ਕਾਰਗਿਲ ਦਿਵਸ: ਮੁੱਖ ਮੰਤਰੀ ਯੋਗੀ ਨੇ ਸ਼ਹੀਦਾਂ ਨੂੰ ਦਿੱਤੀ ਸ਼ਰਧਾਂਜਲੀ
Wednesday, Jul 26, 2017 - 01:01 PM (IST)
ਨਵੀਂ ਦਿੱਲੀ/ਲਖਨਊ— ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ 'ਚ ਮੁੱਖ ਮੰਤਰੀ ਯੋਗੀ ਆਦਿੱਤਿਯਨਾਥ ਅਤੇ ਰਾਜਪਾਲ ਰਾਮਨਾਈ ਨੇ ਕਾਰਗਿਲ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਇਸ ਦੌਰਾਨ ਮੁੱਖ ਮੰਤਰੀ ਯੋਗੀ ਨੇ ਸ਼ਹੀਦ ਦੇ ਪਰਿਵਾਰ ਵਾਲਿਆਂ, ਸਾਬਕਾ ਫੌਜੀਆਂ, ਵੀਰ ਨਾਰੀਆਂ ਨੂੰ ਸਨਮਾਨਤ ਕੀਤਾ।
26 July 1999 ko sena ne Pak ko peeche hatne pe majboor kiya tha. Pak ko bhay ho gaya tha ki 1971 mein uske 2 tukde kiye theyy: UP CM pic.twitter.com/SozHtzhQ37
— ANI UP (@ANINewsUP) July 26, 2017
Kahin uske 3 tukde na ho jaayein isliye wo gidgidata hua America ke paas gaya: UP CM Yogi Adityanath pic.twitter.com/TgbzgUEHI6
— ANI UP (@ANINewsUP) July 26, 2017
ਜਾਣਕਾਰੀ ਅਨੁਸਾਰ ਮੁੱਖ ਮੰਤਰੀ ਯੋਗੀ ਨੇ ਕਿਹਾ ਕਿ ਲਖਨਊ ਦੇ ਸੈਨਿਕ ਸਕੂਲ ਦਾ ਨਾਂ ਕੈਪਟਨ ਮਨੋਜ ਪਾਂਡੇ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਸਾਡਾ ਇਕ ਧਰਮ ਹੋਣਾ ਚਾਹੀਦਾ, ਉਹ ਰਾਸ਼ਟਰ ਧਰਮ ਹੈ। ਮੁੱਖ ਮੰਤਰੀ ਨੇ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਕਾਰਗਿਲ ਦੇ ਜਵਾਨਾਂ ਦੇ ਘਰ ਤੱਕ ਪੁੱਜਣ ਦਾ ਕੰਮ ਭਾਰਤ ਸਰਕਾਰ ਨੇ ਕੀਤਾ।
ਮੁੱਖ ਮੰਤਰੀ ਨੇ ਕਿਹਾ ਕਿ ਜੇਕਰ ਇਸ ਵਾਰ ਭਾਰਤ ਨਾਲ ਜੰਗ ਹੋਈ ਤਾਂ ਪਾਕਿਸਤਾਨ ਦੇ ਤਿੰਨ ਟੁੱਕੜੇ ਹੋ ਜਾਣਗੇ। ਉਨ੍ਹਾਂ ਨੇ ਕਿਹਾ ਕਿ 26 ਜੁਲਾਈ 1999 ਨੂੰ ਫੌਜ ਨੇ ਪਾਕਿਸਤਾਨ ਨੂੰ ਪਿੱਛੇ ਹੱਟਣ ਨੂੰ ਮਜ਼ਬੂਰ ਕੀਤਾ ਸੀ। ਪਾਕਿਸਤਾਨ ਨੂੰ ਡਰ ਹੋ ਗਿਆ ਸੀ ਕਿ 1971 'ਚ ਉਸ ਦੇ 2 ਟੁੱਕੜੇ ਕੀਤੇ ਸਨ। ਨਾਲ ਹੀ ਮੁੱਖ ਮੰਤਰੀ ਨੇ ਕਿਹਾ ਕਿ ਕਿਤੇ ਪਾਕਿਸਤਾਨ ਦੇ ਤਿੰਨ ਟੁੱਕੜੇ ਨਾ ਹੋ ਜਾਣ, ਇਸ ਲਈ ਉਹ ਗਿੜਗਿੜਾਉਂਦੇ ਹੋਏ ਅਮਰੀਕਾ ਕੋਲ ਗਿਆ ਸੀ।