ਕੋਰੋਨਾਵਾਇਰਸ : ਮੱਧ ਮਈ ਤਕ ਭਾਰਤ ''ਚ ਸਾਹਮਣੇ ਆ ਸਕਦੇ ਹਨ 13 ਲੱਖ ਮਾਮਲੇ

ਵਾਸ਼ਿੰਗਟਨ-ਸੰਯੁਕਤ ਰਾਜ ਅਮਰੀਕਾ ਦੀ ਮੁੱਖ ਰੂਪ ਨਾਲ ਵਿਗਿਆਨੀਆਂ ਦੀ ਇਕ ਟੀਮ ਮੁਤਾਬਕ ਮਈ ਦੇ ਅੱਧ ਤਕ ਭਾਰਤ 'ਚ ਨਵੇਂ ਕੋਰੋਨਵਾਇਰਸ ਦੇ 10 ਤੋਂ 13 ਲੱਖ ਮਾਮਲੇ ਸਾਹਮਣੇ ਆ ਸਕਦੇ ਹਨ। ਇਸ ਅਨੁਮਾਨ ਨੇ ਭਾਰਤ 'ਚ ਕੁਝ ਮੈਡੀਕਲ ਅਧਿਕਾਰੀਆਂ ਅਤੇ ਮਾਹਰਾਂ ਵਿਚਾਲੇ ਚਿੰਤਾਵਾਂ ਨੂੰ ਵਧਾ ਦਿੱਤਾ ਹੈ। ਦੱਸ ਦੇਈਏ ਕਿ ਭਾਰਤ ਦੀ ਆਬਾਦੀ ਤਕਰੀਬਨ 1 ਅਰਬ 40 ਕਰੋੜ ਹੈ। ਅਜਿਹਾ ਅਨੁਮਾਨ ਲਗਾਇਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਹਫਤਿਆਂ 'ਚ ਨਵੇਂ ਮਾਮਲੇ ਤੇਜ਼ੀ ਨਾਲ ਵਧ ਸਕਦੇ ਹਨ। ਇਸ ਨਾਲ ਦੇਸ਼ ਦੀ ਸਿਹਤ ਪ੍ਰਣਾਲੀ 'ਚ ਗੰਭੀਰ ਤਣਾਅ ਪੈਦਾ ਹੋ ਸਕਦਾ ਹੈ।

ਵਿਗਿਆਨੀਆਂ ਨੇ ਇਹ ਵੀ ਦੱਸਿਆ ਹੈ ਕਿ ਇਹ ਸਿਰਫ ਅਨੁਮਾਨ ਹੈ। ਭਾਰਤ 'ਚ ਜ਼ਿਆਦਾ ਟੈਸਟ ਕੀਤੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਵਾਇਰਸ ਦੇ ਪ੍ਰਸਾਰ ਨੂੰ ਰੋਕਣ ਲਈ ਸਖਤ ਪ੍ਰਤੀਬੰਧ ਅਤੇ ਉਪਾਅ ਵੀ ਕੀਤੇ ਜਾ ਰਹੇ ਹਨ। ਮਿਸ਼ਿਗਨ ਯੂਨੀਵਰਸਿਟੀ 'ਚ ਬਾਇਓਸਟੈਟਿਸਟਿਕਸ ਅਤੇ ਮਹਾਮਾਰੀ ਵਿਗਿਆਨ ਦੇ ਇਕ ਪ੍ਰੋਫੈਸਰ ਭ੍ਰਾਮਰ ਮੁਖਰਜੀ ਜੋ ਅਧਿਐਨ 'ਚ ਸ਼ਾਮਲ ਸਨ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਕੋਰੋਨਾਵਾਇਰਸ ਦੇ ਮਾਮਲੇ ਇਸ ਤਰ੍ਹਾਂ ਨਾਲ ਵਧਦੇ ਰਹੇ ਤਾਂ ਇਹ ਸਥਿਤੀ ਕਾਫੀ ਦਰਦਨਾਕ ਹੋ ਸਕਦੀ ਹੈ। ਇਹ ਅਧਿਐਨ ਕੋਵਿਡ-19 ਸਟੱਡੀ ਸਮੂਹ ਦੇ ਵਿਦਵਾਨਾਂ ਦੁਆਰਾ ਕੀਤਾ ਗਿਆ, ਜੋ ਇਸ ਗੱਲ ਦਾ ਪਤਾ ਲਗਾਉਣ ਲਈ ਸਟੱਡੀ ਕਰ ਰਹੇ ਸਨ ਕਿ ਭਾਰਤ 'ਚ ਇਸ ਬੀਮਾਰੀ ਦਾ ਖਤਰਾ ਕਿੰਨਾ ਵੱਡਾ ਹੈ।

ਸਟੱਡੀ ਸਮੂਹ ਦੁਆਰਾ ਕੀਤਾ ਗਿਆ ਇਹ ਵਿਸ਼ਲੇਸ਼ਣ ਸ਼ਨੀਵਾਰ ਨੂੰ ਪਹਿਲਾ ਵਾਰ ਅਮਰੀਕੀ ਪ੍ਰਕਾਸ਼ਨ ਮੰਚ, ਮੀਡੀਅਮ 'ਤੇ ਦਿਖਾਈ ਦਿੱਤਾ। ਇੰਡੀਅਨ ਸੋਸਾਇਟੀ ਆਫ ਕ੍ਰਿਟਿਕਲ ਕੇਅਰ ਮੈਡੀਸਨ ਦੇ ਪ੍ਰਧਾਨ ਧਰੁਵ ਚੌਧਰੀ ਨੇ ਉਦਯੋਗ ਅਨੁਮਾਨਾਂ ਅਤੇ ਹੋਰ ਅੰਕੜਾਂ ਦੇ ਆਧਾਰ 'ਤੇ ਦੱਸਿਆ ਕਿ ਪੂਰੇ ਭਾਰਤ 'ਚ ਲਗਭਗ 10,00,000 ਸਮੀਖਿਆ ਆਈ.ਸੀ.ਯੂ. ਬੈਡ ਅਤੇ 40,000 ਵੈਂਟੀਲੇਟਰ ਹਨ।

ਚੌਧਰੀ ਨੇ ਕਿਹਾ ਕਿ ਕੋਰੋਨਾਵਾਇਰਸ ਨਾਲ ਪ੍ਰਭਾਵਿਤ ਮਰੀਜ਼ ਇਕ ਸਮੇਂ 'ਚ ਜੇਕਰ ਘੱਟ ਗਿਣਤੀ 'ਚ ਆਉਂਦੇ ਹਨ ਤਾਂ ਸਥਿਤੀ ਨੂੰ ਸੰਭਾਲਿਆ ਜਾ ਸਕਦਾ ਹੈ ਪਰ ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ ਸੀ ਕਿ ਗੰਭੀਰ ਰੋਗੀਆਂ 'ਚ ਤੇਜ਼ ਸਪਾਈਕ ਨੂੰ ਸੰਭਾਲਣ ਲਈ ਲੋੜੀਂਦਾ ਬੁਨਿਆਦੀ ਢਾਂਚਾ ਅਤੇ ਲੋੜੀਂਦਾ ਸਟਾਫ ਨਹੀਂ ਹੈ। ਭਾਰਤ ਦੇ ਕੇਂਦਰੀ ਸਿਹਤ ਮੰਤਰਾਲਾ ਅਤੇ ਇੰਡੀਅਨ ਕੌਂਸਲ ਆਫ ਮੈਡੀਕਲ ਰਿਸਰਚ ਨੇ ਭਵਿੱਖਬਾਣੀ ਦੇ ਬਾਰੇ 'ਚ ਪੁੱਛੇ ਗਏ ਸਵਾਲਾਂ ਦਾ ਉਨ੍ਹਾਂ ਨੇ ਜਵਾਬ ਨਹੀਂ ਦਿੱਤਾ। ਹਾਲਾਂਕਿ ਭਾਰਤ 'ਚ ਹੁਣ ਤਕ ਕੋਰੋਨਾਵਾਇਰਸ ਨਾਲ 519 ਲੋਕ ਪ੍ਰਭਾਵਿਤ ਹੋ ਚੁੱਕੇ ਹਨ ਅਤੇ 10 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਦੁਨੀਆਭਰ 'ਚ ਵਾਇਰਸ ਦੇ 3 ਲੱਖ 90 ਹਜ਼ਾਰ ਤੋਂ ਵਧੇਰੇ ਮਾਮਲੇ ਸਾਮਹਣੇ ਆ ਚੁੱਕੇ ਹਨ, ਜਿਨ੍ਹਾਂ 'ਚੋਂ 17 ਹਜ਼ਾਰ ਤੋਂ ਵਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।