ਕੰਟਰੋਲ ਰੇਖਾ ’ਤੇ ਤਾਇਨਾਤ ਫੌਜ ਦੇ ਜਵਾਨਾਂ ਕੁਝ ਇਸ ਤਰ੍ਹਾਂ ਮਨਾਇਆ ਕ੍ਰਿਸਮਿਸ
12/25/2019 10:59:12 AM
ਕਸ਼ਮੀਰ— ਕਸ਼ਮੀਰ ’ਚ ਭਾਰੀ ਠੰਡ ਅਤੇ ਬਰਫ਼ਬਾਰੀ ਦਰਮਿਆਨ ਕੰਟਰੋਲ ਰੇਖਾ (ਐੱਲ.ਓ.ਸੀ.) ’ਤੇ ਭਾਰਤੀ ਫੌਜ ਦੇ ਜਵਾਨਾਂ ਨੇ ਕ੍ਰਿਸਮਿਸ ਮਨਾਇਆ। ਇਸ ਤਿਉਹਾਰ ਮੌਕੇ ਜਵਾਨਾਂ ਨੇ ਜਿੰਗਲ ਬੇਲ ਗਾਇਆ ਅਤੇ ਸੈਂਟਾ ਕਲਾਊਜ ਨਾਲ ਮੌਜ-ਮਸਤੀ ਕੀਤੀ। ਠੰਡ ਅਤੇ ਬਰਫ਼ ਦਰਮਿਆਨ ਜਵਾਨ ਜਿੰਗਲ ਬੇਲ ਗਾ ਰਹੇ ਹਨ ਅਤੇ ਸੈਂਟਾ ਨਾਲ ਆਨੰਦ ਮਾਨ ਰਹੇ ਹਨ। ਵੀਡੀਓ ਭਾਰਤੀ ਫੌਜ ਵਲੋਂ ਜਾਰੀ ਕੀਤਾ ਗਿਆ ਹੈ।
#WATCH Jawans celebrate Christmas on the Line of Control in Kashmir. (Source - Indian Army) pic.twitter.com/3Msg6s82iO
— ANI (@ANI) December 25, 2019
ਕੰਟਰੋਲ ਰੇਖਾ ਸੁਰੱਖਿਆ ਦੇ ਲਿਹਾਜ ਨਾਲ ਮਹੱਤਵਪੂਰਨ ਖੇਤਰ ਹੈ ਅਤੇ ਇੱਥੇ ਫੌਜ ਹਮੇਸ਼ਾ ਮਸਤੈਦ ਰਹਿੰਦੀ ਹੈ। ਤਿਉਹਾਰ ਮੌਕੇ ਕੰਟਰੋਲ ਰੇਖਾ ਤੋਂ ਆਉਣ ਵਾਲੀਆਂ ਤਸਵੀਰਾਂ ਹਮੇਸ਼ਾ ਚਰਚਾ ’ਚ ਰਹਿੰਦੀਆਂ ਹਨ। ਇਸ ਤੋਂ ਪਹਿਲਾਂ ਦੀਵਾਲੀ ’ਤੇ ਵੀ ਕੰਟਰੋਲ ਰੇਖਾ ’ਤੇ ਡਟੇ ਜਵਾਨਾਂ ਦੀਆਂ ਤਸਵੀਰਾਂ ਆਈਆਂ ਸਨ। ਹੁਣ ਭਾਰਤੀ ਫੌਜ ਨੇ ਕ੍ਰਿਸਮਿਸ ਮੌਕੇ ਵੀਡੀਓ ਸ਼ੇਅਰ ਕੀਤਾ ਹੈ। ਮੌਸਮ ਦੇ ਮੁਸ਼ਕਲ ਹਾਲਾਤਾਂ ਨੂੰ ਮਾਤ ਦੇ ਕੇ ਜਵਾਨ ਜੰਮ ਕੇ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ’ਚ ਇਕ ਸੈਂਟ ਕਲਾਊਜ ਘੁੰਮਦਾ ਨਜ਼ਰ ਆ ਰਿਹਾ ਹੈ ਅਤੇ ਸਫੇਦ ਜੈਕੇਟ ’ਚ ਮੌਜੂਦ ਜਵਾਨ ਜਿੰਗਲ ਬੇਲ ਗਾ ਰਹੇ ਹਨ। ਕੰਟਰੋਲ ਰੇਖਾ ’ਤੇ ਤਾਇਨਾਤ ਜਵਾਨ ਘਰ-ਪਰਿਵਾਰ ਤੋਂ ਦੂਰ ਰਹਿੰਦੇ ਹਨ ਪਰ ਤਿਉਹਾਰ ਮੌਕੇ ’ਤੇ ਸਾਰੇ ਇਕੱਠੇ ਮਿਲ ਕੇ ਮਸਤੀ ਕਰਦੇ ਹਨ।