ਕੋਰਟ ਨੇ ਪੁੱਛਿਆ- ਮੱਖਣ ਚੋਰੀ ਬਾਲ ਲੀਲਾ ਤਾਂ ਮਠਿਆਈ ਚੋਰੀ ਅਪਰਾਧ ਕਿਵੇਂ? ਜਾਣੋ ਕੀ ਹੈ ਪੂਰਾ ਮਾਮਲਾ

ਬਿਹਾਰ- ਨਾਨਕੇ ਆਏ 15 ਸਾਲਾ ਮੁੰਡੇ ਵਿਰੁੱਧ ਮਠਿਆਈ ਅਤੇ ਮੋਬਾਇਲ ਚੋਰੀ ਮਾਮਲੇ ’ਚ ਸੁਣਵਾਈ ਕਰਦੇ ਹੋਏ ਕੋਰਟ ਨੇ ਮੁੰਡੇ ਨੂੰ ਰਿਹਾਅ ਕਰ ਦਿੱਤਾ। ਮੁੰਡੇ ਦੀ ਦਰਦ ਭਰੀ ਕਹਾਣੀ ਸੁਣ ਕੇ ਜੱਜ ਨੇ ਨਾ ਸਿਰਫ਼ ਰਿਹਾਈ ਦਿੱਤੀ ਸਗੋਂ ਆਰਾ ਦੀ ਜ਼ਿਲ੍ਹਾ ਬਾਲ ਸੁਰੱਖਿਆ ਇਕਾਈ ਨੂੰ ਬੱਚੇ ਦਾ ਉੱਚਿਤ ਮੁਲਾਂਕਣ ਕਰਦੇ ਹੋਏ ਦੇਖਭਾਲ ਯੋਜਨਾ ਤੋਂ ਲਾਭ ਦਿਵਾ ਕੇ ਅਪਰਾਧ ਤੋਂ ਰੋਕਣ ਦਾ ਨਿਰਦੇਸ਼ ਦਿੱਤਾ ਹੈ। ਸਿਰਫ਼ 15 ਦਿਨਾਂ ’ਚ ਇਸ ਮਾਮਲੇ ਦੀ ਸੁਣਵਾਈ ਪੂਰੀ ਕੀਤੀ ਗਈ। ਮਠਿਆਈ ਚੋਰੀ ’ਤੇ ਜੱਜ ਨੇ ਕਿਹਾ,‘‘ਮਾਖਨ ਚੋਰੀ ਬਾਲ ਲੀਲਾ ਤਾਂ ਮਠਿਆਈ ਚੋਰੀ ਅਪਰਾਧ ਕਿਵੇਂ ਹੈ। ਮਾਮਲੇ ਦੀ ਐੱਫ.ਆਈ.ਆਰ. ਕਰਨ ਵਾਲੇ ਹਰਨੌਤ ਬਲਾਕ ਦੇ ਚੇਰੋ ਥਾਣਾ ਮੁਖੀ ਨੂੰ ਚਿਤਾਉਂਦੇ ਹੋਏ ਜੱਜ ਨੇ ਕਿਹਾ ਕਿ ਛੋਟੇ-ਮੋਟੇ ਅਪਰਾਧ ’ਚ ਮੁੰਡੇ ਵਿਰੁੱਧ ਐੱਫ.ਆਈ.ਆਰ. ਦਰਜ ਕਰਨ ਤੋਂ ਬਚਣ। ਉਸ ਨੂੰ ਸਮਾਜ ਦੀ ਮੁੱਖ ਧਾਰਾ ’ਚ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਜਾਣੀ ਚਾਹੀਦੀ ਹੈ। ਉੱਥੇ ਹੀ ਉਨ੍ਹਾਂ ਨੇ ਮਾਮਲੇ ਦਰਜ ਕਰਵਾਉਣ ਵਾਲੀ ਜਨਾਨੀ ਨੂੰ ਵੀ ਬੱਚਿਆਂ ਪ੍ਰਤੀ ਸਹਿਣਸ਼ੀਲ ਬਣਨ ਦੀ ਨਸੀਹਤ ਦਿੱਤੀ।

ਇਹ ਵੀ ਪੜ੍ਹੋ : ਚੈਟਿੰਗ ਕਰਨ ਤੋਂ ਰੋਕਣ ’ਤੇ ਗੁੱਸੇ ’ਚ ਆਈ ਪਤਨੀ ਨੇ ਪਤੀ ਦੇ ਤੋੜ ਦਿੱਤੇ ਦੰਦ

ਜੱਜ ਨੇ ਕਿਹਾ ਕਿ ਜੇਕਰ ਉਸ ਦਾ ਆਪਣਾ ਪੁੱਤ ਮਠਿਆਈ, ਮੋਬਾਇਲ ਜਾਂ ਪੈਸੇ ਚੋਰੀ ਕਰਦੇ ਤਾਂ ਕੀ ਉਹ ਉਸ ਨੂੰ ਪੁਲਸ ਨੂੰ ਸੌਂਪ ਦਿੰਦੀ ਜਾਂ ਉਸ ਨੂੰ ਸਮਝਾਉਂਦੀ। ਦੋਸ਼ੀ ਮੁੰਡਾ ਭੋਜਪੁਰ ਜ਼ਿਲ੍ਹੇ ਦੇ ਆਰਾ ਦਾ ਰਹਿਣ ਵਾਲਾ ਹੈ। ਘਟਨਾ ਦੇ ਸਮੇਂ ਉਹ ਆਪਣੇ ਪੇਕੇ ਹਰਨੌਤ ਖੇਤਰ ਦੇ ਇਕ ਪਿੰਡ ਆਇਆ ਹੋਇਆ ਸੀ। ਵੀਰਵਾਰ ਨੂੰ ਕਿਸ਼ੋਰ ਨਿਆਂ ਪ੍ਰੀਸ਼ਦ ਦੇ ਪ੍ਰਧਾਨ ਅਧਿਕਾਰੀ ਮਾਨਵੇਂਦਰ ਮਿਸ਼ਰ ਨੇ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਮੁੰਡੇ ਤੋਂ ਪੂਰੇ ਮਾਮਲੇ ਦੀ ਪੁੱਛ-ਗਿੱਛ ਕੀਤੀ। ਇਸ ਦੌਰਾਨ ਮੁੰਡਾ ਕਾਫ਼ੀ ਡਰਿਆ ਅਤੇ ਸਹਿਮਿਆ ਹੋਇਆ ਸੀ। ਜਦੋਂ ਉਸ ਨੂੰ ਸਮਝਾਇਆ ਗਿਆ ਤਾਂ ਉਹ ਰੋਣ ਲੱਗਾ। ਰੋਂਦੇ ਹੋਏ ਉਸ ਨੇ ਆਪਣੇ ਪਰਿਵਾਰ ਦੀ ਸਥਿਤੀ ਬਾਰੇ ਦੱਸਿਆ। ਮੁੰਡੇ ਦੇ ਐਡਵੋਕੇਟ ਕੰਚਨ ਕੁਮਾਰ ਅਨੁਸਾਰ ਤਾਂ ਮੁੰਡੇ ਦੇ ਪਿਤਾ ਰੋਗ ਪੀੜਤ ਹਨ। ਉੱਥੇ ਹੀ ਮਾਂ ਮਾਨਸਿਕ ਰੂਪ ਨਾਲ ਪਰੇਸ਼ਾਨ ਹੈ। ਪਰਿਵਾਰ ’ਚ ਆਮਦਨੀ ਦਾ ਕੋਈ ਸਾਧਨ ਨਹੀਂ ਹੈ। ਘਟਨਾ ਦੇ ਸਮੇਂ ਉਹ ਆਪਣੇ ਨਾਨਕੇ ਸੀ।

ਇਹ ਵੀ ਪੜ੍ਹੋ : ਹਿਮਾਚਲ ਪ੍ਰਦੇਸ਼ ਦੇ ਕਾਜ਼ਾ ’ਚ ਸ਼ੁਰੂ ਹੋਇਆ ਦੁਨੀਆ ਦਾ ਸਭ ਤੋਂ ਉੱਚਾ ਇਲੈਕਟ੍ਰਿਕ ਵਾਹਨ ਚਾਰਜਿੰਗ ਸਟੇਸ਼ਨ

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ ’ਚ ਦਿਓ ਜਵਾਬ