ਟਰਕਿਸ਼ ਏਅਰਲਾਈਨਜ਼ ਦੇ ਕੰਮਕਾਜ ''ਚ ਮਿਲੀਆਂ ਸੁਰੱਖਿਆ ਖਾਮੀਆਂ, DGCA ਨੇ ਦਿੱਤੇ ਸਖ਼ਤ ਹੁਕਮ

ਨਵੀਂ ਦਿੱਲੀ: Director General of Civil Aviation (DGCA) ਨੇ ਟਰਕਿਸ਼ ਏਅਰਲਾਈਨਜ਼ ਵੱਲੋਂ ਭਾਰਤ ਵਿੱਚ ਚਲਾਈਆਂ ਜਾ ਰਹੀਆਂ ਯਾਤਰੀ ਅਤੇ ਕਾਰਗੋ ਉਡਾਣਾਂ ਦੌਰਾਨ ਸੁਰੱਖਿਆ ਸਬੰਧੀ ਲਾਪਰਵਾਹੀਆਂ ਨੂੰ ਲੈ ਕੇ ਗੰਭੀਰ ਨੋਟਿਸ ਲਿਆ ਹੈ। DGCA ਨੇ ਏਅਰਲਾਈਨਜ਼ ਨੂੰ ਤੁਰੰਤ ਸਾਰੇ ਨਿਯਮਾਂ ਦੀ ਪਾਲਣਾ ਯਕੀਨੀ ਬਣਾਉਣ ਦੀ ਹਦਾਇਤ ਦਿੱਤੀ ਹੈ। ਇਹ ਜਾਂਚਾਂ 29 ਮਈ ਤੋਂ 2 ਜੂਨ ਤੱਕ ਦਿੱਲੀ, ਹੈਦਰਾਬਾਦ, ਚੇਨਈ ਅਤੇ ਬੈਂਗਲੁਰੂ ਵਿਖੇ ਹੋਈਆਂ। ਇਹ ਜਾਂਚਾਂ ICAO ਦੇ Article 16 ਤਹਿਤ ਹੋਈਆਂ, ਜੋ ਕਿ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਸੁਰੱਖਿਆ ਨਿਯਮਾਂ ਦੀ ਪਾਲਣਾ ਨੂੰ ਜਾਂਚਣ ਲਈ ਕੀਤੀਆਂ ਗਈਆਂ ਸਨ।

ਮੁੱਖ ਖਾਮੀਆਂ:
1. ਮਾਰਸ਼ਲਰ ਦੀ ਅਣਪਾਤਰਤਾ (ਬੈਂਗਲੁਰੂ)
ਬੈਂਗਲੁਰੂ ਵਿਖੇ ਗ੍ਰਾਊਂਡ ਓਪਰੇਸ਼ਨ ਲਈ ਨਿਯੁਕਤ ਮਾਰਸ਼ਲਰ ਕੋਲ ਲਾਜ਼ਮੀ ਯੋਗਤਾ ਕਾਰਡ ਨਹੀਂ ਸੀ। ਇਹ ਲਾਪਰਵਾਹੀ ਹਵਾਈ ਜਹਾਜ਼ਾਂ ਦੀ ਸਹੀ ਦਿਸ਼ਾ ਨਿਰਦੇਸ਼ਨਾ ਲਈ ਜੋਖਮ ਪੈਦਾ ਕਰਦੀ ਹੈ।

2. ਜਹਾਜ਼ ਦੀ ਆਮਦ ਪ੍ਰਕਿਰਿਆ ’ਚ Maintenance Engineer ਦੀ ਗੈਰਮੌਜੂਦਗੀ
ਜਦੋਂ ਇਕ ਜਹਾਜ਼ ਉਤਰਨ ਵਾਲਾ ਸੀ, ਉਥੇ ਲਾਇਸੈਂਸ ਪ੍ਰਾਪਤ Maintenance Engineer ਦੀ ਥਾਂ ਤੇਕਨੀਸ਼ੀਅਨ ਨੇ ਕੰਮ ਕੀਤਾ। ਇਹ DGCA ਨਿਯਮਾਂ ਦੀ ਉਲੰਘਣਾ ਸੀ।

3. ਖਤਰਨਾਕ ਸਮਾਨ ਦੀ ਹਵਾਈ ਆਵਾਜਾਈ 'ਚ ਖਾਮੀਆਂ
ਕਈ ਕਾਰਗੋ ਉਤਪਾਦਾਂ ’ਚ ਅਜਿਹੇ ਪਦਾਰਥ ਸਨ ਜੋ ਕਿ ਧਮਾਕੇਦਾਰ ਸਾਮਾਨ ਕਹੇ ਜਾਂਦੇ ਹਨ। ਇਹਨਾਂ ਨੂੰ ਭਾਰਤ ਦੀ ਹਵਾਈ ਸੀਮਾ ਰਾਹੀਂ ਲਿਜਾਣ ਲਈ ਖਾਸ ਮਨਜ਼ੂਰੀ ਦੀ ਲੋੜ ਹੁੰਦੀ ਹੈ, ਜੋ ਕਿ ਮੌਕੇ 'ਤੇ ਮੌਜੂਦ ਨਹੀਂ ਸੀ।

4. ਗ੍ਰਾਊਂਡ ਹੈਂਡਲਿੰਗ ਸਹਾਇਕਾਂ ਨਾਲ Formal Agreement ਦੀ ਗੈਰਮੌਜੂਦਗੀ (ਹੈਦਰਾਬਾਦ, ਬੈਂਗਲੁਰੂ)
ਟਰਕਿਸ਼ ਏਅਰਲਾਈਨਜ਼ ਨੇ ਆਪਣੇ ਗ੍ਰਾਊਂਡ ਸਹਾਇਕਾਂ ਨਾਲ ਕੋਈ ਲਿਖਤੀ Service Level Agreement (SLA) ਸਾਈਨ ਨਹੀਂ ਕੀਤਾ ਹੋਇਆ ਸੀ। ਉਪਰੰਤ, ਉਪਕਰਣਾਂ ਜਿਵੇਂ ਲੈਡਰ, GPU ਆਦਿ ਦੀ ਪ੍ਰਬੰਧਕੀ ਸਾਫ਼ ਨਹੀਂ ਸੀ।

5. ਸੇਵਾਵਾਂ ਦੀ ਹਵਾਲਗੀ ਸਬੰਦੀ ਖਾਮੀ
ਗ੍ਰਾਊਂਡ ਸੇਵਾਵਾਂ ਪਹਿਲਾਂ Çelebi ਵੱਲੋਂ ਦਿੱਤੀਆਂ ਜਾਂਦੀਆਂ ਸਨ, ਪਰ ਹੁਣ Globe Ground India ਵੱਲੋਂ ਦਿੱਤੀਆਂ ਜਾ ਰਹੀਆਂ ਹਨ, ਪਰ ਕੋਈ ਅਧਿਕਾਰਕ ਹਵਾਲਾ ਨਹੀਂ ਹੋਇਆ।

DGCA ਦੇ ਹੁਕਮ ਅਤੇ ਅੱਗੇ ਦੇ ਕਦਮ:
DGCA ਨੇ ਟਰਕਿਸ਼ ਏਅਰਲਾਈਨਜ਼ ਨੂੰ ਸਖ਼ਤ ਚੇਤਾਵਨੀ ਦਿੰਦਿਆਂ ਆਦੇਸ਼ ਦਿੱਤੇ ਹਨ ਕਿ:

ਹਰੇਕ ਸਟੇਸ਼ਨ ’ਤੇ ਮਾਰਸ਼ਲਰ ਕੋਲ ਯੋਗਤਾ ਕਾਰਡ ਹੋਣਾ ਲਾਜ਼ਮੀ ਬਣਾਇਆ ਜਾਵੇ।

ਸਾਰੇ ਆਮਦ ਜਾਂ ਰੂਟੀਨ Maintenance ਲਈ ਲਾਇਸੈਂਸ ਪ੍ਰਾਪਤ AME ਹਾਜ਼ਰ ਹੋਣ।

ਖਤਰਨਾਕ ਸਮਾਨ ਦੇ ਸਾਰੇ ਦਸਤਾਵੇਜ਼ ਸਹੀ ਤਰੀਕੇ ਨਾਲ ਦਰਜ ਹੋਣ।

ਗ੍ਰਾਊਂਡ ਹੈਂਡਲਿੰਗ ਸਹਾਇਕਾਂ ਨਾਲ ਲਿਖਤੀ SLA ਹੋਣ ਅਤੇ ਉਪਕਰਣਾਂ ਦੀ ਪੁਰੀ ਜ਼ਿੰਮੇਵਾਰੀ ਦਰਜ ਹੋਵੇ।

ਜੇਕਰ ਇਹ ਖਾਮੀਆਂ ਤੁਰੰਤ ਠੀਕ ਨਾ ਕੀਤੀਆਂ ਗਈਆਂ, ਤਾਂ ਟਰਕਿਸ਼ ਏਅਰਲਾਈਨਜ਼ ਉੱਤੇ ਵਧੇਰੇ ਕਾਨੂੰਨੀ ਪਾਬੰਦੀਆਂ ਲੱਗ ਸਕਦੀਆਂ ਹਨ, ਜਿਸ ਵਿੱਚ ਉਡਾਣਾਂ ਉੱਤੇ ਰੋਕ ਵੀ ਸ਼ਾਮਲ ਹੋ ਸਕਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e