵੀ ਸਾਡੀ ਵੋਟ ਸ਼ੇਅਰ ਵਧੀ। ਇਹ ਜਨਤਾ ਵੱਲੋਂ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ 'ਤੇ ਭਰੋਸਾ ਪ੍ਰਗਟਾਉਣ ਦਾ ਨਤੀਜਾ ਹੈ।

#WATCH | Addressing party workers in Delhi, Union Minister and BJP national president JP Nadda says, "...We also have a 'kattar beimaan' party here, they contested all 90 seats (in Haryana) and lost their deposits in all 90 seats. In Jammu and Kashmir, we have got more seats than… pic.twitter.com/yg3pEN3OOq

— ANI (@ANI) October 8, 2024

ਹਰਿਆਣਾ ਦੇ ਲੋਕਾਂ ਨੇ ਕਾਂਗਰਸ ਦੇ ਝੂਠ ਨੂੰ ਨਕਾਰਿਆ : ਨੱਡਾ
ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਦਿਆਂ ਕੌਮੀ ਪ੍ਰਧਾਨ ਜੇਪੀ ਨੱਡਾ ਨੇ ਕਿਹਾ ਕਿ ਹਰਿਆਣਾ ਦੇ ਲੋਕਾਂ ਨੇ ਕਾਂਗਰਸ ਦੇ ਝੂਠ ਨੂੰ ਨਕਾਰ ਦਿੱਤਾ ਹੈ। ਨੱਡਾ ਨੇ ਕਿਹਾ ਕਿ ਕਾਂਗਰਸੀ ਲੋਕ ਹਰ ਤਰ੍ਹਾਂ ਨਾਲ ਝੂਠ ਫੈਲਾਉਣ 'ਚ ਲੱਗੇ ਹੋਏ ਸਨ ਪਰ ਜਨਤਾ ਨੇ ਉਨ੍ਹਾਂ ਦੀ ਗੱਲ ਨਹੀਂ ਸੁਣੀ ਅਤੇ ਪ੍ਰਧਾਨ ਮੰਤਰੀ ਮੋਦੀ ਜੀ ਦੀ ਅਗਵਾਈ 'ਚ ਤੀਜੀ ਵਾਰ ਹਰਿਆਣਾ 'ਚ ਸਰਕਾਰ ਬਣਾਈ ਹੈ।