ਸਮਾਰਟਫੋਨ, ਕਰੰਸੀ ਨੋਟਾਂ ਤੋਂ ਕੋਰੋਨਾ ਦਾ ਸਭ ਤੋਂ ਵੱਡਾ ਖ਼ਤਰਾ, ਇੰਨੇ ਦਿਨਾਂ ਤੱਕ ਰਹਿ ਸਕਦੈ ਜ਼ਿੰਦਾ

ਨਵੀਂ ਦਿੱਲੀ : ਕੋਰੋਨਾ ਵਾਇਰਸ ਨੂੰ ਲੈ ਕੇ ਲਗਾਤਾਰ ਕੀਤੇ ਜਾ ਰਹੇ ਰਿਸਰਚ ਤੋਂ ਇਸ ਦੇ ਇਨਫੈਕਸ਼ਨ ਨੂੰ ਲੈ ਕੇ ਨਵੀਆਂ-ਨਵੀਆਂ ਜਾਣਕਾਰੀਆਂ ਸਾਹਮਣੇ ਆ ਰਹੀਆਂ ਹਨ। ਆਸਟਰੇਲਿਆ ਦੇ ਰਾਸ਼ਟਰੀ ਵਿਗਿਆਨ ਏਜੰਸੀ ਦੇ ਇੱਕ ਲੈਬ 'ਚ ਹੋਏ ਇੱਕ ਜਾਂਚ ਦੀ ਮੰਨੀਏ ਤਾਂ ਜਾਨਲੇਵਾ ਨੋਵਲ ਕੋਰੋਨਾ ਵਾਇਰਸ ਬੈਂਕ ਕਰੰਸੀ, ਸਮਾਰਟਫੋਨ ਦੇ ਗਲਾਸ ਅਤੇ ਸਟੇਨਲੇਸ ਸਟੀਲ 'ਤੇ ਕੁਲ 28 ਦਿਨਾਂ ਤੱਕ ਜ਼ਿੰਦਾ ਰਹਿ ਸਕਦਾ ਹੈ।

ਆਸਟਰੇਲੀਅਨ ਸੈਂਟਰ ਫਾਰ ਡਿਜੀਜ ਪ੍ਰਿਪੇਅਰਡਨੇਸ (ਏ.ਸੀ.ਡੀ.ਪੀ.) 'ਚ ਹੋਏ ਜਾਂਚ 'ਚ ਪਾਇਆ ਗਿਆ ਕਿ ਸਾਰਸ-ਸੀ.ਓ.ਵੀ.-2 ਘੱਟ ਤਾਪਮਾਨ ਅਤੇ ਚਿਕਨੀ ਸਤਹ ਜਿਵੇਂ ਸ਼ੀਸ਼ਾ, ਸਟੇਨਲੇਸ ਸਟੀਲ, ਪਲਾਸਟਿਕ ਦੀ ਸ਼ੀਟ ਆਦਿ 'ਤੇ ਲੰਬੇ ਸਮੇਂ ਤੱਕ ਜ਼ਿੰਦਾ ਰਹਿੰਦਾ ਹੈ। ਆਸਟਰੇਲੀਆ ਦੀ ਰਾਸ਼ਟਰੀ ਵਿਗਿਆਨ ਏਜੰਸੀ ਸੀ.ਐੱਸ.ਆਈ.ਆਰ.ਓ. 'ਚ ਖੋਜਕਾਰਾਂ ਨੇ ਇਹ ਵੀ ਪਾਇਆ ਕਿ ਪਲਾਸਟਿਕ ਦੇ ਬੈਂਕ ਨੋਟ ਦੇ ਮੁਕਾਬਲੇ ਕਾਗਜ ਦੀ ਕਰੰਸੀ ਨੋਟ 'ਤੇ ਕੋਰੋਨਾ ਵਾਇਰਸ ਜ਼ਿਆਦਾ ਸਮੇਂ ਤੱਕ ਮੌਜੂਦ ਰਹਿੰਦਾ ਹੈ।

ਸੀ.ਐੱਸ.ਆਈ.ਆਰ.ਓ. ਦੇ ਮੁੱਖ ਕਾਰਜਕਾਰੀ ਲੈਰੀ ਮਾਰਸ਼ਲ ਨੇ ਕਿਹਾ, “ਕਿਸੇ ਸਤਹ 'ਤੇ ਵਾਇਰਸ ਕਿੰਨੇ ਲੰਬੇ ਸਮੇਂ ਤੱਕ ਬਣਿਆ ਰਹਿੰਦਾ ਹੈ ਇਹ ਪੀੜਚ ਹੋ ਜਾਣ ਨਾਲ ਅਸੀਂ ਇਸਦੇ ਫੈਲਾਅ ਅਤੇ ਰੋਕਥਾਮ ਨੂੰ ਲੈ ਕੇ ਜ਼ਿਆਦਾ ਸਟੀਕ ਭਵਿੱਖਬਾਣੀ ਕਰ ਸਕਾਂਗੇ ਅਤੇ ਲੋਕਾਂ ਨੂੰ ਬਚਾਉਣ ਦਾ ਕੰਮ ਬਿਹਤਰ ਤਰੀਕੇ ਨਾਲ ਕਰਾਂਗੇ।”