ਕੇਰਲ : ਸੜਕ ਹਾਦਸੇ ''ਚ ਸੀਨੀਅਰ ਪੱਤਰਕਾਰ ਬਸ਼ੀਰ ਦੀ ਮੌਤ

ਤਿਰੁਅਨੰਤਪੁਰਮ— ਕੇਰਲ ਦੇ ਤਿਰੁਅਨੰਤਪੁਰਮ 'ਚ ਮਿਊਜ਼ੀਅਮ ਥਾਣੇ ਕੋਲ ਸ਼ਨੀਵਾਰ ਤੜਕੇ ਇਕ ਕਾਰ ਨੇ ਮੋਟਰਸਾਈਕਲ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਉਸ 'ਤੇ ਬੈਠੇ ਇਕ ਸੀਨੀਅਰ ਪੱਤਰਕਾਰ ਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਕਾਰ ਨੂੰ ਭਾਰਤੀ ਪ੍ਰਸ਼ਾਸਨਿਕ ਸੇਵਾ (ਆਈ.ਏ.ਐੱਸ.) ਦਾ ਇਕ ਅਧਿਕਾਰੀ ਚੱਲਾ ਰਿਹਾ ਸੀ, ਜੋ ਨਸ਼ੇ ਦੀ ਹਾਲਤ 'ਚ ਸੀ। ਪੁਲਸ ਨੇ ਦੱਸਿਆ ਕਿ ਮਲਯਾਲਮ ਦੈਨਿਕ 'ਸਿਰਾਜ) ਦੇ ਬਿਊਰੋ ਪ੍ਰਮੁੱਖ ਕੇ.ਐੱਮ. ਬਸ਼ੀਰ (35) ਸੜਕ ਕਿਨਾਰੇ ਮੋਟਰਸਾਈਕਲ ਖੜ੍ਹੀ ਕਰ ਕੇ ਉਸ 'ਤੇ ਬੈਠੇ ਹੋਏ ਸਨ, ਉਦੋਂ ਤੇਜ਼ ਰਫ਼ਤਾਰ ਕਾਰ ਨੇ ਉਨ੍ਹਾਂ ਦੀ ਮੋਟਰਸਾਈਕਲ ਨੂੰ ਟੱਕਰ ਮਾਰ ਦਿੱਤੀ।ਹਾਦਸੇ 'ਚ ਸ਼੍ਰੀ ਬਸ਼ੀਰ ਦੀ ਹਾਦਸੇ ਵਾਲੀ ਜਗ੍ਹਾ 'ਤੇ ਹੀ ਮੌਤ ਹੋ ਗਈ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਕਾਰ ਨੂੰ ਸਰਵੇਖਣ ਵਿਭਾਗ ਦੇ ਨਿਰਦੇਸ਼ਕ ਸ਼੍ਰੀਰਾਮ ਵੇਂਕਟਰਮਨ ਚੱਲਾ ਰਹੇ ਸਨ, ਹਾਲਾਂਕਿ ਅਧਿਕਾਰੀ ਨੇ ਦੱਸਿਆ ਕਿ ਕਾਰ ਉਨ੍ਹਾਂ ਨਾਲ ਬੈਠੀ ਮਹਿਲਾ ਵਫਾ ਫਿਰੋਜ਼ ਚੱਲਾ ਰਹੀ ਸੀ। ਪੁਲਸ ਨੇ ਦੱਸਿਆ ਕਿ ਆਈ.ਏ.ਐੱਸ. ਅਧਿਕਾਰੀ ਦੇ ਬਿਆਨ ਦੀ ਜਾਂਚ ਲਈ ਸੀ.ਸੀ.ਟੀ.ਵੀ. ਦੀ ਫੁਟੇਜ ਦੇਖੀ। ਹਾਦਸੇ 'ਚ ਅਧਿਕਾਰੀ ਦੇ ਹੱਥ ਹੀ ਹੱਡੀ ਟੁੱਟ ਗਈ ਹੈ ਅਤੇ ਉਸ ਨੂੰ ਇਕ ਨਿੱਜੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਮਲਪੁਰਮ ਵਾਸੀ ਸ਼੍ਰੀ ਬਸ਼ੀਰ ਦੇ ਪਰਿਵਾਰ 'ਚ ਉਨ੍ਹਾਂ ਦੀ ਪਤਨੀ ਅਤੇ 2 ਬੇਟੀਆਂ ਜੇਨਾ ਅਤੇ ਅਸਮੀ ਹਨ।