1,071 ਕਰੋੜ ਦੀ ਠੱਗੀ ਮਾਮਲੇ ''ਚ ਆਸਾਮ ਤੋਂ ਮਾਸਟਰਮਾਈਂਡ ਗ੍ਰਿਫ਼ਤਾਰ, ਚੀਨ ਨਾਲ ਜੁੜੇ ਸਨ ਤਾਰ

ਅਹਿਮਦਾਬਾਦ- ਗੁਜਰਾਤ ਅਪਰਾਧ ਜਾਂਚ ਵਿਭਾਗ (ਸੀਆਈਡੀ) ਨੇ ਆਸਾਮ ਦੇ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜੋ ਕਥਿਤ ਤੌਰ 'ਤੇ ਦੇਸ਼ ਭਰ 'ਚ "ਡਿਜੀਟਲ ਗ੍ਰਿਫ਼ਤਾਰੀ" ਸਮੇਤ 1,090 ਸਾਈਬਰ ਅਪਰਾਧਾਂ 'ਚ ਸ਼ਾਮਲ ਸੀ। ਪੁਲਸ ਦੇ ਅਨੁਸਾਰ, ਇਨ੍ਹਾਂ ਮਾਮਲਿਆਂ 'ਚ ਲੋਕਾਂ ਨਾਲ 1,071.5 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਗਈ ਅਤੇ ਮੁਲਜ਼ਮ ਦੇ ਚੀਨ 'ਚ ਸਥਿਤ ਸਾਈਬਰ ਅਪਰਾਧੀਆਂ ਨਾਲ ਵੀ ਸਬੰਧ ਸਨ। ਪੁਲਸ ਨੇ ਸੋਮਵਾਰ ਨੂੰ ਕਿਹਾ ਕਿ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਮੁਲਜ਼ਮ ਰਫੀਕੁਲ ਆਲਮ (25)  ਦੇਸ਼ ਭਰ ਦੇ 1,758 ਬੈਂਕ ਖਾਤਿਆਂ 'ਚ ਠੱਗੀ ਦੀ ਰਕਮ ਭੇਜਣ ਅਤੇ ਉਸ ਨੂੰ ਕ੍ਰਿਪਟੋਕਰੰਸੀ 'ਚ ਬਦਲ ਕੇ ਚੀਨ ਭੇਜਣ ਦਾ 'ਮਾਸਟਰਮਾਈਂਡ' ਸੀ। 

ਪੁਲਸ ਦੇ ਅਨੁਸਾਰ, ਉਹ ਵਟਸਐੱਪ ਅਤੇ ਟੈਲੀਗ੍ਰਾਮ ਰਾਹੀਂ ਚੀਨ 'ਚ ਸਥਿਤ ਅਪਰਾਧੀਆਂ ਦੇ ਸੰਪਰਕ 'ਚ ਸੀ। ਅਪਰਾਧ ਜਾਂਚ ਵਿਭਾਗ ਦੀ ਸਾਈਬਰ ਸ਼ਾਖਾ ਨੇ ਮੁਲਜ਼ਮ ਨੂੰ ਆਸਾਮ ਦੇ ਬਾਰਪੇਟਾ ਤੋਂ ਗ੍ਰਿਫ਼ਤਾਰ ਕੀਤਾ। ਸੀਆਈਡੀ ਨੇ ਕਿਹਾ,"ਤਕਨੀਕੀ ਵਿਸ਼ਲੇਸ਼ਣ ਅਤੇ ਪੀੜਤਾਂ ਦੇ ਬਿਆਨਾਂ ਦੇ ਆਧਾਰ 'ਤੇ, ਸੀਆਈਡੀ ਦੀ ਇਕ ਟੀਮ ਬਾਰਪੇਟਾ ਸ਼ਹਿਰ ਪਹੁੰਚੀ ਅਤੇ ਤਿੰਨ ਦਿਨਾਂ ਤੱਕ ਮਨੀ ਲਾਂਡਰਿੰਗ ਰੈਕੇਟ ਦੇ ਮੁੱਖ ਮੁਲਜ਼ਮ ਦੇ ਘਰ ਦਾ ਗੁਪਤ ਤੌਰ 'ਤੇ ਸਰਵੇਖਣ ਕੀਤਾ। ਇਸ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਉਸ ਤੋਂ ਤਕਨੀਕੀ ਉਪਕਰਣ ਬਰਾਮਦ ਕੀਤੇ ਗਏ।'' ਪੁਲਸ ਨੇ ਦੱਸਿਆ ਕਿ ਦੋਸ਼ੀ ਨੇ "ਡਿਜੀਟਲ ਗ੍ਰਿਫ਼ਤਾਰੀ" ਅਤੇ ਹੋਰ ਸਾਈਬਰ ਧੋਖਾਧੜੀਆਂ ਰਾਹੀਂ ਪ੍ਰਾਪਤ ਕੀਤੇ ਪੈਸੇ ਨੂੰ ਵੱਖ-ਵੱਖ ਬੈਂਕ ਖਾਤਿਆਂ 'ਚ ਟ੍ਰਾਂਸਫਰ ਕੀਤਾ। ਉਸ ਨੇ ਧੋਖਾਧੜੀ ਵਾਲੇ ਫੰਡਾਂ ਨੂੰ ਕ੍ਰਿਪਟੋਕਰੰਸੀ 'ਚ ਵੀ ਬਦਲਿਆ ਅਤੇ ਉਨ੍ਹਾਂ ਨੂੰ ਚੀਨ ਭੇਜ ਦਿੱਤਾ।

ਸੀਆਈਡੀ ਨੇ ਕਿਹਾ,"ਦੋਸ਼ੀ ਦੇਸ਼ ਭਰ 'ਚ ਕੁੱਲ 1,090 ਸਾਈਬਰ ਅਪਰਾਧਾਂ 'ਚ ਸ਼ਾਮਲ ਰਿਹਾ ਹੈ, ਜਿਸ 'ਚ 1,071.5 ਕਰੋੜ ਰੁਪਏ ਦੀ ਰਕਮ ਸ਼ਾਮਲ ਹੈ। ਉਸ ਦੇ ਮੋਬਾਈਲ ਫੋਨ 'ਤੇ ਗੇਮਿੰਗ ਖਾਤਿਆਂ ਨਾਲ ਸਬੰਧਤ ਲੈਣ-ਦੇਣ ਵੀ ਪਾਏ ਗਏ।" ਇਕ ਵੱਖਰੇ ਮਾਮਲੇ 'ਚ ਅਹਿਮਦਾਬਾਦ 'ਚ ਇਕ ਬਜ਼ੁਰਗ ਵਿਅਕਤੀ ਦੇ ਬੈਂਕ ਖਾਤੇ ਦੇ ਤਕਨੀਕੀ ਵਿਸ਼ਲੇਸ਼ਣ ਨੇ ਸੀਸੀਈ ਟੀਮਾਂ ਨੂੰ ਅਜਿਹੇ 10 ਵਿਅਕਤੀਆਂ ਨੂੰ "ਡਿਜੀਟਲ ਗ੍ਰਿਫ਼ਤਾਰੀ" ਦਾ ਸ਼ਿਕਾਰ ਹੋਣ ਤੋਂ ਰੋਕਣ 'ਚ ਮਦਦ ਕੀਤੀ। ਟੀਮਾਂ ਨੇ ਉਨ੍ਹਾਂ ਦੇ ਘਰਾਂ ਦਾ ਦੌਰਾ ਕੀਤਾ ਅਤੇ ਉਨ੍ਹਾਂ ਦੀ ਸਲਾਹ ਦਿੱਤੀ। ਬਜ਼ੁਰਗ ਵਿਅਕਤੀ ਨੂੰ ਧਮਕੀ ਦਿੱਤੀ ਗਈ ਸੀ ਕਿ ਜੇਕਰ ਉਸ ਨੇ ਸਾਈਬਰ ਧੋਖਾਧੜੀ ਕਰਨ ਵਾਲਿਆਂ ਨੂੰ 20 ਲੱਖ ਰੁਪਏ ਦਾ ਭੁਗਤਾਨ ਨਹੀਂ ਕੀਤਾ ਤਾਂ ਉਸ ਨੂੰ ਚਾਈਲਡ ਅਸ਼ਲੀਲ ਸਮੱਗਰੀ ਨਾਲ ਜੁੜੇ ਮਾਮਲਿਆਂ 'ਚ ਫਸਾਇਆ ਜਾਵੇਗਾ। ਸੀਸੀਈ ਟੀਮ ਨੇ ਉਸ ਦੀ ਸਲਾਹ ਦਿੱਤੀ ਅਤੇ ਉਸਨੂੰ ਧੋਖਾਧੜੀ ਦਾ ਸ਼ਿਕਾਰ ਹੋਣ ਤੋਂ ਬਚਾਇਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e