ISRO ਅਗਲੇ 6 ਸਾਲਾਂ ''ਚ ਭੇਜੇਗਾ ਸੈਟੇਲਾਈਟ! 2035 ਤੱਕ ਆਪਣਾ ਸਪੇਸ ਸਟੇਸ਼ਨ ਬਣਾਉਣ ਦਾ ਟੀਚਾ

ਨੈਸ਼ਨਲ ਡੈਸਕ- ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਚੇਅਰਮੈਨ ਵੀ. ਨਾਰਾਇਣਨ ਨੇ ਕਿਹਾ ਕਿ ਭਾਰਤ ਅਗਲੇ 5 ਤੋਂ 6 ਸਾਲਾਂ 'ਚ ਘੱਟੋ-ਘੱਟ 300 ਹੋਰ ਸੈਟੇਲਾਈਟ ਲਾਂਚ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ ਅਤੇ 2035 ਤੱਕ ਇਸ ਦਾ ਆਪਣਾ ਸਪੇਸ ਸਟੇਸ਼ਨ ਵੀ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਪਹਿਲੇ ਮਨੁੱਖੀ ਪੁਲਾੜ ਉਡਾਣ ਪ੍ਰੋਗਰਾਮ 'ਗਗਨਯਾਨ' ਦਾ ਬਿਨਾਂ ਕਿਸੇ ਕਰੂ ਵਾਲਾ ਮਿਸ਼ਨ ਇਸ ਸਾਲ ਦੇ ਅੰਤ ਤੱਕ ਲਾਂਚ ਕੀਤਾ ਜਾਵੇਗਾ।

ਇਹ ਕਦਮ ਅਜਿਹੇ ਸਮੇਂ 'ਚ ਚੁੱਕਿਆ ਗਿਆ ਹੈ, ਜਦੋਂ ਪੁਲਾੜ ਰੈਗੂਲੇਟਰ IN-SPACE ਨੇ ਤਾਮਿਲਨਾਡੂ ਦੇ ਕੁਲਸੇਕਰਰਪੱਟੀਨਮ ਵਿਖੇ ਇਸਰੋ ਦੇ ਆਉਣ ਵਾਲੇ ਛੋਟੇ ਸੈਟੇਲਾਈਟ ਲਾਂਚ ਕੰਪਲੈਕਸ (SLC) ਦੇ ਸੰਚਾਲਨ ਅਤੇ ਪ੍ਰਬੰਧਨ ਨੂੰ ਨਿੱਜੀ ਖੇਤਰ ਨੂੰ ਸੌਂਪਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਹੈ। ਇਸ ਪ੍ਰਾਜੈਕਟ 'ਚ 986 ਕਰੋੜ ਰੁਪਏ ਦਾ ਨਿਵੇਸ਼ ਸ਼ਾਮਲ ਹੋ ਸਕਦਾ ਹੈ।

ਚੇਨਈ ਦੇ ਨੇੜੇ ਮਹਾਬਲੀਪੁਰਮ 'ਚ ਗ੍ਰੇਟ ਲੇਕਸ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਦੇ 22ਵੇਂ ਡਿਗਰੀ ਵੰਡ ਸਮਾਰੋਹ ਨੂੰ ਸੰਬੋਧਨ ਕਰਦੇ ਹੋਏ, ਨਾਰਾਇਣਨ ਨੇ ਕਿਹਾ,"ਇਸ ਸਾਲ ਦੇ ਅੰਤ ਤੱਕ, ਪਹਿਲਾ ਬਿਨਾਂ ਕਿਸੇ ਵਿਅਕਤੀ ਦੇ ਗਗਨਯਾਨ ਰਾਕੇਟ ਸ਼੍ਰੀਹਰੀਕੋਟਾ ਤੋਂ ਉਡਾਣ ਭਰੇਗਾ। ਅਸੀਂ ਸਾਰੇ 2035 ਤੱਕ ਆਪਣਾ ਸਪੇਸ ਸਟੇਸ਼ਨ ਬਣਾਉਣ ਲਈ ਕੰਮ ਕਰ ਰਹੇ ਹਾਂ। ਪ੍ਰਧਾਨ ਮੰਤਰੀ ਨੇ ਸਾਨੂੰ ਅਗਲੇ 5 ਤੋਂ 6 ਸਾਲਾਂ 'ਚ ਘੱਟੋ-ਘੱਟ 300 ਸੈਟੇਲਾਈਟਾਂ ਨੂੰ ਆਰਬਿਟ 'ਚ ਲਾਂਚ ਕਰਨ ਦਾ ਕੰਮ ਸੌਂਪਿਆ ਹੈ।" ਨਾਰਾਇਣਨ ਪੁਲਾੜ ਵਿਭਾਗ ਦੇ ਸਕੱਤਰ ਅਤੇ ਪੁਲਾੜ ਕਮਿਸ਼ਨ ਦੇ ਚੇਅਰਮੈਨ ਵੀ ਹਨ।

ਉਨ੍ਹਾਂ ਕਿਹਾ ਕਿ ਭਾਰਤੀ ਪੁਲਾੜ ਪ੍ਰੋਗਰਾਮ ਹੁਣ ਦੂਜੇ ਦੇਸ਼ਾਂ ਦੇ ਰਾਕੇਟਾਂ ਅਤੇ ਸੈਟੇਲਾਈਟਾਂ 'ਤੇ ਨਿਰਭਰ ਰਹਿਣ ਤੋਂ ਅੱਗੇ ਵਧਿਆ ਹੈ ਅਤੇ ਹੁਣ ਭਾਰਤੀ ਰਾਕੇਟਾਂ ਦੀ ਵਰਤੋਂ ਕਰਕੇ ਵਪਾਰਕ ਆਧਾਰ 'ਤੇ 36 ਦੇਸ਼ਾਂ ਦੇ 434 ਵਿਦੇਸ਼ੀ ਸੈਟੇਲਾਈਟਾਂ ਨੂੰ ਲਾਂਚ ਕਰ ਰਿਹਾ ਹੈ। ਭਾਰਤ ਨੇ ਹਾਲ ਹੀ 'ਚ ਹੋਏ "ਆਪਰੇਸ਼ਨ ਸਿੰਦੂਰ" ਲਈ 20 ਤੋਂ ਵੱਧ ਸੈਟੇਲਾਈਟਾਂ ਦੀ ਵਰਤੋਂ ਵੀ ਕੀਤੀ।

ਨਾਰਾਇਣਨ ਨੇ ਇਹ ਵੀ ਕਿਹਾ ਕਿ ਐਕਸੀਓਮ ਮਿਸ਼ਨ 4 ਦੇ ਲਾਂਚ ਦੌਰਾਨ ਇਕ ਸੰਭਾਵੀ ਹਾਦਸੇ ਨੂੰ ਟਾਲਣ 'ਚ ਇਸਰੋ ਦੇ ਵਿਗਿਆਨੀਆਂ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਪਿਛਲੇ ਸਾਲ ਸ਼ੁਭਾਂਸ਼ੂ ਸ਼ੁਕਲਾ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ 'ਤੇ ਪਹੁੰਚਣ ਵਾਲੇ ਪਹਿਲੇ ਭਾਰਤੀ ਪੁਲਾੜ ਯਾਤਰੀ ਅਤੇ ਰਾਕੇਸ਼ ਸ਼ਰਮਾ ਤੋਂ ਬਾਅਦ ਪੁਲਾੜ ਦੀ ਯਾਤਰਾ ਕਰਨ ਵਾਲੇ ਪਹਿਲੇ ਭਾਰਤੀ ਬਣੇ। ਇਹ ਮਿਸ਼ਨ, ਜੋ ਪਹਿਲਾਂ ਪਿਛਲੇ ਸਾਲ 11 ਜੂਨ ਨੂੰ ਲਾਂਚ ਹੋਣ ਵਾਲਾ ਸੀ, 25 ਜੂਨ ਨੂੰ ਹੋਇਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e