ਇਵਾਂਕਾ ਟਰੰਪ ਨੇ ਤੇਲੰਗਾਨਾ ਦੇ ਸੀ. ਐਮ. ਨੂੰ ਲਿਖਿਆ ਖੱਤ, ਭਾਰਤ ਵੱਲੋਂ ਕੀਤੇ ਗਏ ਸਤਿਕਾਰ ਲਈ ਕੀਤਾ ਧੰਨਵਾਦ
Tuesday, Dec 19, 2017 - 05:10 PM (IST)
ਵਾਸ਼ਿੰਗਟਨ/ਤੇਲੰਗਾਨਾ(ਬਿਊਰੋ)— ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਧੀ ਇਵਾਂਕਾ ਟਰੰਪ 28 ਨਵੰਬਰ ਨੂੰ ਗਲੋਬਲ ਐਂਟਰਪ੍ਰਿਨਰਸ਼ਿਪ ਸੰਮੇਲਨ (ਸਨਅੱਤਕਾਰੀ ਸੰਮੇਲਨ) ਲਈ ਭਾਰਤ ਆਈ ਸੀ। ਆਪਣੇ ਦੇਸ਼ ਵਾਪਸ ਜਾਣ ਤੋਂ ਬਾਅਦ ਇਵਾਂਕਾ ਟਰੰਪ ਨੇ ਤੇਲੰਗਾਨਾ ਦੇ ਮੁੱਖ ਮੰਤਰੀ ਕੇ. ਚੰਦਰਸ਼ੇਖਰ ਰਾਓ ਨੂੰ ਖੱਤ ਲਿਖਿਆ ਹੈ। ਇਵਾਂਕਾ ਨੇ ਮੁੱਖ ਮੰਤਰੀ ਕੇ. ਚੰਦਰਸ਼ੇਖਰ ਰਾਓ ਨੂੰ ਆਪਣੇ ਹੱਥਾਂ ਨਾਲ ਖੱਤ ਲਿੱਖ ਕੇ ਹੈਦਰਾਬਾਦ ਦੀ ਯਾਤਰਾ ਦੌਰਾਨ ਭਾਰਤ ਵੱਲੋਂ ਕੀਤੇ ਗਏ ਸਤਿਕਾਰ ਲਈ ਧੰਨਵਾਦ ਕੀਤਾ ਹੈ।
ਇਵਾਂਕਾ ਦਾ ਖੱਤ
ਇਵਾਂਕਾ ਲਿੱਖਦੀ ਹੈ-ਗਲੋਬਲ ਐਂਟਰਪ੍ਰਿਨਰਸ਼ਿਪ ਸੰਮੇਲਨ ਲਈ ਮੇਰੀ ਹੈਦਰਾਬਾਦ ਦੀ ਯਾਤਰਾ ਲਈ ਮੈਂ ਤੁਹਾਡਾ ਧੰਨਵਾਦ ਕਰਦੀ ਹਾਂ। ਇਹ ਮੇਰੇ ਲਈ ਇਕ ਬੇਮਿਸਾਲ ਅਤੇ ਪ੍ਰੇਰਨਾਦਾਇਕ ਅਨੁਭਵ ਰਿਹਾ। ਮੈਂ ਇਸ ਯਾਤਰਾ ਵਿਚ ਤੁਹਾਡੇ ਵੱਲੋਂ ਮੈਨੂੰ ਫਲਕਨੁਮਾ ਪੈਲੇਸ ਵਿਚ ਦਿੱਤੇ ਗਏ ਵਿਸ਼ੇਸ਼ ਤੋਹਫੇ ਲਈ ਵੀ ਧੰਨਵਾਦ ਕਰਦੀ ਹਾਂ। ਇਵਾਂਕਾ ਦਾ ਇਹ ਖੱਤ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਤੇਲੰਗਾਨਾ ਦੇ ਲੋਕਾਂ ਦੀ ਤਾਰੀਫ
ਆਪਣੇ ਹੱਥਾਂ ਨਾਲ ਲਿਖੇ ਇਸ ਖੱਤ ਵਿਚ ਇਵਾਂਕਾ ਨੇ ਲਿਖਿਆ ਕਿ ਮੈਂ ਤੇਲੰਗਾਨਾ ਦੇ ਲੋਕਾਂ ਵੱਲੋਂ ਦਿੱਤੇ ਗਏ ਪਿਆਰ ਤੋਂ ਪ੍ਰਭਾਵਿਤ ਹਾਂ ਅਤੇ ਉਮੀਦ ਕਰਦੀ ਹਾਂ ਕਿ ਮੈਂ ਜਲਦੀ ਹੀ ਇਕ ਵਾਰ ਫਿਰ ਤੋਂ ਭਾਰਤ ਆ ਸਕਾਂਗੀ। ਦੱਸਣਯੋਗ ਹੈ ਕਿ ਇਸ ਗਲੋਬਲ ਸੰਮੇਲਨ ਵਿਚ ਇਵਾਂਕਾ ਨੇ ਪੀ. ਐਮ. ਮੋਦੀ ਦੀ ਤਾਰੀਫ ਕੀਤੀ ਸੀ।
