ਕਾਲੀ ਐਨਕ, ਸਿਰ 'ਤੇ ਸਾਫ਼ਾ, ਹੱਥਾਂ 'ਚ ਗੁਲਾਲ... CM ਯੋਗੀ ਨੇ ਖੇਡੀ ਫੁੱਲਾਂ ਤੇ ਰੰਗਾਂ ਦੀ ਹੋਲੀ (ਤਸਵੀਰਾਂ)
Tuesday, Mar 26, 2024 - 02:42 PM (IST)
ਗੋਰਖਪੁਰ- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਗੋਰਖਪੁਰ ਮੰਦਰ 'ਚ ਜਨਤਾ ਦੇ ਨਾਲ ਹੋਲੀ ਮਨਾਈ। ਸੀ.ਐੱਮ. ਨੇ ਰੰਗਾਂ ਅਤੇ ਫੁੱਲਾਂ ਦੇ ਨਾਲ ਹੋਲੀ ਖੇਡੀ ਅਤੇ ਜਨਤਾ ਨੂੰ ਹੋਲੀ ਦੀਆਂ ਵਧਾਈਆਂ ਦਿੱਤੀਆਂ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ ਕਈ ਦਿਨਾਂ ਤੋਂ ਦੇਸ਼ ਭਰ ਦੇ ਸਨਾਤਨ ਧਰਮ ਦੇ ਪੈਰੋਕਾਰ ਹੋਲੀ ਵਰਗੇ ਤਿਉਹਾਰ ਰਾਹੀਂ ਆਪਣੀ 1000 ਸਾਲਾਂ ਦੀ ਵਿਰਾਸਤ ਨੂੰ ਆਨੰਦ ਅਤੇ ਉਤਸ਼ਾਹ ਦੀ ਨਵੀਂ ਉਚਾਈ 'ਤੇ ਲਿਜਾ ਕੇ ਇਸ ਤਿਉਹਾਰ 'ਚ ਹਿੱਸਾ ਲੈ ਰਹੇ ਹਨ। ਸਨਾਤਨ ਧਰਮ ਸੋਗ ਅਤੇ ਪਸ਼ਚਾਤਾਪ ਵਿੱਚ ਵਿਸ਼ਵਾਸ ਨਹੀਂ ਰੱਖਦਾ ਸਗੋਂ ਉਤਸ਼ਾਹ ਅਤੇ ਆਸ਼ਾਵਾਦ ਵਿੱਚ ਵਿਸ਼ਵਾਸ ਰੱਖਦਾ ਹੈ ਅਤੇ ਹੋਲੀ ਦਾ ਤਿਉਹਾਰ ਵੀ ਇਹੀ ਸੰਦੇਸ਼ ਦਿੰਦਾ ਹੈ।
ਦੱਸ ਦੇਈਏ ਕਿ ਸੀ.ਐੱਮ. ਯੋਗੀ ਅੱਜ ਯਾਨੀ ਮੰਗਲਵਾਰ ਨੂੰ ਗੋਰਖਪੁਰ ਪਹੁੰਚੇ। ਇੱਥੇ ਘੰਟਾਘਰ ਵਿੱਚ ਆਯੋਜਿਤ 'ਭਗਵਾਨ ਨਰਸਿਮ੍ਹਾ ਦੀ ਰੰਗਾਂ ਭਰੀ ਸ਼ੋਭਾ ਯਾਤਰਾ ਵਿੱਚ ਸੀ.ਐੱਮ. ਯੋਗੀ ਨੇ ਹਿੱਸਾ ਲਿਆ। ਇਸ ਦੌਰਾਨ ਭਗਵਾਨ ਨਰਸਿੰਘ ਦੀ ਰਵਾਇਤੀ ਆਰਤੀ ਕੀਤੀ ਗਈ। ਇਸ ਤੋਂ ਬਾਅਦ ਲੋਕਾਂ ਨਾਲ ਫੁੱਲਾਂ ਅਤੇ ਰੰਗਾਂ ਨਾਲ ਹੋਲੀ ਖੇਡੀ। ਉਨ੍ਹਾਂ ਕਿਹਾ ਕਿ ਅਸੀਂ ਆਪਸੀ ਵੈਰ-ਵਿਰੋਧ ਖਤਮ ਕਰਕੇ ਸੱਚ ਅਤੇ ਨਿਆਂ ਦੇ ਮਾਰਗ 'ਤੇ ਚੱਲ ਕੇ ਹੀ ਸਮਾਜ ਨੂੰ ਸ਼ਕਤੀਸ਼ਾਲੀ ਬਣਾ ਸਕਦੇ ਹਾਂ।
ਸੀ.ਐੱਮ. ਯੋਗੀ ਨੇ ਕਿਹਾ, ਉਹ ਆਪਣੀ ਵਿਰਾਸਤ ਪ੍ਰਤੀ ਧੰਨਵਾਦ ਪ੍ਰਗਟ ਕਰਦੇ ਹਨ। ਇਸ ਮੌਕੇ ਅਸੀਂ ਇਸ ਸ਼ੋਭਾ ਯਾਤਰਾ ਰਾਹੀਂ ਸਮਾਜ ਦੇ ਹਰ ਵਰਗ ਦੇ ਲੋਕਾਂ ਨੂੰ ਆਪਣੇ ਉਤਸ਼ਾਹ ਨਾਲ ਜੋੜ ਕੇ ਖੁਸ਼ਹਾਲ ਸਮਾਜ ਦੀ ਸਥਾਪਨਾ ਦਾ ਸੁਨੇਹਾ ਦਿੰਦੇ ਹਾਂ। ਸਨਾਤਨ ਧਰਮ ‘ਵਸੁਧੈਵ ਕੁਟੁੰਬਕਮ’ ਵਿੱਚ ਵਿਸ਼ਵਾਸ ਰੱਖਦਾ ਹੈ। ਸਾਰੇ ਨਾਗਰਿਕਾਂ ਨੂੰ ਹੋਲੀ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਹੋਲੀ ਦਾ ਤਿਉਹਾਰ ਉਤਸ਼ਾਹ ਅਤੇ ਆਸ਼ਾਵਾਦ ਦਾ ਤਿਉਹਾਰ ਹੈ।
ਮੁੱਖ ਮੰਤਰੀ ਯੋਗੀ ਨੇ ਕਿਹਾ ਕਿ ਜਿੱਥੇ ਵੰਡ ਹੁੰਦੀ ਹੈ, ਉੱਥੇ ਸਮਾਜ ਮਜ਼ਬੂਤ ਨਹੀਂ ਹੋ ਸਕਦਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਸਨਾਤਨ ਧਰਮ ਸੋਗ ਅਤੇ ਪਸ਼ਚਾਤਾਪ ਵਿੱਚ ਵਿਸ਼ਵਾਸ ਨਹੀਂ ਰੱਖਦਾ ਸਗੋਂ ਉਤਸ਼ਾਹ ਅਤੇ ਆਸ਼ਾਵਾਦ ਵਿੱਚ ਵਿਸ਼ਵਾਸ ਰੱਖਦਾ ਹੈ ਅਤੇ ਹੋਲੀ ਦਾ ਤਿਉਹਾਰ ਵੀ ਇਹੀ ਸੰਦੇਸ਼ ਦਿੰਦਾ ਹੈ।
