ਲਾਈਸੈਂਸ 6 ਦਾ ਤੇ ਬਣਾ''ਤੇ 25 ਕਮਰੇ! ਮਾਲਵੀ ਨਗਰ ਦਾ ਹੋਟਲ ਬਣਿਆਂ 21 ਲੋਕਾਂ ਦੀ ਮੌਤ ਦਾ ਕਾਰਨ

ਨਵੀਂ ਦਿੱਲੀ : ਦਿੱਲੀ ਦੇ ਮਾਲਵੀ ਨਗਰ ਇਲਾਕੇ 'ਚ ਸਥਿਤ ਇੱਕ ਮਸ਼ਹੂਰ ਹੋਟਲ 'ਚ ਬੁੱਧਵਾਰ ਸਵੇਰੇ ਅਚਾਨਕ ਭਿਆਨਕ ਅੱਗ ਲੱਗ ਗਈ, ਜਿਸ ਕਾਰਨ ਘੱਟੋ-ਘੱਟ 21 ਲੋਕਾਂ ਦੀ ਦਰਦਨਾਕ ਮੌਤ ਹੋ ਗਈ। ਮਰਨ ਵਾਲਿਆਂ ਵਿੱਚ ਜ਼ਿਆਦਾਤਰ ਵਿਦੇਸ਼ੀ ਨਾਗਰਿਕ ਸ਼ਾਮਲ ਹਨ। ਇਸ ਹਾਦਸੇ ਵਿੱਚ ਕਈ ਹੋਰ ਲੋਕ ਗੰਭੀਰ ਰੂਪ ਵਿੱਚ ਝੁਲਸ ਗਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਏਮਜ਼ (AIIMS) ਟਰਾਮਾ ਸੈਂਟਰ ਅਤੇ ਸਾਕਤ ਦੇ ਮੈਕਸ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ, ਜਿੱਥੇ ਕੁੱਝ ਦੀ ਹਾਲਤ ਬਹੁਤ ਨਾਜ਼ੁਕ ਬਣੀ ਹੋਈ ਹੈ।

#WATCH | Malviya Nagar fire | Delhi: A Congo national whose family members died in an incident, says, "...they say my sister is dead..." pic.twitter.com/maSjF5LmTA

— ANI (@ANI) June 3, 2026

ਨਿਯਮਾਂ ਦੀਆਂ ਉਡਾਈਆਂ ਗਈਆਂ ਧੱਜੀਆਂ
ਸ਼ੁਰੂਆਤੀ ਜਾਂਚ ਵਿੱਚ ਇਹ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ ਕਿ 'ਫਲੋਰਿਸ਼ ਸਟੇ' (Flourish Stay) ਨਾਮਕ ਇਸ ਪ੍ਰਾਪਰਟੀ ਨੂੰ ਦਿੱਲੀ ਸਰਕਾਰ ਦੀ 'ਬੈੱਡ ਐਂਡ ਬ੍ਰੇਕਫਾਸਟ' (B&B) ਨੀਤੀ ਤਹਿਤ ਸਿਰਫ 6 ਕਮਰੇ ਚਲਾਉਣ ਦਾ ਲਾਇਸੈਂਸ ਮਿਲਿਆ ਸੀ। ਪਰ ਲਾਲਚ ਦੇ ਕਾਰਨ, ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਇੱਥੇ ਬੇਸਮੈਂਟ ਸਮੇਤ ਕੁੱਲ 25 ਕਮਰੇ ਬਣਾ ਦਿੱਤੇ ਗਏ ਸਨ। ਸਭ ਤੋਂ ਗੰਭੀਰ ਗੱਲ ਇਹ ਹੈ ਕਿ ਇਸ ਹੋਟਲ ਕੋਲ ਵਪਾਰਕ ਵਰਤੋਂ ਲਈ ਸਭ ਤੋਂ ਜ਼ਰੂਰੀ 'ਫਾਇਰ ਨੋ ਆਬਜੈਕਸ਼ਨ ਸਰਟੀਫਿਕੇਟ' (Fire NOC) ਵੀ ਨਹੀਂ ਸੀ।

Another Video: #Delhi Lemon Green Restaurant Fire Tragedy
A major fire broke out this morning at a restaurant in Malviya Nagar. 20 people have died and several others are injured. Firefighters rescued 37 from the basement of an unauthorized hotel where the blaze originated. Fire… pic.twitter.com/48VPv7vbAt

— Siraj Noorani (@sirajnoorani) June 3, 2026

ਮੌਤ ਦਾ ਜਾਲ ਬਣੀ ਇਮਾਰਤ
ਜਿਸ ਸਮੇਂ ਅੱਗ ਲੱਗੀ, ਉਸ ਵੇਲੇ ਤੰਗ ਗਲੀ 'ਚ ਬਣੀ ਇਸ ਇਮਾਰਤ ਦੇ ਅੰਦਰ 40 ਤੋਂ ਵੱਧ ਲੋਕ ਮੌਜੂਦ ਸਨ। ਬਿਨਾਂ ਕਿਸੇ ਫਾਇਰ ਸੇਫਟੀ ਦੇ ਇੰਤਜ਼ਾਮਾਂ ਦੇ ਚੱਲ ਰਿਹਾ ਇਹ ਹੋਟਲ ਮਿੰਟਾਂ 'ਚ ਹੀ ਲੋਕਾਂ ਲਈ 'ਮੌਤ ਦਾ ਖੂਹ' ਬਣ ਗਿਆ। ਅੱਗ ਲੱਗਣ ਦੀ ਸੂਚਨਾ ਸਵੇਰੇ ਕਰੀਬ 8:48 ਵਜੇ ਮਿਲੀ, ਜਿਸ ਤੋਂ ਬਾਅਦ ਦਮਕਲ ਦੀਆਂ 8 ਗੱਡੀਆਂ ਨੇ ਘੰਟਿਆਂ ਦੀ ਮੁਸ਼ੱਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾਇਆ। ਸਥਾਨਕ ਪੁਲਸ ਅਤੇ ਫਾਇਰ ਸਰਵਿਸ ਦੀਆਂ ਟੀਮਾਂ ਨੇ ਆਪਸੀ ਤਾਲਮੇਲ ਨਾਲ ਕਈ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਕੇ ਹਸਪਤਾਲ ਪਹੁੰਚਾਇਆ। ਇਸ ਘਟਨਾ ਨੇ ਸੁਰੱਖਿਆ ਨਿਯਮਾਂ ਦੀ ਹੋ ਰਹੀ ਅਣਦੇਖੀ ਅਤੇ ਨਜਾਇਜ਼ ਉਸਾਰੀਆਂ 'ਤੇ ਵੱਡੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।

Horrifying visuals from the massive fire at Flourish Stay B&B in Malviya Nagar, Delhi, today. Nearly two dozen people killed, mostly foreigners. Authorities say the death toll could rise. The victims are mostly patients at nearby Max hospital.

The illegal structure had 24 rooms… pic.twitter.com/B9gpHUa7Sf

— Murukesh Krishnan (@MURUKESHK) June 3, 2026

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e