ਕੀ ਜਨਵਰੀ ਤੱਕ 100 ਰੁਪਏ ਦਾ ਹੋ ਜਾਵੇਗਾ ਡਾਲਰ? ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਇਆ ਮੀਮ

ਨਵੀਂ ਦਿੱਲੀ- ਡਾਲਰ ਦੇ ਮੁਕਾਬਲੇ ਰੁਪਏ ’ਚ ਆ ਰਹੀ ਗਿਰਾਵਟ ਦਰਮਿਆਨ ਬਾਜ਼ਾਰ ਦੇ ਜਾਣਕਾਰ ਹੁਣ ਰੁਪਏ ਦੀ ਕਮਜ਼ੋਰੀ ਦੇ ਮਜ਼ੇ ਲੈ ਰਹੇ ਹਨ। ਇੰਸਟਾਗ੍ਰਾਮ ’ਤੇ ਵਾਇਰਲ ਹੋਏ ਇਕ ਮੀਮ ’ਚ ਜਨਵਰੀ 2026 ਤੱਕ ਇਕ ਡਾਲਰ ਦੀ ਕੀਮਤ 100 ਰੁਪਏ ਹੋਣ ਦੀ ਗੱਲ ਕਹੀ ਗਈ ਹੈ। ਇੰਸਟਾਗ੍ਰਾਮ ’ਤੇ ਵਾਇਰਲ ਹੋਈ ਇਸ ਪੋਸਟ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ 100 ਰੁਪਏ ਦਾ ਨੋਟ ਹੱਥ ’ਚ ਫੜੇ ਵਿਖਾਇਆ ਗਿਆ ਹੈ, ਜਦੋਂ ਕਿ ਇਸ ਦੇ ਨਾਲ ਹੀ ਅਮਰੀਕੀ ਰਾਸ਼ਟਰਪਤੀ ਇਕ ਅਮਰੀਕੀ ਡਾਲਰ ਲੈ ਕੇ ਖੜ੍ਹੇ ਹਨ ਅਤੇ ਦੋਵੇਂ ਆਪਸ ’ਚ ਕਰੰਸੀ ਦਾ ਦੇਣ-ਲੈਣ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਤਸਵੀਰ ’ਚ ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਦੀ ਵੀ ਤਸਵੀਰ ਹੈ ਅਤੇ ਇਸ ਦੇ ਨਾਲ ਹੀ ਲਿਖਿਆ ਗਿਆ ਹੈ ਕਿ ਜਨਵਰੀ ਮਹੀਨੇ ਤੱਕ 1 ਡਾਲਰ ਦੀ ਕੀਮਤ 100 ਰੁਪਏ ਹੋ ਸਕਦੀ ਹੈ ਅਤੇ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਭਾਰਤੀਆਂ ਲਈ ਦਰਾਮਦ ਮਹਿੰਗੀ ਹੋ ਜਾਵੇਗੀ।

ਇਸ ਤਸਵੀਰ ਨੂੰ ਪੋਸਟ ਕਰਨ ਵਾਲੇ ਇੰਸਟਗ੍ਰਾਮ ਅਕਾਊਂਟ ਸ਼ੇਅਰ ਮਾਰਕੀਟ ਮਿੰਤਰਾ ’ਤੇ ਇਸ ਦੇ ਨਾਲ ਹੀ ਲਿਖਿਆ ਗਿਆ ਹੈ ਕਿ ਅੱਜ-ਕੱਲ ਸੋਸ਼ਲ ਮੀਡੀਆ ਦੇ ਜ਼ਮਾਨੇ ’ਚ ਗਲਤ ਜਾਣਕਾਰੀ ਕਿਵੇਂ ਵਾਇਰਲ ਹੁੰਦੀ ਹੈ ਇਹ ਉਸ ਦੀ ਵੰਨਗੀ ਹੈ, ਮੈਂ ਸੋਸ਼ਲ ਮੀਡੀਆ ’ਤੇ ਕਰੰਸੀ ਮਾਰਕੀਟ ਬਾਰੇ ਜਾਣਕਾਰੀ ਹਾਸਲ ਕਰ ਰਿਹਾ ਸੀ ਅਤੇ ਇਹ ਤਸਵੀਰ ਮੇਰੇ ਸਾਹਮਣੇ ਆ ਗਈ। ਹਾਲਾਂਕਿ ਇਹ ਤਸਵੀਰ ਹਾਸੇ-ਮਜ਼ਾਕ ਲਈ ਬਣਾਈ ਗਈ ਲੱਗ ਰਹੀ ਹੈ ਪਰ ਇਕ ਤਸਵੀਰ ਕਿਸ ਤਰ੍ਹਾਂ ਕਰੰਸੀ, ਆਰਥਿਕ ਸਥਿਤੀ ਅਤੇ ਅੰਤਰਰਾਸ਼ਟਰੀ ਸਬੰਧਾਂ ਨੂੰ ਲੈ ਕੇ ਚਰਚਾ ਛੇੜ ਸਕਦੀ ਹੈ, ਇਹ ਇਸ ਦੀ ਸਪੱਸ਼ਟ ਉਦਾਹਰਣ ਹੈ। ਜਦੋਂ ਤਸਵੀਰਾਂ ਰਾਹੀਂ ਸਟੋਰੀ ਟੈਲਿੰਗ ਦੀ ਗੱਲ ਆਉਂਦੀ ਹੈ ਤਾਂ ਕ੍ਰਿਏਟੀਵਿਟੀ ਦੀ ਕੋਈ ਹੱਦ ਨਹੀਂ ਹੈ। ਇਸ ਤਸਵੀਰ ’ਤੇ ਲੋਕ ਖੂਬ ਕੁਮੈਂਟ ਕਰ ਰਹੇ ਹਨ ਅਤੇ ਇਸ ਦੇ ਮਜ਼ੇ ਲੈ ਰਹੇ ਹਨ। ਧਿਆਨਯੋਗ ਹੈ ਕਿ ਇਸ ਸਾਲ ਜਨਵਰੀ ’ਚ ਇਕ ਡਾਲਰ ਦੀ ਕੀਮਤ 85 ਰੁਪਏ ਦੇ ਲਗਭਗ ਸੀ ਅਤੇ ਨਵੰਬਰ ’ਚ 1 ਡਾਲਰ ਕਰੀਬ 90 ਰੁਪਏ ਤੱਕ ਪਹੁੰਚ ਗਿਆ।

ਇਹ ਵੀ ਪੜ੍ਹੋ : ਹਰ ਕਿਸੇ ਲਈ ਸ਼ੁੱਭ ਨਹੀਂ ਹੁੰਦੀ ਚਾਂਦੀ ! ਇਨ੍ਹਾਂ ਰਾਸ਼ੀਆਂ ਵਾਲੇ ਲੋਕਾਂ ਨੂੰ Ignore ਕਰਨੀ ਚਾਹੀਦੀ ਹੈ ਚਾਂਦੀ