UK ’ਚ ‘ਰਾਇਲ ਨੇਵੀ’ ’ਚ ਤਕਨੀਸ਼ੀਅਨ ਵਜੋਂ ਕੰਮ ਕਰ ਮਾਣ ਮਹਿਸੂਸ ਕਰਦੈ ਇਹ ‘ਸਰਦਾਰ’

ਨਵੀਂ ਦਿੱਲੀ— ਬਿ੍ਰਟੇਨ ਦਾ ਕਰੀਅਰ ਸਟਰਾਈਕ ਗਰੁੱਪ ਭਾਰਤੀ ਜਲ ਸੈਨਾ ਨਾਲ ਸਮੁੰਦਰੀ ਅਭਿਆਸ ਕਰਨ ਲਈ ਹਿੰਦ ਮਹਾਸਾਗਰ ਵਿਚ ਪ੍ਰਵੇਸ਼ ਕਰ ਗਿਆ ਹੈ। ਜਗਜੀਤ ਸਿੰਘ ਗਰੇਵਾਲ ਚਾਲਕ ਦਲ ਦੇ ਹੋਰ ਮੈਂਬਰਾਂ ਦੀ ਤੁਲਨਾ ਵਿਚ ਵਧੇਰੇ ਉਤਸ਼ਾਹਿਤ ਹਨ। ਗਰੇਵਾਲ ਇਕ ਭਾਰਤੀ ਮੂਲ ਦੇ ਰਾਇਲ ਨੇਵੀ ਦੇ ਜਵਾਨ ਹਨ, ਜਿਨ੍ਹਾਂ ਦਾ ਭਾਰਤੀ ਰੱਖਿਆ ਬਲਾਂ ਨਾਲ ਪਰਿਵਾਰਕ ਸਬੰਧ ਦੂਜੇ ਵਿਸ਼ਵ ਯੁੱਧ ਤੋਂ ਜੁੜਿਆ ਹੈ। 

A Leading Engineering Technician serving in the @RoyalNavy and on-board #CSG21 in the Indian Ocean, Jagjeet Singh Grewal is proud to be part of a family that has served both the British army and Indian Air Force - 🇬🇧🇮🇳 #LivingBridge pic.twitter.com/zYZoOwUsa7

— UK in India🇬🇧🇮🇳 (@UKinIndia) July 20, 2021

ਗਰੇਵਾਲ ਮੁਤਾਬਕ ਮੇਰੇ ਦਾਦਾ ਅਤੇ ਦਾਦੀ ਜੀ ਨੇ ਦੂਜੇ ਵਿਸ਼ਵ ਯੁੱਧ ਵਿਚ ਬਿ੍ਰਟਿਸ਼ ਫ਼ੌਜ ਨਾਲ ਸੇਵਾ ਕੀਤੀ। ਮੇਰੇ ਪਿਤਾ ਨੇ ਭਾਰਤੀ ਹਵਾਈ ਫ਼ੌਜ ਵਿਚ ਸੇਵਾ ਕੀਤੀ ਅਤੇ ਮੌਜੂਦਾ ਸਮੇਂ ਵਿਚ ਮੇਰੀ ਪਤਨੀ, ਭਰਾ ਅਤੇ ਚਾਚਾ ਭਾਰਤੀ ਜਲ ਸੈਨਾ ਵਿਚ ਸੇਵਾਵਾਂ ਦੇ ਰਹੇ ਹਨ। ਸਿੰਘ ਨੇ ਕਿਹਾ ਕਿ ਮੈਂ ਭਾਰਤੀ ਫ਼ੌਜ ਨਾਲ ਕੰਮ ਕਰਦੇ ਹੋਏ ਆਪਣੇ ਪਰਿਵਾਰਕ ਸਬੰਧ ਬਾਖੂਬੀ ਬਣਾ ਕੇ ਰੱਖੇ ਹਨ ਅਤੇ ਰੱਖਾਂਗਾ।

ਦਰਅਸਲ ਗਰੇਵਾਲ 5ਵੀਂ ਪੀੜ੍ਹੀ ਦੇ ਜਹਾਜ਼ ’ਤੇ ਸੁਮੰਦਰੀ ਇੰਜੀਨੀਅਰਿੰਗ ਮਹਿਕਮੇ ਵਿਚ ਇਕ ਮੋਹਰੀ ਇੰਜੀਨੀਅਰਿੰਗ ਤਕਨੀਸ਼ੀਅਨ ਦੇ ਰੂਪ ’ਚ ਕੰਮ ਕਰਦੇ ਹਨ ਅਤੇ ਖ਼ੁਦ ’ਤੇ ਮਾਣ ਮਹਿਸੂਸ ਕਰਦੇ ਹਨ। ਦੱਸ ਦੇਈਏ ਕਿ ਐੱਚ. ਐੱਮ. ਐੱਸ. ਕੁਈਨ ਐਲੀਜ਼ਾਬੈੱਥ ਏਅਰਕ੍ਰਾਫਟ ਕਰੀਅਰ ਦੀ ਅਗਵਾਈ ’ਚ ਸਟਰਾਈਕ ਗਰੁੱਪ, ਭੂ-ਮੱਧ ਸਾਗਰ ਵਿਚ ਸੰਚਾਲਨ ਮਗਰੋਂ ਹਿੰਦ ਮਹਾਸਾਗਰ ਵਿਚ ਆਇਆ ਹੈ। ਬਿ੍ਰਟਿਸ਼ ਹਾਈ ਕਮਿਸ਼ਨ ਮੁਤਾਬਕ ਇਸ ਦੀ ਤਾਇਨਾਤੀ ਨਾਲ ਭਾਰਤ ਨਾਲ ਅਤੇ ਭਾਰਤ-ਪ੍ਰਸ਼ਾਂਤ ਖੇਤਰ ਵਿਚ ਡਿਪਲੋਮੈਟ, ਆਰਥਿਕ ਅਤੇ ਸੁਰੱਖਿਆ ਸਬੰਧਾਂ ਨੂੰ ਹੋਰ ਮਜ਼ਬੂਤ ਕਰਨ ਲਈ ਬਿ੍ਰਟੇਨ ਦੀ ਵਚਨਬੱਧਤਾ ਦੀ ਨੁਮਾਇੰਦਗੀ ਕਰਦੀ ਹੈ।