ਗਲੋਬਲ ਇਨਵੈਸਟਰ ਮੀਟ ਲਈ ਦੁਬਈ ਪਹੁੰਚੇ ਹਿਮਾਚਲ ਦੇ CM ਜੈਰਾਮ ਠਾਕੁਰ

ਸ਼ਿਮਲਾ—ਗਲੋਬਲ ਇਨਵੈਸਟਰ ਮੀਟ ਲਈ ਹਿਮਾਚਲ ਦੇ ਮੁੱਖ ਮੰਤਰੀ ਜੈਰਾਮ ਠਾਕੁਰ ਦੁਬਈ ਪਹੁੰਚ ਗਏ ਹਨ। ਉਨ੍ਹਾਂ ਦਾ ਇੱਥੇ 3 ਦਿਨਾਂ ਤੱਕ ਰੋਡ ਸ਼ੋਅ ਦਾ ਪ੍ਰੋਗਰਾਮ ਹੈ। ਇਸ ਦੌਰਾਨ ਉਹ ਇੱਥੇ ਉਦਯੋਗਪਤੀਆਂ ਨਾਲ ਮਿਲ ਕੇ ਸੂਬੇ 'ਚ ਨਿਵੇਸ਼ ਲਈ ਸੱਦਾ ਦੇਣਗੇ। ਨਿਵੇਸ਼ਕਾਂ ਨਾਲ ਵਨ-ਟੂ-ਵਨ ਮੀਟਿੰਗ ਕਰਕੇ ਉਨ੍ਹਾਂ ਨੂੰ ਸੂਬੇ 'ਚ ਨਿਵੇਸ਼ ਲਈ ਸਰਕਾਰ ਵੱਲੋਂ ਦਿੱਤੀ ਜਾਣ ਵਾਲੀ ਸਹਾਇਤਾ ਅਤੇ ਪਾਲਿਸੀ ਬਾਰੇ ਪੂਰੀ ਜਾਣਕਾਰੀ ਦੇਣਗੇ।

ਮੁੱਖ ਮੰਤਰੀ 26 ਜੂਨ ਨੂੰ ਵਿਦੇਸ਼ ਦੌਰੇ ਤੋਂ ਵਾਪਸ ਆਉਣਗੇ ਅਤੇ ਮੁੰਬਈ 'ਚ ਰੋਡ ਸ਼ੋਅ ਕਰਨਗੇ। ਇਸ ਦੌਰਾਨ ਉਨ੍ਹਾਂ ਦੀ ਇੱਥੇ ਵੀ ਉਦਯੋਗਪਤੀਆਂ ਨਾਲ ਬੈਠਕ ਹੋਵੇਗੀ। ਇਸ 'ਚ ਉਹ ਨਿਵੇਸ਼ਕਾਂ ਨੂੰ ਨਵੰਬਰ 'ਚ ਪ੍ਰਸਤਾਵਿਤ ਗਲੋਬਲ ਇਨਵੈਸਟਰ ਮੀਟ 'ਚ ਭਾਗ ਲੈਣ ਅਤੇ ਨਿਵੇਸ਼ ਲਈ ਸੱਦਾ ਦੇਣਗੇ। ਉਨ੍ਹਾਂ ਦਾ ਮੁੰਬਈ 'ਚ ਦੋ ਦਿਨ ਰਹਿਣ ਦਾ ਪ੍ਰੋਗਰਾਮ ਹੈ। 29 ਜੂਨ ਨੂੰ ਮੁੱਖ ਮੰਤਰੀ ਜੈਰਾਮ ਠਾਕੁਰ ਸ਼ਿਮਲਾ ਪਹੁੰਚਣਗੇ।