ਦਿੱਲੀ ਇਮਾਰਤ ਹਾਦਸਾ : ਫਰਾਰ ਪੀਜੀ ਸੰਚਾਲਕ ਸ਼ੁਭਮ ਤਿਆਗੀ ਨੇ ਕੋਰਟ ''ਚ ਕੀਤਾ ਸਰੰਡਰ

ਨਵੀਂ ਦਿੱਲੀ (ਏਜੰਸੀ)- ਦੱਖਣ ਪੱਛਮੀ ਦਿੱਲੀ ਦੇ ਸਤਿਆ ਨਿਕੇਤਨ ਇਲਾਕੇ 'ਚ ਇਮਾਰਤ ਢਹਿਣ ਦੇ ਮਾਮਲੇ 'ਚ ਫਰਾਰ ਦੋਸ਼ੀ ਅਤੇ ਪੀਜੀ ਸੰਚਾਲਕ ਸ਼ੁਭਮ ਤਿਆਗੀ ਨੇ ਸ਼ੁੱਕਰਵਾਰ ਨੂੰ ਪਟਿਆਲਾ ਹਾਊਸ ਅਦਾਲਤ ਦੇ ਸਾਹਮਣੇ ਸਰੰਡਰ ਕਰ ਦਿੱਤਾ। ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ। ਇਮਾਰਤ ਢਹਿਣ ਦੀ ਘਟਨਾ 'ਚ 5 ਵਿਦਿਆਰਥੀਆਂ ਸਮੇਤ 7 ਲੋਕਾਂ ਦੀ ਮੌਤ ਹੋ ਗਈ ਸੀ। ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਲਸ ਨੇ 5 ਮੰਜ਼ਿਲਾ ਇਮਾਰਤ ਢਹਿਣ ਦੀਆਂ ਸਥਿਤੀਆਂ ਬਾਰੇ ਪੁੱਛ-ਗਿੱਛ ਅਤੇ ਅੱਗੇ ਦੀ ਜਾਂਚ ਲਈ ਤਿਆਗੀ ਨੂੰ 2 ਦਿਨਾਂ ਲਈ ਹਿਰਾਸਤ 'ਚ ਦਿੱਤੇ ਜਾਣ ਦੀ ਮੰਗ ਕੀਤੀ ਹੈ।

ਪੁਲਸ ਅਨੁਸਾਰ, ਤਿਆਗੀ ਦੱਖਣ ਪੱਛਮੀ ਦਿੱਲੀ ਦੀ ਇਮਾਰਤ 'ਚ 'ਪੇਇੰਗ ਗੈਸਟ' (ਪੀਜੀ) ਰਿਹਾਇਸ਼ ਚਲਾ ਰਿਹਾ ਸੀ ਅਤੇ ਉਸ ਨੇ ਇਸ ਦੇ ਮਾਲਕ ਤੋਂ ਜਾਇਦਾਦ ਦੀ ਇਕ ਮੰਜ਼ਿਲ ਕਿਰਾਏ 'ਤੇ ਲਈ ਸੀ। ਘਟਨਾ ਦੇ ਬਾਅਦ ਤੋਂ ਉਹ ਫਰਾਰ ਸੀ ਅਤੇ ਪੁਲਸ ਟੀਮ ਉਸ ਦੀ ਭਾਲ ਲਈ ਕਈ ਥਾਵਾਂ 'ਤੇ ਛਾਪੇਮਾਰੀ ਕਰ ਰਹੀ ਸੀ। ਇਸ ਤੋਂ ਪਹਿਲਾਂ, ਪੁਲਸ ਨੇ ਪੀਜੀ ਸੰਚਾਲਨ 'ਚ ਸ਼ਾਮਲ ਸੁਧਾਂਸ਼ੂ ਲਵਨੀਸ਼ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਸੀ।

ਪੁਲਸ ਨੇ ਕਿਹਾ ਕਿ ਲਵਨੀਸ਼ ਦਾ ਫੋਨ ਫੋਰੈਂਸਿਕ ਜਾਂਚ ਲਈ ਭੇਜਿਆ ਗਿਆ ਹੈ। ਦਿੱਲੀ ਯੂਨੀਵਰਸਿਟੀ ਦੇ ਦੱਖਣ ਕੰਪਲੈਕਸ ਕੋਲ ਸਤਿਆ ਨਿਕੇਤਨ ਸਥਿਤ ਇਮਾਰਤ ਐਤਵਾਰ ਨੂੰ ਉਸ ਸਮੇਂ ਢਹਿ ਗਈ, ਜਦੋਂ ਮੁਰੰਮਤ ਅਤੇ ਵਿਸਥਾਰ ਦਾ ਕੰਮ ਚੱਲ ਰਿਹਾ ਸੀ। ਇਸ ਤੋਂ ਪਹਿਲਾਂ, ਪੁਲਸ ਨੇ ਇਮਾਰਤ ਦੀ ਮਾਲਕਣ ਉਰਮਿਲਾ ਗੁਪਤਾ (75), ਉਸ ਦੇ ਪਤੀ ਹਰਿਰਾਮ ਗੁਪਤਾ (81) ਅਤੇ ਬੇਟੇ ਮਹੇਸ਼ ਦੇ ਨਾਲ-ਨਾਲ ਮਜ਼ਦੂਰ ਠੇਕੇਦਾਰ ਸਨੋਜ ਕੁਮਾਰ ਅਤੇ ਪੇਇੰਗ ਗੈਸਟ ਰਿਹਾਇਸ਼ ਸੰਚਾਲਕ ਲਵਨੀਸ਼ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e