ਚਮਤਕਾਰੀ ਅਤੇ ਔਸ਼ਧੀ ਗੁਣਾ ਨਾਲ ਭਰਪੂਰ ਹੈ 'ਗੁੱਛੀ ਮਸ਼ਰੂਮ'

ਸ਼ਿਮਲਾ- ਦੁਨੀਆ ਦੀ ਸਭ ਤੋਂ ਮਹਿੰਗੀ ਸਬਜ਼ੀ ਗੁੱਛੀ ਮਸ਼ਰੂਮ ਕੁਦਰਤ ਦਾ ਅਨੋਖਾ ਤੋਹਫ਼ਾ ਹੈ, ਜੋ ਕੁਦਰਤ ਦੀ ਛੋਹ ਤੋਂ ਉੱਗਦੀ ਹੈ। ਇਸ ਦਾ ਵਿਗਿਆਨਕ ਨਾਂ ਮਾਰਸੀਲਾ ਏਸਕੁਲੇਂਟਾ ਹੈ। ਸੂਬੇ ਦੇ ਸ਼ਿਮਲਾ, ਚੰਬਾ ਅਤੇ ਮਨਾਲੀ ਦੇ ਉੱਚਾਈ ਵਾਲੇ ਇਲਾਕਿਆਂ ਵਿਚ ਗੁੱਛੀ ਵੱਡੀ ਮਾਤਰਾ ਵਿਚ ਪਾਈ ਜਾਂਦੀ ਹੈ, ਜਿਸ ਨੂੰ ਸਥਾਨਕ ਭਾਸ਼ਾ ਵਿਚ ਚੇਨੂੰ, ਰੋਂਟੂ, ਛਤਰੀ, ਚਟਮੋਰ ਅਤੇ ਡੁੰਗਰੂ ਕਿਹਾ ਜਾਂਦਾ ਹੈ। ਗੁੱਛੀ ਮਸ਼ਰੂਮ ਦੇ ਵਾਧੇ ਦਾ ਢੁਕਵਾਂ ਸਮਾਂ ਮਾਰਚ ਤੋਂ ਮਈ ਮੰਨਿਆ ਜਾਂਦਾ ਹੈ। ਮੀਂਹ ਤੋਂ ਪਹਿਲਾਂ ਬਿਜਲੀ ਦੀਆਂ ਤੇਜ਼ ਕਿਰਨਾਂ ਅਤੇ ਬੱਦਲਾਂ ਦੀ ਗਰਜ ਕਾਰਨ ਜੰਗਲਾਂ ਵਿਚ ਗੁੱਛੀ ਆਪਣੇ ਆਪ ਉੱਗ ਜਾਂਦੀ ਹੈ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਗੁੱਛੀ ਬਿਨਾਂ ਖਾਦ ਅਤੇ ਬੀਜਾਂ ਤੋਂ ਉੱਗਦੀ ਹੈ। ਖੇਤੀ ਮਾਹਰਾਂ ਮੁਤਾਬਕ ਗੁੱਛੀ ਸਮੁੰਦਰ ਤਲ ਤੋਂ 1500 ਤੋਂ 3500 ਮੀਟਰ ਦੀ ਉਚਾਈ 'ਤੇ ਪਾਈ ਜਾਂਦੀ ਹੈ। ਜਿਸ ਲਈ 14 ਤੋਂ 17 ਡਿਗਰੀ ਸੈਲਸੀਅਸ ਤਾਪਮਾਨ ਦੀ ਲੋੜ ਹੁੰਦੀ ਹੈ। ਜੁਗਾ ਦੇ ਦੁਰਗਾ ਸਿੰਘ ਠਾਕੁਰ ਨੇ ਦੱਸਿਆ ਕਿ ਹਰ ਸਾਲ ਫੱਗਣ ਤੋਂ ਲੈ ਕੇ ਵਿਸਾਖ ਤੱਕ ਗੁੱਛੀ ਦੇ ਵਾਧੇ ਦਾ ਸਹੀ ਸਮਾਂ ਮੰਨਿਆ ਜਾਂਦਾ ਹੈ। 

ਇਹ ਵੀ ਪੜ੍ਹੋ- ਐਤਕੀਂ ਚਮਕੇਗਾ ਪੰਜਾਬ ਦੇ ਕਿਸਾਨਾਂ ਦਾ ‘ਸੋਨਾ’! ਪ੍ਰਾਈਵੇਟ ਖ਼ਰੀਦ ਵਧਣ ਨਾਲ ਸਰਕਾਰੀ ਭਾਅ ਤੋਂ ਉੱਪਰ ਜਾਵੇਗੀ ਕੀਮਤ

ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਦਿਨਾਂ ਵਿਚ ਲੋਕ ਆਪਣੇ ਰੋਜ਼ਾਨਾ ਦੇ ਖਾਣੇ ਦੇ ਨਾਲ-ਨਾਲ ਸਾਰਾ ਦਿਨ ਗੁੱਛੀ ਇਕੱਠੀ ਕਰਨ ਲਈ ਜੰਗਲਾਂ ਵਿਚ ਡੇਰੇ ਲਾਉਂਦੇ ਹਨ। ਪਿੰਡ ਵਾਸੀ ਗੁੱਛੀ ਦੀ ਭਾਲ ਵਿਚ ਕਈ-ਕਈ ਦਿਨ ਜੰਗਲ ਵਿਚ ਰਹਿੰਦੇ ਹਨ, ਯਾਨੀ  ਕਿ ਗੁੱਛੀ ਨੂੰ ਲੱਭਣਾ ਬਹੁਤ ਔਖਾ ਕੰਮ ਹੈ। ਖਾਸ ਕਰਕੇ ਫੱਗਣ ਦੇ ਮਹੀਨੇ ਵਿਚ ਲੋਕ ਤੇਜ਼ ਬਿਜਲੀ ਅਤੇ ਗਰਜ ਦੀ ਬੇਸਬਰੀ ਨਾਲ ਉਡੀਕ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਗੁੱਛੀ ਜੰਗਲ ਵਿਚ ਹਰ ਕਿਸੇ ਨੂੰ ਦਿਖਾਈ ਨਹੀਂ ਦਿੰਦੀ, ਇਹ ਕਿਸੇ ਕਿਸਮਤ ਵਾਲੇ ਨੂੰ ਹੀ ਮਿਲਦੀ ਹੈ। ਗੁੱਛੀ ਨੂੰ ਜੰਗਲ ਤੋਂ ਲਿਆ ਕੇ ਘਰ ਵਿਚ ਸੁਕਾ ਕੇ ਇਸ ਤੋਂ ਮਾਲਾ ਬਣਾ ਕੇ ਘਰ ਵਿਚ ਟੰਗਿਆ ਜਾਂਦਾ ਹੈ। ਗੁੱਛੀ ਦੇ ਸੁੱਕਣ ਨਾਲ ਵਜ਼ਨ ਕਾਫੀ ਘੱਟ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਖੁੱਲੇ ਬਾਜ਼ਾਰ ਵਿਚ ਗੁੱਛੀ ਦੀ ਕੀਮਤ 30 ਤੋਂ 35 ਹਜ਼ਾਰ ਰੁਪਏ ਪ੍ਰਤੀ ਕਿਲੋ ਦੱਸੀ ਜਾਂਦੀ ਹੈ। ਭਾਰਤ ਤੋਂ ਇਲਾਵਾ ਅਮਰੀਕਾ, ਯੂਰਪ, ਇਟਲੀ ਆਦਿ ਦੇਸ਼ਾਂ ਵਿਚ ਇਸ ਦੀ ਭਾਰੀ ਮੰਗ ਹੈ। 

ਇਹ ਵੀ ਪੜ੍ਹੋ- ਇਸ ਸਾਲ ਅੰਬ ਦਾ ਉਤਪਾਦਨ 14 ਫ਼ੀਸਦੀ ਵੱਧ ਕੇ 2.4 ਕਰੋੜ ਟਨ ’ਤੇ ਪਹੁੰਚਣ ਦਾ ਅੰਦਾਜ਼ਾ

ਕੁਦਰਤ ਦੀ ਛੋਹ ਕਾਰਨ ਪਹਾੜਾਂ 'ਤੇ ਉੱਗਣ ਵਾਲੇ ਗੁੱਛੀ ਅੱਜ ਵੀ ਵਿਗਿਆਨੀਆਂ ਲਈ ਰਹੱਸ ਬਣੇ ਹੋਈ ਹੈ। ਗੁੱਛੀ ਜੰਗਲਾਂ ਵਿਚ ਕੁਦਰਤੀ ਤੌਰ 'ਤੇ ਉੱਗਦੀ ਹੈ। ਕੁਦਰਤ ਨੇ ਨਾ ਹੀ ਇਸ ਦਾ ਬੀਜ ਬਣਾਇਆ ਹੈ। ਆਯੁਰਵੇਦ ਮਾਹਰ ਡਾ. ਅਨੂ ਸ਼ਰਮਾ ਨੇ ਦੱਸਿਆ ਕਿ ਗੁੱਛੀ ਚਮਤਕਾਰੀ ਅਤੇ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੈ। ਇਸ ਵਿਚ ਆਇਰਨ, ਵਿਟਾਮਿਨ ਬੀ ਅਤੇ ਸੀ ਤੋਂ ਇਲਾਵਾ ਅਮੀਨੋ ਐਸਿਡ ਅਤੇ ਖਣਿਜ ਭਰਪੂਰ ਮਾਤਰਾ ਵਿਚ ਪਾਏ ਜਾਂਦੇ ਹਨ। ਇਸ ਵਿਚ ਘੱਟ ਚਰਬੀ ਅਤੇ ਉੱਚ ਐਂਟੀਆਕਸੀਡੈਂਟ ਫਾਈਬਰ ਹੁੰਦੇ ਹਨ। ਗੁੱਛੀ ਮਸ਼ਰੂਮ ਇਕ ਜੀਵਨ ਬਚਾਉਣ ਵਾਲਾ ਹੈ, ਖਾਸ ਕਰਕੇ ਦਿਲ ਦੇ ਮਰੀਜ਼ਾਂ ਲਈ। ਇਕ ਰਿਪੋਰਟ ਮੁਤਾਬਕ ਡਾਇਰੈਕਟੋਰੇਟ ਮਸ਼ਰੂਮ ਰਿਸਰਚ ਸੈਂਟਰ ਚੰਬਾਧਾਟ ਸੋਲਨ ਦੇ ਵਿਗਿਆਨੀਆਂ ਵੱਲੋਂ ਗੁੱਛੀ ਮਸ਼ਰੂਮ 'ਤੇ ਖੋਜ ਕੀਤੀ ਜਾ ਰਹੀ ਹੈ ਤਾਂ ਜੋ ਘਰ 'ਚ ਗੁੱਛੀ ਦਾ ਉਤਪਾਦਨ ਕੀਤਾ ਜਾ ਸਕੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8