ਫਿਲਮ ਡਾਇਰੈਕਟਰ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਲੈ ਕੀਤਾ ਇਹ ਵਿਵਾਦਿਤ ਟਵੀਟ
Friday, Nov 24, 2017 - 11:58 AM (IST)
ਨਵੀਂ ਦਿੱਲੀ— ਫਿਲਮ ਪਦਮਾਵਤੀ 'ਤੇ ਚੱਲ ਰਹੇ ਵਿਵਾਦ ਵਿਚਾਲੇ ਇਕ ਫਿਲਮ ਡਾਇਰੈਕਟਰ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਲੈ ਕੇ ਵਿਵਾਦਿਤ ਟਵੀਟ ਕੀਤਾ ਹੈ। ਫਿਲਮ ਡਾਇਰੈਕਟਰ ਨੇ ਟਵੀਟ ਕੀਤਾ ਹੈ ਕਿ ਜਿਹੜਾ ਵਿਅਕਤੀ ਪ੍ਰਧਾਨ ਮੰਤਰੀ ਮੋਦੀ 'ਤੇ ਜੁੱਤੀ ਜਾਂ ਚੱਪਲ ਮਾਰੇਗਾ, ਉਸ ਨੂੰ ਉਹ ਇਕ ਲੱਖ ਰੁਪਏ ਦਾ ਇਨਾਮ ਦੇਵੇਗਾ।
ਮੁੰਬਈ ਦੇ ਇਸ ਫਿਲਮ ਡਾਇਰੈਕਟਰ ਦਾ ਨਾਂ ਰਾਮ ਸੁਬਰਾਮਣੀਅਮ ਹੈ। ਫਿਲਮ ਪਦਮਾਵਤੀ 'ਤੇ ਚੱਲ ਰਹੇ ਵਿਵਾਦ ਤੋਂ ਇਹ ਕਾਫੀ ਨਰਾਜ਼ ਨਜ਼ਰ ਆ ਰਿਹਾ ਹੈ। ਇਸ ਨੇ ਇਕ ਟਵੀਟ ਕਰਦੇ ਹੋਏ ਕਿਹਾ ਕਿ ਇਕਦਮ ਨਹੀਂ, ਮੈਂ ਉਸ ਨੂੰ ਇਕ ਲੱਖ ਰੁਪਏ ਦੇਣ ਦਾ ਐਲਾਨ ਕਰਦਾ ਹਾਂ, ਜੋ ਨਰਿੰਦਰ ਮੋਦੀ ਜੀ 'ਤੇ ਚੱਪਲ ਜਾਂ ਜੁੱਤੀ ਮਾਰੇਗਾ। ਭਾਰਤ ਦੀ ਨਵੀਂ ਸੰਸਕ੍ਰਿਤੀ 'ਚ ਤੁਹਾਡਾ ਸੁਹਾਗਤ ਹੈ, ਇਸ ਸੰਸਕ੍ਰਿਤੀ ਦੀ ਨੀਂਹ ਭਾਜਪਾ ਨੇ ਰੱਖੀ ਹੈ। ਦਰਅਸਲ ਇਹ ਸਖ਼ਸ ਉਸ ਟਵੀਟ 'ਤੇ ਪ੍ਰਤੀਕਿਰਿਆ ਦੇ ਰਿਹਾ ਸੀ, ਜਿਸ 'ਚ ਕਰਨਾਟਕ ਦੇ ਉਰਜਾ ਮੰਤਰੀ ਡੀ ਕੇ ਸ਼ਿਵਕੁਮਾਰ ਨੇ ਪਦਮਾਵਤੀ ਵਿਵਾਦ ਨਾਲ ਜੁੜਿਆ ਇਕ ਟਵੀਟ ਕੀਤਾ ਸੀ।
Not at all... I am offering 1 Lakh to anyone who throws a chappal/shoe at @narendramodi ji. Welcome to the new Indian culture. Foundation laid by @BJP4India https://t.co/gEh5nxUGq7
— Ram Subramanian (Voice Of Ram) (@VORdotcom) November 20, 2017
ਕਰਨਾਟਕ ਦੇ ਮੰਤਰੀ ਦਾ ਟਵੀਟ
ਡੀ. ਕੇ. ਸ਼ਿਵਕੁਮਾਰ ਨੇ ਲਿਖਿਆ ਸੀ ਕਿ ਇਹ ਨਿੰਦਾ ਯੋਗ ਹੈ ਕਿ ਭਾਜਪਾ ਦਾ ਕੋਈ ਆਗੂ ਅਦਾਕਾਰਾ ਦੀਪਿਕਾ ਪਾਦੁਕੋਣ ਦੇ ਸਿਰ 'ਤੇ 10 ਕਰੋੜ ਰੁਪਏ ਦੇ ਇਨਾਮ ਦਾ ਐਲਾਨ ਕਰ ਰਿਹਾ ਹੈ, ਕੀ ਇਹ ਹੀ ਭਾਜਪਾ ਦੀ ਸੰਸਕ੍ਰਿਤੀ ਹੈ, ਕੀ ਉਹ ਲੋਕ ਇਸ ਤਰ੍ਹਾਂ ਮਹਿਲਾਵਾਂ ਦਾ ਸਨਮਾਨ ਕਰਦੇ ਹਨ? ਇਸ ਸਖ਼ਸ ਖਿਲਾਫ ਤੁਰੰਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।
It is condemnable that a BJP office bearer is placing a bounty of Rs. 10 crore on @deepikapadukone, who is from our state & the daughter of one of India's most respected sportsman.
— DK Shivakumar (@withDKS) November 20, 2017
Is this BJP's culture & the way they show respect towards women? Immediate action should be taken.