'ਪ੍ਰਲਯ' ਮਿਜ਼ਾਈਲਾਂ ਦਾ ਸਫਲ 'ਸੈਲਵੋ' ਲਾਂਚ, ਦੁਸ਼ਮਣ ਦੇ ਹਰ ਹਮਲੇ ਦਿੱਤਾ ਜਾਵੇਗਾ ਮੂੰਹਤੋੜ ਜਵਾਬ

ਓਡੀਸ਼ਾ- ਭਾਰਤ ਨੇ ਰੱਖਿਆ ਦੇ ਖੇਤਰ 'ਚ ਬੁੱਧਵਾਰ ਨੂੰ ਇਕ ਵੱਡੀ ਅਤੇ ਇਤਿਹਾਸਕ ਸਫਲਤਾ ਹਾਸਲ ਕੀਤੀ ਹੈ। ਰੱਖਿਆ ਖੋਜਅਤੇ ਵਿਕਾਸ ਸੰਗਠਨ (DRDO) ਨੇ ਓਡੀਸ਼ਾ ਦੇ ਤੱਟ 'ਤੇ ਇਕੋ ਲਾਂਚਰ ਤੋਂ ਇਕ ਤੋਂ ਬਾਅਦ ਇਕ ਦੋ ਸਵਦੇਸ਼ੀ 'ਪ੍ਰਲਯ' (Pralay) ਮਿਜ਼ਾਈਲਾਂ ਦਾ ਸਫਲ 'ਸੈਲਵੋ' (Salvo) ਪ੍ਰੀਖਣ ਕੀਤਾ ਹੈ। ਇਸ ਸਫ਼ਲਤਾ ਨਾਲ ਭਾਰਤ ਦੀ ਰੱਖਿਆ ਸਮਰੱਥਾ 'ਚ ਭਾਰੀ ਵਾਧਾ ਹੋਇਆ ਹੈ।

Salvo lunch of two Pralay Missile in quick succession from same launcher were successfully conducted today from ITR, Chandipur. The flight test was conducted as part of User evaluation trials. Both the missiles followed the intended trajectory meeting all flight objectives. pic.twitter.com/QeJYVDhL1l

— DRDO (@DRDO_India) December 31, 2025

ਕੀ ਹੈ 'ਸੈਲਵੋ' ਪ੍ਰੀਖਣ ਅਤੇ ਇਸਦੀ ਅਹਿਮੀਅਤ? 

ਰੱਖਿਆ ਮੰਤਰਾਲੇ ਅਨੁਸਾਰ, 'ਸੈਲਵੋ' ਲਾਂਚ ਦਾ ਮਤਲਬ ਇਕੋ ਸਮੇਂ ਜਾਂ ਬਹੁਤ ਘੱਟ ਸਮੇਂ ਦੇ ਅੰਤਰਾਲ 'ਚ ਇਕ ਤੋਂ ਵੱਧ ਮਿਜ਼ਾਈਲਾਂ ਦਾਗਣਾ ਹੈ। ਬੁੱਧਵਾਰ ਸਵੇਰੇ ਕੀਤੇ ਗਏ ਇਸ ਪ੍ਰੀਖਣ ਦੌਰਾਨ ਦੋਵਾਂ ਮਿਜ਼ਾਈਲਾਂ ਨੇ ਆਪਣੇ ਨਿਰਧਾਰਤ ਮਾਰਗ ਦੀ ਪਾਲਣਾ ਕੀਤੀ ਅਤੇ ਉਡਾਣ ਦੇ ਸਾਰੇ ਉਦੇਸ਼ਾਂ ਨੂੰ ਸਫਲਤਾਪੂਰਵਕ ਪੂਰਾ ਕੀਤਾ। ਚਾਂਦੀਪੁਰ ਸਥਿਤ ਇੰਟੀਗ੍ਰੇਟਿਡ ਟੈਸਟ ਰੇਂਜ ਦੇ ਟ੍ਰੈਕਿੰਗ ਸੈਂਸਰਾਂ ਅਤੇ ਸਮੁੰਦਰ 'ਚ ਤਾਇਨਾਤ ਟੈਲੀਮੈਟਰੀ ਪ੍ਰਣਾਲੀਆਂ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।

'ਪ੍ਰਲਯ' ਮਿਜ਼ਾਈਲ ਦੀਆਂ ਵਿਸ਼ੇਸ਼ਤਾਵਾਂ

ਸਵਦੇਸ਼ੀ ਤਕਨੀਕ: ਇਹ ਭਾਰਤ 'ਚ ਹੀ ਵਿਕਸਿਤ ਕੀਤੀ ਗਈ ਠੋਸ ਬਾਲਣ (Solid fuel) 'ਤੇ ਅਧਾਰਤ ਅਰਧ-ਬੈਲਿਸਟਿਕ (Quasi-ballistic) ਮਿਜ਼ਾਈਲ ਹੈ।
ਸਟੀਕ ਨਿਸ਼ਾਨਾ: ਉੱਚ ਸ਼ੁੱਧਤਾ ਯਕੀਨੀ ਬਣਾਉਣ ਲਈ ਇਸ 'ਚ ਅਤਿ-ਆਧੁਨਿਕ ਮਾਰਗਦਰਸ਼ਨ ਅਤੇ ਨੇਵੀਗੇਸ਼ਨ ਪ੍ਰਣਾਲੀ ਦੀ ਵਰਤੋਂ ਕੀਤੀ ਗਈ ਹੈ।
ਘਾਤਕ ਸਮਰੱਥਾ: ਇਹ ਮਿਜ਼ਾਈਲ ਵੱਖ-ਵੱਖ ਤਰ੍ਹਾਂ ਦੇ ਹਥਿਆਰ (warheads) ਲੈ ਕੇ ਜਾਣ ਦੇ ਸਮਰੱਥ ਹੈ ਅਤੇ ਵੱਖ-ਵੱਖ ਦੁਸ਼ਮਣ ਟੀਚਿਆਂ ਨੂੰ ਤਬਾਹ ਕਰ ਸਕਦੀ ਹੈ।
ਵਿਕਾਸ: ਇਸ ਨੂੰ ਹੈਦਰਾਬਾਦ ਸਥਿਤ ਰਿਸਰਚ ਸੈਂਟਰ ਇਮਾਰਤ (RCI) ਨੇ DRDO ਦੀਆਂ ਹੋਰ ਪ੍ਰਯੋਗਸ਼ਾਲਾਵਾਂ ਅਤੇ ਭਾਰਤ ਡਾਇਨਾਮਿਕਸ ਲਿਮਟਿਡ (BDL) ਤੇ ਭਾਰਤ ਇਲੈਕਟ੍ਰਾਨਿਕਸ ਲਿਮਟਿਡ (BEL) ਵਰਗੇ ਭਾਈਵਾਲਾਂ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਹੈ।

ਰੱਖਿਆ ਮੰਤਰੀ ਅਤੇ DRDO ਵੱਲੋਂ ਵਧਾਈਆਂ 

ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਇਸ ਸਫਲਤਾ 'ਤੇ DRDO, ਭਾਰਤੀ ਹਵਾਈ ਸੈਨਾ ਅਤੇ ਭਾਰਤੀ ਸੈਨਾ ਨੂੰ ਵਧਾਈ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਸ 'ਸੈਲਵੋ' ਪ੍ਰੀਖਣ ਨੇ ਮਿਜ਼ਾਈਲ ਦੀ ਭਰੋਸੇਯੋਗਤਾ ਨੂੰ ਪੂਰੀ ਤਰ੍ਹਾਂ ਸਾਬਤ ਕਰ ਦਿੱਤਾ ਹੈ। DRDO ਦੇ ਚੇਅਰਮੈਨ ਡਾ. ਸਮੀਰ ਵੀ. ਕਾਮਤ ਨੇ ਵੀ ਟੀਮਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਹ ਪ੍ਰਾਪਤੀ ਦਰਸਾਉਂਦੀ ਹੈ ਕਿ ਇਹ ਪ੍ਰਣਾਲੀ ਜਲਦੀ ਹੀ ਫੌਜ ਵਿੱਚ ਸ਼ਾਮਲ ਕੀਤੇ ਜਾਣ ਲਈ ਤਿਆਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e