ਅਜੇ ਭਟਨਾਗਰ ਸੀ. ਬੀ.ਆਈ. ਦੇ ਵਿਸ਼ੇਸ਼ ਡਾਇਰੈਕਟਰ ਨਿਯੁਕਤ
Thursday, Jun 29, 2023 - 02:15 PM (IST)
ਨਵੀਂ ਦਿੱਲੀ, (ਭਾਸ਼ਾ)- ਭਾਰਤੀ ਪੁਲਸ ਸੇਵਾ (ਆਈ. ਪੀ. ਐੱਸ.) ਦੇ ਸੀਨੀਅਰ ਅਧਿਕਾਰੀ ਅਜੇ ਭਟਨਾਗਰ ਨੂੰ ਕੇਂਦਰੀ ਜਾਂਚ ਬਿਊਰੋ (ਸੀ.ਬੀ.ਆਈ.) ਦਾ ਵਿਸ਼ੇਸ਼ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਹੈ।
ਭਟਨਾਗਰ ਝਾਰਖੰਡ ਕੇਡਰ ਦੇ 1989 ਬੈਚ ਦੇ ਆਈ. ਪੀ. ਐੱਸ. ਅਧਿਕਾਰੀ ਹਨ ਅਤੇ ਇਸ ਸਮੇ ਸੀ.ਬੀ.ਆਈ. ਵਿੱਚ ਵਧੀਕ ਡਾਇਰੈਕਟਰ ਹਨ। ਹੁਕਮਾਂ ਵਿੱਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ 20 ਨਵੰਬਰ, 2024 ਨੂੰ ਸੇਵਾਮੁਕਤ ਹੋਣ ਦੀ ਮਿਤੀ ਤੱਕ ਇਸ ਅਹੁਦੇ ’ਤੇ ਨਿਯੁਕਤ ਕੀਤਾ ਗਿਆ ਹੈ।
ਅਨੁਰਾਗ ਜੋ ਸੀ. ਬੀ.ਆਈ. ਵਿੱਚ ਸੰਯੁਕਤ ਡਾਇਰੈਕਟਰ ਸਨ, ਹੁਣ ਏਜੰਸੀ ਵਿੱਚ ਵਧੀਕ ਡਾਇਰੈਕਟਰ ਹੋਣਗੇ। ਗੁਜਰਾਤ ਕੇਡਰ ਦੇ 1994 ਬੈਚ ਦੇ ਆਈ. ਪੀ.ਐਸ. ਅਧਿਕਾਰੀ ਮਨੋਜ ਸ਼ਸ਼ੀਧਰ ਨੂੰ ਤਿੰਨ ਸਾਲਾਂ ਲਈ ਸੀ.ਬੀ.ਆਈ. ਵਿੱਚ ਵਧੀਕ ਡਾਇਰੈਕਟਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਉਹ ਇਸ ਸਮੇਂ ਜਾਂਚ ਏਜੰਸੀ ਵਿੱਚ ਸੰਯੁਕਤ ਨਿਰਦੇਸ਼ਕ ਹਨ।
