OMG! ਸਿੱਖਿਆ ਵਿਭਾਗ ਦੀ Online ਮੀਟਿੰਗ ''ਚ ਚੱਲਾ''ਤੀ ਪੋ/ਰ/ਨ ਵੀਡੀਓ, ਮਹਿਲਾ BSA ਨੇ ਲੁਕੋ ਲਿਆ ਮੂੰਹ

ਵੈੱਬ ਡੈਸਕ : ਉੱਤਰ ਪ੍ਰਦੇਸ਼ ਦੇ ਮਹਾਰਾਜਗੰਜ ਜ਼ਿਲ੍ਹੇ 'ਚ ਸਿੱਖਿਆ ਵਿਭਾਗ ਦੀ ਇੱਕ ਆਨਲਾਈਨ ਮੀਟਿੰਗ ਵਿੱਚ ਅਚਾਨਕ ਚੱਲੀ ਅਸ਼ਲੀਲ ਵੀਡੀਓ ਦੇ ਸਬੰਧ ਵਿੱਚ ਪੁਲਸ ਨੇ ਇੱਕ ਕੇਸ ਦਰਜ ਕੀਤਾ ਹੈ। ਇੱਕ ਅਧਿਕਾਰੀ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਕਿਹਾ ਕਿ ਇਹ ਘਟਨਾ 7 ਅਗਸਤ ਨੂੰ 'ਜ਼ੂਮ' ਰਾਹੀਂ ਆਯੋਜਿਤ ਇੱਕ ਈ-ਚੌਪਾਲ ਸੈਸ਼ਨ ਦੌਰਾਨ ਵਾਪਰੀ। ਮੀਟਿੰਗ ਵਿੱਚ ਜ਼ਿਲ੍ਹਾ ਮੈਜਿਸਟ੍ਰੇਟ ਸੰਤੋਸ਼ ਕੁਮਾਰ ਸ਼ਰਮਾ ਦੇ ਨਾਲ-ਨਾਲ ਮੁੱਢਲੀ ਸਿੱਖਿਆ ਅਧਿਕਾਰੀ, ਬਲਾਕ ਸਿੱਖਿਆ ਅਧਿਕਾਰੀ, ਮੁੱਖ ਅਧਿਆਪਕ, ਸਰਕਾਰੀ ਅਧਿਆਪਕ ਅਤੇ ਆਮ ਲੋਕ ਸ਼ਾਮਲ ਹੋਏ।

ਇਹ ਸੈਸ਼ਨ ਸਕੂਲ ਨਾਲ ਸਬੰਧਤ ਮੁੱਦਿਆਂ 'ਤੇ ਜਨਤਾ ਅਤੇ ਜ਼ਿਲ੍ਹਾ ਮੈਜਿਸਟ੍ਰੇਟ ਵਿਚਕਾਰ ਸਿੱਧੀ ਗੱਲਬਾਤ ਸਥਾਪਤ ਕਰਨ ਲਈ ਆਯੋਜਿਤ ਕੀਤਾ ਗਿਆ ਸੀ। ਮੀਟਿੰਗ ਦੌਰਾਨ, 'ਜੇਸਨ ਜੂਨੀਅਰ' ਨਾਮਕ ਆਈਡੀ ਨਾਲ ਜੁੜੇ ਇੱਕ ਯੂਜ਼ਰ ਨੇ ਆਪਣੀ ਸਕ੍ਰੀਨ ਸਾਂਝੀ ਕੀਤੀ ਅਤੇ ਇੱਕ ਅਸ਼ਲੀਲ ਵੀਡੀਓ ਚਲਾ ਦਿੱਤੀ। ਅਧਿਕਾਰੀਆਂ ਨੇ ਕਿਹਾ ਕਿ 'ਅਰਜੁਨ' ਨਾਮਕ ਵਿਅਕਤੀ ਦੀ ਆਈਡੀ ਨਾਲ ਜੁੜੇ ਇੱਕ ਹੋਰ ਯੂਜ਼ਰ ਨੇ ਕਥਿਤ ਤੌਰ 'ਤੇ ਇਤਰਾਜ਼ਯੋਗ ਟਿੱਪਣੀਆਂ ਕੀਤੀਆਂ। ਇਸ ਦੌਰਾਨ ਮੀਟਿੰਗ ਵਿਚ ਸ਼ਾਮਲ ਹੋਈ ਇਕ ਮਹਿਲਾ ਬੀਐੱਸਏ ਨੇ ਇਸ ਸ਼ਰਮਨਾਕ ਹਰਕਤ ਦੌਰਾਨ ਆਪਣਾ ਮੂੰਹ ਲੁਕੋ ਲਿਆ ਤੇ ਕੁਰਸੀ ਤੋਂ ਹੇਠਾਂ ਹੋ ਗਈ।

ਮੁੱਢਲੀ ਸਿੱਖਿਆ ਅਧਿਕਾਰੀ ਰਿਧੀ ਪਾਂਡੇ ਦੇ ਹੁਕਮਾਂ 'ਤੇ, 9 ਅਗਸਤ ਨੂੰ, ਬਲਾਕ ਸਿੱਖਿਆ ਅਧਿਕਾਰੀ (ਫਰੈਂਡਾ) ਸੁਦਾਮਾ ਪ੍ਰਸਾਦ ਨੇ ਕੋਤਵਾਲੀ ਪੁਲਸ ਸਟੇਸ਼ਨ ਵਿੱਚ ਦੋ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਐੱਫਆਈਆਰ ਦਰਜ ਕਰਵਾਈ। ਸਦਰ ਕੋਤਵਾਲ ਸਤੇਂਦਰ ਰਾਏ ਨੇ ਕਿਹਾ ਕਿ ਸਾਈਬਰ ਪੁਲਸ ਦੀ ਮਦਦ ਨਾਲ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਤਕਨੀਕੀ ਤਰੀਕਿਆਂ ਰਾਹੀਂ ਦੋਸ਼ੀਆਂ ਦੀ ਪਛਾਣ ਕੀਤੀ ਜਾ ਰਹੀ ਹੈ ਅਤੇ ਜਲਦੀ ਹੀ ਕਾਰਵਾਈ ਕੀਤੀ ਜਾਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e