ਕੀ ਤੁਸੀਂ ਵੀ ਵਰਲਡ ਬੈਂਕ ਕ੍ਰੈਡਿਟ ਕਾਰਡ ਲਈ ਦਿੱਤੀ ਹੈ ਅਰਜ਼ੀ? ਤਾਂ ਹੋ ਜਾਓ ਸਾਵਧਾਨ!

ਨਵੀਂ ਦਿੱਲੀ — ਹਰ ਰੋਜ਼ ਕਿਸੇ ਨਾ ਕਿਸੇ ਬੈਂਕ ਦੇ ਏਜੰਟ ਕ੍ਰੈਡਿਟ ਕਾਰਡ ਦੀਆਂ ਆਫਰਾਂ ਨਾਲ ਸਬੰਧਿਤ ਫੋਨ ਕਰਦੇ ਰਹਿੰਦੇ ਹਨ। ਪੇਸ਼ਕਸ਼ ਨੂੰ ਆਕਰਸ਼ਕ ਬਣਾਉਣ ਲਈ ਉਹ ਕਈ ਤਰ੍ਹਾਂ ਦੇ ਲਾਲਚ ਵੀ ਦਿੰਦੇ ਰਹਿੰਦੇ ਹਨ। ਪਰ ਯਾਦ ਰੱਖੋ ਕਿ ਇਨ੍ਹਾਂ ਫੋਨ ਕਾਲ ਵਿਚ ਹੀ ਬਹੁਤ ਸਾਰੇ ਧੋਖਾਧੜੀ ਵਾਲੇ ਫੋਨ ਕਾਲ ਵੀ ਸ਼ਾਮਲ ਹੋ ਸਕਦੇ ਹਨ। ਅਜਿਹੀ ਧੋਖਾਧੜੀ ਅੱਜ ਕੱਲ੍ਹ ਵਰਲਡ ਬੈਂਕ ਦੇ ਨਾਮ 'ਤੇ ਵੀ ਹੋ ਰਹੀ ਹੈ। ਲੋਕਾਂ ਨੂੰ ਵਰਲਡ ਬੈਂਕ ਦੇ ਨਾਮ 'ਤੇ ਨਾ ਸਿਰਫ ਕ੍ਰੈਡਿਟ ਬਲਕਿ ਡੈਬਿਟ ਕਾਰਡ ਵੀ ਪੇਸ਼ ਕੀਤੇ ਜਾ ਰਹੇ ਹਨ। ਇਹ ਯਾਦ ਰੱਖੋ ਕਿ ਇਹ ਧੋਖਾਧੜੀ ਦਾ ਹੀ ਇੱਕ ਤਰੀਕਾ ਹੈ। ਵਿਸ਼ਵ ਬੈਂਕ ਕੋਈ ਕ੍ਰੈਡਿਟ ਕਾਰਡ ਪੇਸ਼ ਨਹੀਂ ਕਰਦਾ। ਜਦੋਂ 'ਵਰਲਡ ਬੈਂਕ' ਨੂੰ ਖੁਦ ਇਸ ਧੋਖਾਧੜੀ ਬਾਰੇ ਪਤਾ ਲੱਗਿਆ ਤਾਂ ਉਸ ਨੇ ਇਕ ਸਲਾਹਕਾਰ ਜਾਰੀ ਕਰਕੇ ਚੇਤਾਵਨੀ ਦਿੱਤੀ ਹੈ।

ਵਰਲਡ ਬੈਂਕ ਕੋਈ ਡੈਬਿਟ-ਕ੍ਰੈਡਿਟ ਕਾਰਡ ਪੇਸ਼ ਨਹੀਂ ਕਰਦਾ

ਜਦੋਂ ਵਿਸ਼ਵ ਬੈਂਕ ਨੂੰ ਪਤਾ ਲੱਗਿਆ ਕਿ ਉਸ ਦੇ ਨਾਮ 'ਤੇ ਇਸ ਕਿਸਮ ਦੀ ਧੋਖਾਧੜੀ ਹੋ ਰਹੀ ਹੈ, ਤਾਂ ਉਸਨੇ ਖ਼ੁਦ ਇੱਕ ਸਲਾਹਕਾਰ ਜਾਰੀ ਕਰਕੇ ਲੋਕਾਂ ਨੂੰ ਇਸ ਬਾਰੇ ਚੇਤਾਵਨੀ ਦਿੱਤੀ। ਇਸ ਐਡਵਾਇਜ਼ਰੀ ਵਿਚ ਬੈਂਕ ਨੇ ਕਿਹਾ ਕਿ ਵਿਸ਼ਵ ਬੈਂਕ ਦੁਆਰਾ ਕੋਈ ਕ੍ਰੈਡਿਟ ਅਤੇ ਡੈਬਿਟ ਕਾਰਡ ਜਾਰੀ ਨਹੀਂ ਕੀਤੇ ਜਾਂਦੇ ਹਨ। ਵਿਸ਼ਵ ਬੈਂਕ ਨੇ ਇਹ ਵੀ ਕਿਹਾ ਕਿ ਜਾਰੀ ਕੀਤੇ ਜਾਣ ਵਾਲੇ ਕਾਰਡਾਂ 'ਤੇ ਵਿਸ਼ਵ ਬੈਂਕ ਦਾ ਲੋਗੋ ਅਤੇ ਨਾਮ ਵੀ ਵਰਤਿਆ ਗਿਆ ਹੈ ਜੋ ਕਿ ਧੋਖਾ ਹੈ।

ਇਹ ਵੀ ਪੜ੍ਹੋ : ਚਾਂਦੀ ਇਸ ਮਹੀਨੇ 5,919 ਰੁਪਏ ਹੋਈ ਮਹਿੰਗੀ, ਜਾਣੋ ਧਨਤੇਰਸ ਤੱਕ ਕਿੰਨਾ ਰਹੇਗਾ ਸੋਨੇ ਦਾ ਭਾਅ

ਵਿਸ਼ਵ ਬੈਂਕ ਦੇ ਨਾਮ 'ਤੇ ਧੋਖਾ 

ਵਿਸ਼ਵ ਬੈਂਕ ਨੇ ਕਿਹਾ ਕਿ ਉਨ੍ਹਾਂ ਦਾ ਕਿਸੇ ਅਜਿਹੇ ਵਿਅਕਤੀ ਜਾਂ ਸਮੂਹ ਨਾਲ ਕੋਈ ਸਬੰਧ ਨਹੀਂ ਹੈ ਅਤੇ ਨਾ ਹੀ ਉਨ੍ਹਾਂ ਦੀ ਤਰਫੋਂ ਕੋਈ ਕਾਰਡ ਜਾਰੀ ਕੀਤਾ ਗਿਆ ਹੈ। ਵਿਸ਼ਵ ਬੈਂਕ ਨੇ ਕਿਹਾ ਕਿ ਅਜਿਹੇ ਸਾਰੇ ਕਾਰਡ ਜਾਅਲੀ ਹਨ। ਜ਼ਿਕਰਯੋਗ ਹੈ ਕਿ ਜਿਵੇਂ ਡਿਜੀਟਲ ਭੁਗਤਾਨ ਦਾ ਰੁਝਾਨ ਵਧ ਰਿਹਾ ਹੈ, ਉਸੇ ਆਧਾਰ 'ਤੇ ਆਨਲਾਈਨ ਧੋਖਾਧੜੀ ਦੇ ਕੇਸ ਵੀ ਵੱਧ ਰਹੇ ਹਨ। ਅਜਿਹੀ ਸਥਿਤੀ ਵਿਚ ਧੋਖਾਧੜੀ ਕਰਨ ਵਾਲਿਆਂ ਨੇ ਰਿਜ਼ਰਵ ਬੈਂਕ ਨੂੰ ਵੀ ਨਹੀਂ ਛੱਡਿਆ ਅਤੇ ਹੁਣ ਵਿਸ਼ਵ ਬੈਂਕ ਦੇ ਨਾਮ 'ਤੇ ਵੀ ਧੋਖਾਧੜੀ ਦਾ ਕਾਰੋਬਾਰ ਸ਼ੁਰੂ ਹੋ ਗਿਆ ਹੈ।

ਇਹ ਵੀ ਪੜ੍ਹੋ : 8 ਨਵੰਬਰ : PM ਮੋਦੀ ਦੇ ਇਕ ਫੈਸਲੇ ਨੇ ਪੂਰੇ ਦੇਸ਼ 'ਚ ਪਾ ਦਿੱਤੀਆਂ ਸਨ ਭਾਜੜਾਂ

ਬੈਂਕ ਦੀ ਅਧਿਕਾਰਤ ਵੈਬਸਾਈਟ ਕਰੋ ਚੈੱਕ 

ਵਿਸ਼ਵ ਬੈਂਕ ਨੇ ਸਾਰੇ ਭਾਰਤ ਵਾਸੀਆਂ ਨੂੰ ਚਿਤਾਵਨੀ ਦਿੱਤੀ ਅਤੇ ਕਿਹਾ ਕਿ ਸਾਰੇ ਗ੍ਰਾਹਕਾਂ ਨੂੰ ਅਜਿਹੀਆਂ ਧੋਖਾਧੜੀ ਤੋਂ ਸੁਚੇਤ ਰਹਿਣਾ ਚਾਹੀਦਾ ਹੈ। ਵਿਸ਼ਵ ਬੈਂਕ ਨੇ ਇਹ ਵੀ ਕਿਹਾ ਹੈ ਕਿ ਸਾਡੀਆਂ ਨੀਤੀਆਂ ਅਤੇ ਪ੍ਰੋਗਰਾਮਾਂ ਬਾਰੇ ਜਾਣਕਾਰੀ ਲਈ ਤੁਸੀਂ ਵਿਸ਼ਵ ਬੈਂਕ ਦੀ ਵੈਬਸਾਈਟ www.Worldbank.Org 'ਤੇ ਜਾ ਸਕਦੇ ਹੋ। ਇਸ ਲਈ ਜੇ ਤੁਹਾਨੂੰ ਵੀ ਕੋਈ ਅਜਿਹੀ ਫੋਨ ਕਾਲ ਆਉਂਦੀ ਹੈ ਜੋ ਤੁਹਾਨੂੰ ਵਿਸ਼ਵ ਬੈਂਕ ਦਾ ਡੈਬਿਟ-ਕ੍ਰੈਡਿਟ ਕਾਰਡ ਦੇਣ ਲਈ ਕਹਿੰਦੀ ਹੈ, ਤਾਂ ਤੁਰੰਤ ਸਾਈਬਰ ਸੈੱਲ ਵਿਚ ਇਸ ਬਾਰੇ ਸ਼ਿਕਾਇਤ ਕਰੋ।

ਇਹ ਵੀ ਪੜ੍ਹੋ : RBI ਦੇ ਅੰਕੜਿਆਂ ਤੋਂ ਚੰਗੇ ਸੰਕੇਤ! ਅਕਤੂਬਰ 2020 ’ਚ ਬੈਂਕਾਂ ਦੇ ਕਰਜ਼ੇ ਅਤੇ ਡਿਪਾਜ਼ਿਟ ’ਚ ਹੋਇਆ ਵਾਧਾ