ਭਾਰਤ ਨੇ ਵਿਦਿਅਕ ਅਦਾਰਿਆਂ ਦੇ ਮੁੜ ਨਿਰਮਾਣ ਲਈ ਨੇਪਾਲ ਨੂੰ 30.66 ਕਰੋੜ ਨੇਪਾਲੀ ਰੁਪਏ ਦੀ ਮਦਦ ਦਿੱਤੀ
01/08/2021 11:07:19 PM
ਨੈਸ਼ਨਲ ਡੈਸਕ : ਭਾਰਤ ਨੇ ਨੇਪਾਲ ਨੂੰ 2015 ਦੇ ਭੂਚਾਲ ਵਿੱਚ ਕਸ਼ਤੀਗ੍ਰਸਤ ਹੋਏ ਵਿਦਿਅਕ ਅਦਾਰਿਆਂ ਦੇ ਮੁੜ ਨਿਰਮਾਣ ਲਈ ਆਪਣੀ ਵਚਨਬੱਧਤਾ ਦੇ ਤਹਿਤ ਬੁੱਧਵਾਰ ਨੂੰ 30.66 ਕਰੋੜ ਨੇਪਾਲੀ ਰੁਪਏ (ਕਰੀਬ 19.21 ਕਰੋੜ ਭਾਰਤੀ ਰੁਪਏ) ਦੀ ਸਹਾਇਤਾ ਪ੍ਰਦਾਨ ਕੀਤੀ। ਭਾਰਤੀ ਦੂਤਘਰ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਭਾਰਤ ਨੇ ਹੁਣ ਤੱਕ ਨੇਪਾਲ ਨੂੰ ਸਿੱਖਿਆ ਖੇਤਰ ਮੁੜ ਨਿਰਮਾਣ ਪ੍ਰੋਜੈਕਟਾਂ ਦੇ ਤਹਿਤ 81.98 ਕਰੋੜ ਨੇਪਾਲੀ ਰੁਪਏ (51.37 ਕਰੋੜ ਭਾਰਤੀ ਰੁਪਏ) ਦੀ ਰਾਸ਼ੀ ਦੀ ਅਦਾ ਕੀਤੀ ਹੈ।
ਨੇਪਾਲ ਵਿੱਚ ਅਪ੍ਰੈਲ 2015 ਵਿੱਚ 7.8 ਤੀਬਰਤਾ ਦਾ ਭਿਆਨਕ ਭੂਚਾਲ ਆਇਆ ਸੀ ਜਿਸ ਵਿੱਚ ਕਰੀਬ 9,000 ਲੋਕਾਂ ਦੀ ਮੌਤ ਹੋ ਗਈ ਸੀ, ਉਥੇ ਹੀ ਲੱਗਭੱਗ 22,000 ਹੋਰ ਲੋਕ ਜ਼ਖ਼ਮੀ ਹੋ ਗਏ ਸਨ। ਬਿਆਨ ਅਨੁਸਾਰ, ਭਾਰਤੀ ਦੂਤਘਰ ਦੇ ਉਪ ਪ੍ਰਮੁੱਖ ਐੱਨ. ਖੰਪਾ ਨੇ 30.66 ਕਰੋੜ ਨੇਪਾਲੀ ਰੁਪਏ ਦਾ ਇੱਕ ਚੈੱਕ ਨੇਪਾਲ ਦੇ ਮੁੜ ਨਿਰਮਾਣ ਅਥਾਰਟੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸੁਸ਼ੀਲ ਗਿਆਵਲੀ ਨੂੰ ਸੌਪਿਆ। ਇਹ ਰਾਸ਼ੀ ਭੂਚਾਲ ਪ੍ਰਭਾਵਿਤ ਜ਼ਿਲ੍ਹਿਆਂ ਵਿੱਚ ਵਿਦਿਅਕ ਅਦਾਰਿਆਂ ਦੇ ਮੁੜ ਨਿਰਮਾਣ ਲਈ ਦਿੱਤੀ ਗਈ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।
