ਕੇਜਰੀਵਾਲ ਸਰਕਾਰ ਦਾ ਦਿੱਲੀ ਦੇ ਕਾਰੋਬਾਰੀਆਂ ਨੂੰ ਤੋਹਫ਼ਾ, ਪੂਰੀ ਦੁਨੀਆ ’ਚ ਵੇਚ ਸਕਣਗੇ ਸਾਮਾਨ

ਨਵੀਂ ਦਿੱਲੀ (ਭਾਸ਼ਾ)- ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਬੁੱਧਵਾਰ ਨੂੰ ਦੀਵਾਲੀ ਤੋਂ ਇਕ ਦਿਨ ਪਹਿਲਾਂ ਐਲਾਨ ਕੀਤਾ ਕਿ ਦਿੱਲੀ ਸਰਕਾਰ ਵਪਾਰੀਆਂ ਨੂੰ ਆਪਣੇ ਉਤਪਾਦਾਂ ਨੂੰ ਦੁਨੀਆ ਭਰ ’ਚ ਉਤਸ਼ਾਹ ਦੇਣ ’ਚ ਮਦਦ ਕਰਨ ਲਈ ‘ਦਿੱਲੀ ਬਜ਼ਾਰ’ ਵੈੱਬ ਪੋਰਟਲ (ਵੈੱਬਸਾਈਟ) ਤਿਆਰ ਕਰ ਰਹੀ ਹੈ। ਕੇਜਰੀਵਾਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਸ ਪੋਰਟਲ ਨਾਲ ਦਿੱਲੀ ਦੇ ਮਾਲੀਆ, ਸਕਲ ਘਰੇਲੂ ਉਤਪਾਦ ਅਤੇ ਅਰਥਵਿਵਸਥਾ ਨੂੰ ਵਿਆਪਕ ਤੌਰ ’ਤੇ ਉਤਸ਼ਾਹ ਮਿਲੇਗਾ। ਪੋਰਟਲ ਦੇ ਅਗਲੇ ਸਾਲ ਅਗਸਤ ਤੱਕ ਤਿਆਰ ਹੋਣ ਦੀ ਉਮੀਦ ਹੈ। ਉਨ੍ਹਾਂ ਨੇ ਇਕ ਪੱਤਰਕਾਰ ਸੰਮੇਲਨ ’ਚ ਕਿਹਾ,‘‘ਵਪਾਰੀ, ਵਪਾਰੀ ਉਤਪਾਦਕ, ਬਾਜ਼ਾਰ ਅਤੇ ਦੁਕਾਨਾਂ ਇਸ ਪੋਰਟਲ ’ਤੇ ਨਾ ਸਿਰਫ਼ ਆਪਣੇ ਉਤਪਾਦ ਪੇਸ਼ ਕਰ ਸਕਣਗੇ ਸਗੋਂ ਉਸ ਨੂੰ ਸ਼ਹਿਰ, ਦੇਸ਼ ਅਤੇ ਇੱਥੋਂ ਤੱਕ ਵਿਦੇਸ਼ ’ਚ ਵੀ ਵੇਚ ਸਕਣਗੇ।’’

दिवाली के मौक़े पर दिल्ली के व्यापारियों, उद्योगपतियों और कारोबारियों के लिए बड़ी ख़ुशख़बरी। आपके लिए “दिल्ली बाज़ार” नाम का पोर्टल तैयार कर रहे हैं जिसके ज़रिए आप अपना प्रोडक्ट पूरी दुनिया में प्रचारित कर सकते हैं | Press Conference LIVE https://t.co/GnvRfrFrr6

— Arvind Kejriwal (@ArvindKejriwal) November 3, 2021

ਕੇਜਰੀਵਾਲ ਨੇ ਕਿਹਾ ਕਿ ਪੋਰਟਲ ’ਤੇ ਆਨਲਾਈਨ ਬਜ਼ਾਰ ਵੀ ਉਪਲੱਬਧ ਹੋਣਗੇ, ਜਿੱਥੇ ਵੱਖ-ਵੱਖ ਦੁਕਾਨਾਂ ਤੋਂ ਲੰਘਾਂਗੇ ਅਤੇ ਉਤਪਾਦਾਂ ਦੀ ਪਛਾਣ ਕਰਾਂਗੇ ਅਤੇ ਆਪਣੇ ਪਸੰਦ ਦੀਆਂ ਚੀਜ਼ਾਂ ਖਰੀਦ ਸਕੋਗੇ। ਉੱਥੇ ਹੀ ਇੱਥੇ ਆਨਲਾਈਨ ਪ੍ਰਦਰਸ਼ਨੀ ਵੀ ਲਗਾਈ ਜਾਵੇਗੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਤਿਉਹਾਰ ਦਾ ਮੌਸਮ ਚੱਲ ਰਿਹਾ ਹੈ ਅਤੇ ਬਜ਼ਾਰ ’ਚ ਭੀੜ ਹੈ ਅਤੇ ਲੋਕ ਕੋਰੋਨਾ ਨਿਯਮਾਂ ਦਾ ਪਾਲਣ ਕਰਨ ’ਚ ਲਾਪਰਵਾਹੀ ਵਰਤ ਰਹੇ ਹਨ। ਅਜਿਹੇ ’ਚ ਉਹ ਲੋਕਾਂ ਨੂੰ ਅਪੀਲ ਕਰਦੇ ਹਨ ਕਿ ਸਾਰੇ ਚੌਕਸੀ ਵਜੋਂ ਮਾਸਕ ਪਹਿਨਣ। ਕੇਜਰੀਵਾਲ ਨੇ ਤਿਆਗਰਾਜ ਸਟੇਡੀਅਮ ’ਚ ਵੀਰਵਾਰ ਸ਼ਾਮ 7 ਵਜੇ ਇਕ ਪ੍ਰੋਗਰਾਮ ’ਚ ਲੋਕਾਂ ਨੂੰ ਦੀਵਾਲੀ ਪੂਜਾ ਲਈ ਸੱਦਾ ਦਿੱਤਾ ਹੈ, ਜਿੱਥੇ ਉਹ ਅਤੇ ਉਨ੍ਹਾਂ ਦੇ ਮੰਤਰੀ ਮੰਡਲ ਦੇ ਮੈਂਬਰ ਮੌਜੂਦ ਹੋਣਗੇ।