ਜੰਮੂ-ਕਸ਼ਮੀਰ : ਰਾਮ ਮਾਧਵ ਬੋਲੇ-ਨੇਤਾਵਾਂ ਦੀ ਹੋਈ ਹੈ ਰਿਹਾਈ, ਇੰਟਰਨੈੱਟ ਸੇਵਾ ਵੀ ਹੋਵੇਗੀ ਬਹਾਲ

ਨਵੀਂ ਦਿੱਲੀ — ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਜਨਰਲ ਸਕੱਤਰ ਰਾਮ ਮਾਧਵ ਨੇ ਵੀਰਵਾਰ ਨੂੰ ਕਿਹਾ ਕਿ ਜੰਮੂ ਕਸ਼ਮੀਰ 'ਚ ਹਾਲ ਦੇ ਦਿਨਾਂ 'ਚ ਕਈ ਲੋਕਾਂ ਨੂੰ ਨਜ਼ਰਬੰਦੀ ਅਤੇ ਹਿਰਾਸਤ ਤੋਂ ਰਿਹਾਅ ਕੀਤਾ ਗਿਆ ਹੈ ਅਤੇ ਇਹ ਲਗਾਤਾਰ ਜਾਰੀ ਰਹਿਣ ਵਾਲੀ ਪ੍ਰਕਿਰਿਆ ਹੈ। ਉਨ੍ਹਾਂ ਕਿਹਾ ਕਿ ਸੁਰੱਖਿਆ ਹਾਲਾਤਾਂ ਦਾ ਮੁਲਾਂਕਣ ਕਰਨ ਤੋਂ ਬਾਅਦ ਸੂਬੇ ਦਾ ਪ੍ਰਸ਼ਾਸਨ ਸਮੇਂ-ਸਮੇਂ 'ਤੇ ਉਚਿਤ ਕਦਮ ਚੁੱਕਦਾ ਹੈ। ਭਾਜਪਾ ਨੇਤਾ ਨੇ ਕਿਹਾ ਕਿ ਸੂਬੇ 'ਚ ਬ੍ਰਾਡਬੈਂਡ ਸੇਵਾਵਾਂ ਨੂੰ ਬਹਾਲ ਕੀਤਾ ਜਾ ਰਿਹਾ ਹੈ। ਸੁਰੱਖਿਆ ਨੂੰ ਧਿਆਨ 'ਚ ਰੱਖਦੇ ਹੋਏ ਇੰਟਰਨੈੱਟ ਸੇਵਾਵਾਂ ਨੂੰ ਸ਼ੁਰੂ ਕੀਤਾ ਜਾਵੇਗਾ।

Ram Madhav, BJP in Srinagar: Several people have been released from house arrest and preventive detention. It is an ongoing process. State administration based on security assessment will take appropriate decisions from time to time. #JammuAndKashmir https://t.co/OzQDWU8baB

— ANI (@ANI) December 26, 2019

ਦੱਸਣਯੋਗ ਹੈ ਕਿ ਪਿਛਲੀ ਪੰਜ ਅਗਸਤ ਨੂੰ ਜੰਮੂ ਕਸ਼ਮੀਰ ਨੂੰ ਕਈ ਤਰ੍ਹਾਂ ਦੀਆਂ ਪਾਬੰਦੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ।  ਸੂਬੇ 'ਚ ਧਾਰਾ 370 ਖਤਮ ਕਰਨ ਦੇ ਆਪਣੇ ਫੈਸਲੇ ਦੇ ਮੱਦੇਨਜ਼ਰ ਕੇਂਦਰ ਸਰਕਾਰ ਨੇ ਇਥੇ ਸੰਚਾਰ ਵਿਵਸਥਾ 'ਤੇ ਰੋਕ ਲਗਾ ਦਿੱਤੀ ਸੀ ਪਰ ਘਾਟੀ 'ਚ ਹਾਲਾਤ ਜਿਵੇਂ ਜਿਵੇਂ ਆਮ ਹੁੰਦੇ ਹਏ ਪਾਬੰਦੀਆਂ ਨੂੰ ਵੀ ਘੱਟ ਕਰ ਦਿੱਤਾ ਗਿਆ। ਪਹਿਲਾਂ ਲੈਂਡ ਲਾਈਨ ਚਾਲੂ ਕੀਤਾ ਗਿਆ ਅਤੇ ਫਿਰ ਪੋਸਟਪੇਡ ਮੋਬਾਇਲ ਫੋਨ ਦੀ ਬਹਾਲੀ ਕੀਤੀ ਗਈ।