ਰਾਮਲੱਲਾ ਦੀ ਸ਼ਿੰਗਾਰ ਆਰਤੀ ਦੇ ਸਮੇਂ ''ਚ ਹੋਇਆ ਬਦਲਾਅ, ਇਸ ਕਾਰਨ ਲਿਆ ਗਿਆ ਵੱਡਾ ਫੈਸਲਾ

ਅਯੁੱਧਿਆ - ਅਯੁੱਧਿਆ ਵਿੱਚ ਸ਼ਰਧਾਲੂਆਂ ਦੀ ਭਾਰੀ ਭੀੜ ਇਕੱਠੀ ਹੋ ਰਹੀ ਹੈ। ਇਸ ਕਾਰਨ ਵੱਡਾ ਫੈਸਲਾ ਲਿਆ ਗਿਆ ਹੈ ਅਤੇ ਰਾਮਲੱਲਾ ਦੀ ਸ਼ਿੰਗਾਰ ਆਰਤੀ ਦਾ ਸਮਾਂ ਬਦਲ ਦਿੱਤਾ ਗਿਆ ਹੈ। ਹੁਣ ਰਾਮਲੱਲਾ ਦੀ ਸ਼ਿੰਗਾਰ ਆਰਤੀ ਇੱਕ ਘੰਟਾ ਪਹਿਲਾਂ ਸਵੇਰੇ 6 ਵਜੇ ਦੀ ਬਜਾਏ ਸਵੇਰੇ 5 ਵਜੇ ਹੋਵੇਗੀ। ਇਸ ਦਾ ਮਤਲਬ ਹੈ ਕਿ ਰਾਮਲੱਲਾ ਦਾ ਦਰਬਾਰ ਸਵੇਰੇ ਹੀ ਖੁੱਲ੍ਹ ਜਾਵੇਗਾ ਅਤੇ ਮੰਗਲਾ ਆਰਤੀ ਵਿਚ ਸ਼ਾਮਲ ਹੋਣ ਵਾਲੇ ਸ਼ਰਧਾਲੂ ਵੀ ਰਾਮਲੱਲਾ ਦੀ ਸ਼ਿੰਗਾਰ ਆਰਤੀ ਵਿਚ ਹਿੱਸਾ ਲੈ ਸਕਣਗੇ।

ਰਾਤ 10 ਵਜੇ ਤੱਕ ਜਾਰੀ ਰਹੇਗੀ ਪੂਜਾ
ਰਾਮਲੱਲਾ ਦੇ ਦਰਸ਼ਨ ਅਤੇ ਪੂਜਾ ਰਾਤ 10 ਵਜੇ ਤੱਕ ਨਿਰੰਤਰ ਜਾਰੀ ਰਹੇਗੀ। ਦੁਪਹਿਰ ਵੇਲੇ ਭੋਗ ਪਾਉਣ ਸਮੇਂ ਕੇਵਲ 5 ਮਿੰਟ ਲਈ ਪਰਦਾ ਕੀਤਾ ਜਾਵੇਗਾ। ਇਸ ਦੌਰਾਨ ਵੀ ਸ਼ਰਧਾਲੂ ਰਾਮਲੱਲਾ ਦੇ ਮੰਦਰ 'ਚ ਪ੍ਰਵੇਸ਼ ਕਰ ਸਕਣਗੇ। ਆਰਤੀਆਂ ਅਤੇ ਭੋਗ ਦੌਰਾਨ ਸ਼ਰਧਾਲੂ ਰਾਮਲੱਲਾ ਦੇ ਦਰਸ਼ਨ ਕਰਦੇ ਰਹਿਣਗੇ।

ਦੱਸ ਦੇਈਏ ਕਿ ਰਾਮਨਗਰੀ 'ਚ ਆਸਥਾ ਦੇ ਹੜ੍ਹ ਨੂੰ ਦੇਖਦੇ ਹੋਏ ਰਾਮ ਮੰਦਰ ਟਰੱਸਟ ਨੇ ਰਾਮਲੱਲਾ ਦੇ ਦਰਸ਼ਨਾਂ ਦੀ ਸੀਮਾ ਫਿਰ ਤੋਂ ਵਧਾ ਦਿੱਤੀ ਹੈ। ਬਸੰਤ ਪੰਚਮੀ ਤੋਂ ਬਾਅਦ ਰਾਮਲੱਲਾ ਦੇ ਦਰਸ਼ਨ ਸਵੇਰੇ 6 ਵਜੇ ਕੀਤੇ ਜਾ ਸਕਦੇ ਸਨ ਪਰ ਹੁਣ ਫਿਰ ਸਵੇਰੇ 5 ਵਜੇ ਖੋਲ੍ਹੇ ਜਾਣਗੇ। ਇਸ ਦਾ ਮਤਲਬ ਹੈ ਕਿ ਮੰਦਰ 'ਚ ਕਰੀਬ 17 ਘੰਟੇ ਰਾਮਲੱਲਾ ਦੇ ਦਰਸ਼ਨ ਹੋਣਗੇ।