ਬੱਚਿਆਂ ਦਾ ਸਰਕਾਰੀ ਸਕੂਲਾਂ ਤੋਂ ਮੋਹ ਭੰਗ ! ਦਾਖ਼ਲੇ ''ਚ ਆਈ 86 ਲੱਖ ਤੱਕ ਦੀ ਗਿਰਾਵਟ

ਨਵੀਂ ਦਿੱਲੀ : ਸਾਲ 2023-24 ਅਤੇ 2025-26 ਦੇ ਵਿਚਕਾਰ ਦੇਸ਼ ਦੇ ਸਰਕਾਰੀ ਸਕੂਲਾਂ ਦੀ ਸਥਿਤੀ ਨੂੰ ਲੈ ਕੇ ਬਹੁਤ ਜ਼ਿਆਦਾ ਹੈਰਾਨ ਕਰ ਦੇਣ ਵਾਲੇ ਅੰਕੜੇ ਸਾਹਮਣੇ ਆਏ ਹਨ। ਇਸ ਦਾ ਖੁਲਾਸਾ ਇਕ ਰਿਪੋਰਟ ਵਿਚ ਕੀਤਾ ਗਿਆ ਹੈ। ਸਿੱਖਿਆ ਮੰਤਰਾਲੇ ਵੱਲੋਂ ਜਾਰੀ ਇੱਕ ਰਿਪੋਰਟ ਦੇ ਅਨੁਸਾਰ ਸਾਲ 2023-24 ਅਤੇ 2025-26 ਦੇ ਵਿਚਕਾਰ ਸਰਕਾਰੀ ਸਕੂਲਾਂ ਵਿੱਚ ਦਾਖਲੇ ਵਿੱਚ ਲਗਭਗ 86 ਲੱਖ ਦੀ ਗਿਰਾਵਟ ਆਈ ਹੈ। ਦੂਜੇ ਪਾਸੇ ਇਸੇ ਸਮੇਂ ਦੌਰਾਨ ਨਿੱਜੀ, ਗੈਰ-ਸਹਾਇਤਾ ਪ੍ਰਾਪਤ, ਮਾਨਤਾ ਪ੍ਰਾਪਤ ਸਕੂਲਾਂ ਵਿੱਚ ਵਿਦਿਆਰਥੀਆਂ ਦੀ ਗਿਣਤੀ ਵਿੱਚ 88 ਲੱਖ ਤੋਂ ਵੱਧ ਦਾ ਵਾਧਾ ਹੋਇਆ ਹੈ।

ਪੜ੍ਹੋ ਇਹ ਵੀ - ਭਾਰੀ ਮੀਂਹ ਨੇ ਮਚਾ 'ਤੀ ਤਬਾਹੀ, ਹੜ੍ਹ ਕਾਰਨ ਪਤਾਲਗੰਗਾ ਨਦੀ 'ਚ ਰੁੜ੍ਹੇ 3000 ਗੈਸ ਸਿਲੰਡਰ, ਵੀਡੀਓ ਵਾਇਰਲ

ਇਹ ਦਾਅਵਾ 'ਯੂਨੀਫਾਈਡ ਡਿਸਟ੍ਰਿਕਟ ਇਨਫਰਮੇਸ਼ਨ ਸਿਸਟਮ ਫਾਰ ਐਜੂਕੇਸ਼ਨ ਪਲੱਸ' (UDISE) 2025-26 ਰਿਪੋਰਟ ਵਿੱਚ ਕੀਤਾ ਗਿਆ ਹੈ। UDISE ਸਿੱਖਿਆ ਖੇਤਰ ਲਈ ਕੇਂਦਰ ਸਰਕਾਰ ਦਾ ਅਧਿਕਾਰਤ ਡਿਜੀਟਲ ਡੇਟਾਬੇਸ ਹੈ। ਸਿੱਖਿਆ ਮੰਤਰਾਲੇ ਦੁਆਰਾ ਸੰਚਾਲਿਤ ਇਹ ਡੇਟਾਬੇਸ ਸਕੂਲ ਦੇ ਬੁਨਿਆਦੀ ਢਾਂਚੇ, ਵਿਦਿਆਰਥੀਆਂ ਦੇ ਦਾਖਲੇ ਅਤੇ ਅਧਿਆਪਕਾਂ ਦੇ ਡੇਟਾ ਬਾਰੇ ਅਸਲ-ਸਮੇਂ ਦੀ ਜਾਣਕਾਰੀ ਇਕੱਠੀ ਕਰਦਾ ਹੈ। ਰਿਪੋਰਟ ਦੇ ਅਨੁਸਾਰ 2025-26 ਵਿੱਚ ਮੁੱਢਲੀ ਤੋਂ ਲੈ ਕੇ ਸੈਕੰਡਰੀ ਪੱਧਰ ਤੱਕ ਕੁੱਲ ਦਾਖਲਾ 24.72 ਕਰੋੜ ਸੀ, ਜੋ 2023-24 ਵਿੱਚ 24.80 ਕਰੋੜ ਸੀ - ਯਾਨੀ ਇਸ ਵਿਚ 8.26 ਲੱਖ ਦੀ ਕਮੀ ਆਈ ਹੈ।

ਪੜ੍ਹੋ ਇਹ ਵੀ - ਭੂਚਾਲ ਦੇ ਤੇਜ਼ ਝਟਕਿਆਂ ਨਾਲ ਕੰਬਿਆ ਮਹਾਰਾਸ਼ਟਰ, ਘਰਾਂ ਤੋਂ ਬਾਹਰ ਨਿਕਲੇ ਲੋਕ

ਹਾਲਾਂਕਿ, ਸਰਕਾਰੀ ਸਕੂਲਾਂ ਵਿੱਚ ਦਾਖਲਾ 12.75 ਕਰੋੜ ਤੋਂ ਘਟ ਕੇ 11.89 ਕਰੋੜ ਹੋ ਗਿਆ, ਜਦੋਂ ਕਿ ਨਿੱਜੀ, ਗੈਰ-ਸਹਾਇਤਾ ਪ੍ਰਾਪਤ, ਮਾਨਤਾ ਪ੍ਰਾਪਤ ਸਕੂਲਾਂ ਵਿੱਚ ਇਹ 9 ਕਰੋੜ ਤੋਂ ਵੱਧ ਕੇ 9.89 ਕਰੋੜ ਹੋ ਗਿਆ। ਸਕੂਲਾਂ ਦੀ ਗਿਣਤੀ 14.72 ਲੱਖ ਤੋਂ ਥੋੜ੍ਹੀ ਘੱਟ ਕੇ 14.67 ਲੱਖ ਹੋ ਗਈ ਪਰ ਅਧਿਆਪਕਾਂ ਦੀ ਗਿਣਤੀ 98.08 ਲੱਖ ਤੋਂ ਵਧ ਕੇ 1.03 ਕਰੋੜ (1,02,73,020) ਹੋ ਗਈ, ਜਿਸ ਨਾਲ ਕੁੱਲ ਵਿਦਿਆਰਥੀ-ਅਧਿਆਪਕ ਅਨੁਪਾਤ 25 ਤੋਂ 24 ਹੋ ਗਿਆ। ਜ਼ੀਰੋ ਦਾਖਲੇ ਵਾਲੇ ਸਕੂਲਾਂ ਦੀ ਗਿਣਤੀ 12,954 ਤੋਂ ਘਟ ਕੇ 5663 ਹੋ ਗਈ, ਜਦੋਂ ਕਿ ਇੱਕ ਅਧਿਆਪਕ ਵਾਲੇ ਸਕੂਲਾਂ ਦੀ ਗਿਣਤੀ 1.11 ਲੱਖ ਤੋਂ ਘਟ ਕੇ 1.01 ਲੱਖ ਹੋ ਗਈ।

ਰਿਪੋਰਟ ਦੇ ਅਨੁਸਾਰ, ਮਿਡਲ ਅਤੇ ਸੈਕੰਡਰੀ ਪੱਧਰ 'ਤੇ ਵਿਦਿਆਰਥੀਆਂ ਦੀ ਰਿਟੇਨਸ਼ਨ ਦਰ ਵਿੱਚ ਅਕਾਦਮਿਕ ਸਾਲ 2025-26 ਵਿੱਚ ਸਕਾਰਾਤਮਕ ਬਦਲਾਅ ਆਇਆ ਹੈ। 'ਮੱਧਮ' ਪੱਧਰ 'ਤੇ, ਇਹ ਦਰ 82.8 ਪ੍ਰਤੀਸ਼ਤ (2024-25) ਤੋਂ ਵਧ ਕੇ 83.7 ਪ੍ਰਤੀਸ਼ਤ (2025-26) ਹੋ ਗਈ ਹੈ ਅਤੇ ਸੈਕੰਡਰੀ ਪੱਧਰ 'ਤੇ ਇਹ 47.2 ਪ੍ਰਤੀਸ਼ਤ (2024-25) ਤੋਂ ਵਧ ਕੇ 51.9 ਪ੍ਰਤੀਸ਼ਤ (2025-26) ਹੋ ਗਈ ਹੈ।

ਪੜ੍ਹੋ ਇਹ ਵੀ - ਪੜ੍ਹਦੀਆਂ-ਪੜ੍ਹਦੀਆਂ Pregnant ਹੋ ਜਾਂਦੀਆਂ ਕੁੜੀਆਂ ! UP ਦੀ ਗਵਰਨਰ ਨੇ ਦੇ'ਤਾ ਹੈਰਾਨੀਜਨਕ ਬਿਆਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e