ਚੋਣਾਂ ਲੜਨ ਲਈ ਜ਼ਮੀਨ ਤੱਕ ਵੇਚ ਚੁੱਕੇ ਹਨ ਬਦਾਯੂੰ ਦੇ ਹਰੀ ਸਿੰਘ

ਬਦਾਯੂੰ- ਬਦਾਯੂੰ ਸੀਟ ਤੋਂ ਚੋਣਾਂ ਲੜਨੇ ਦੇ ਲਈ ਮੈਦਾਨ ’ਚ ਉਤਰੇ 70 ਸਾਲਾ ਹਰੀ ਸਿੰਘ ਚੋਣ ਲੜਨ ਲਈ ਆਪਣੀ 6 ਵਿੱਘੇ ਜ਼ਮੀਨ ਤੱਕ ਵੇਚ ਚੁੱਕੇ ਹਨ। ਉਨ੍ਹਾਂ ਨੇ ਹੁਣ ਤੱਕ 8 ਵਾਰ ਵਿਧਾਨ ਸਭਾ ਅਤੇ ਇਕ ਵਾਰ ਲੋਕ ਸਭਾ ਚੋਣਾਂ ਲੜ ਚੁੱਕੇ ਹਨ ਪਰ ਉਹ ਸਫਲ ਨਹੀਂ ਹੋਏ। ਇਸ ਚੋਣਾਂ ਦੌਰਾਨ ਉਨ੍ਹਾਂ ਦੇ ਨਾਮਜ਼ਦਗੀ ਪੱਤਰ ਵਿਚ ਗਲਤੀ ਪਾਏ ਜਾਣ ਤੋਂ ਬਾਅਦ ਉਨ੍ਹਾਂ ਦੀ ਨਾਮਜ਼ਦਗੀ ਰੱਦ ਕਰ ਦਿੱਤੀ ਗਈ ਸੀ। 

ਹਰੀ ਸਿੰਘ ਪੇਸ਼ੇ ਤੋਂ ਸਰਕਾਰੀ ਮੁਲਾਜ਼ਮ ਸਨ, ਪਰ ਸਮਾਜਿਕ ਬਦਲਾਅ ਲਿਆਉਣਾ ਚਾਹੁੰਦੇ ਸਨ, ਜਿਸਦਾ ਕਾਰਨ ਸਿਆਸਤ ਵਿਚ ਉਨ੍ਹਾਂ ਦਾ ਮਨ ਜ਼ਿਆਦਾ ਲਗਦਾ ਸੀ। ਮਹਾਤਮਾ ਗਾਂਧੀ ਨੂੰ ਆਦਰਸ਼ ਮੰਨ ਕੇ ਸਿਆਸਤ ਵਿਚ ਆਏ। ਉਨ੍ਹਾਂ ਨੇ ਪਹਿਲੀਆਂ ਚੋਣਾਂ 1989 ਵਿਚ ਲੋਕ ਦਲ (ਵ) ਤੋਂ ਲੜਿਆ ਅਤੇ ਓਦੋਂ ਤੋਂ ਅਜੇ ਤੱਕ ਲਗਾਤਾਰ ਚੋਣਾਂ ਲੜਦੇ ਆ ਰਹੇ ਹਨ। ਹਰੀ ਸਿੰਘ ਨੇ ਕਿਹਾ ਕਿ ਪਹਿਲਾਂ ਜਨਤਾ ਕੈਂਡੀਡੇਟ ਦੇਖਦੀ ਸੀ ਪਰ ਹੁਣ ਇਮਾਨਦਾਰ ਕੈਂਡੀਡੇਟ ਨਹੀਂ ਬਸ ਪੈਸਾ ਹੋਣਾ ਚਾਹੀਦਾ ਹੈ। ਉਹ ਪ੍ਰਧਾਨ ਰਹਿਣ ਦੇ ਨਾਲ-ਨਾਲ ਜ਼ਿਲਾ ਪੰਚਾਇਤ ਮੈਂਬਰ ਵੀ ਰਹੇ ਹਨ ਅਤੇ ਸਿੱਖਿਆ ਵਿਭਾਗ ਵਿਚ ਨੌਕਰੀ ਕਰ ਚੁੱਕੇ ਹਨ ਉਨ੍ਹਾਂ ਨੇ ਕਿਹਾ ਕਿ ਚੋਣਾਂ ਲੜਨਾ ਹੀ ਉਨ੍ਹਾਂ ਦਾ ਤਾਂ ਜੀਵਨ ਹੈ। ਬਹੁਤ ਸੰਘਰਸ਼ ਕੀਤਾ ਹੈ ਅਤੇ ਅਤੇ ਤੱਕ ਕਰਦੇ ਆ ਰਹੇ ਹਨ। ਚੋਣਾਂ ਦਾ ਖਰਚ ਹੈ ਤਾਂ ਕੁਝ ਪੈਨਸ਼ਨ ਤੋਂ ਇੱਕਠਾ ਕਰ ਲੈਂਦੇ ਹਨ। ਕੁਝ ਜ਼ਮੀਨ ਤੋਂ ਹੋ ਜਾਂਦਾ ਹੈ। ਕੁਝ ਜਨਤਾ ਵੀ ਸਾਡੀ ਮਦਦ ਕਰਦੀ ਹੈ। ਕੁਝ ਨਹੀਂ ਹੁੰਦਾ ਹੈ ਤਾਂ ਪੈਦਲ ਚਲਦੇ ਹਨ। ਅਸੀਂ ਤਾਂ ਪੈਦਲ ਵਾਲੇ ਆਦਮੀ ਹਾਂ। ਅਸੀਂ ਤਾਂ ਹਰ ਤਰ੍ਹਾਂ ਨਾਲ ਚੋਣਾਂ ਲੜਨ ਵਾਲੇ ਆਦਮੀ ਹਾਂ। ਚੋਣਾਂ ਤੋਂ ਪਿੱਛੇ ਨਹੀਂ ਹਟਦੇ ਹਾਂ। ਉਨ੍ਹਾਂ ਦੇ ਪਰਿਵਾਰ ਕੋਲ 50-60 ਵਿੱਘਾ ਜ਼ਮੀਨ ਸੀ ਜਿਸ ਵਿਚੋਂ ਲੱਗਭਗ 40 ਵਿੱਘਾ ਅਜੇ ਵੀ ਮੌਜੂਦ ਹੈ ਅਤੇ ਉਹ ਖੇਤੀ ਰਾਹੀਂ ਆਪਣਾ ਗੁਜਾਰਾ ਕਰਦੇ ਹਨ।