8 ਘੰਟੇ ਦਰਦ ਨਾਲ ਤੜਫ਼ਦਾ ਰਿਹਾ ਪੁੱਤ, ਕੈਨੇਡਾ ''ਚ ਡਾਕਟਰ ਨੂੰ ਉਡੀਕਦੇ ਪਿਓ ਦੇ ਹੱਥਾਂ ''ਚ ਹੋਈ ਨੌਜਵਾਨ ਦੀ ਮੌਤ

ਇੰਟਰਨੈਸ਼ਨਲ ਡੈਸਕ- ਕੈਨੇਡਾ ਤੋਂ ਇਕ ਬੇਹੱਦ ਸਨਸਨੀਖੇਜ਼ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੋਂ ਦੇ ਐਡਮੰਟਨ ਸ਼ਹਿਰ ’ਚ ਭਾਰਤੀ ਮੂਲ ਦੇ ਇਕ 44 ਸਾਲਾ ਵਿਅਕਤੀ ਦੀ ਹਸਪਤਾਲ ’ਚ ਇਲਾਜ ਦੀ ਉਡੀਕ ਕਰਦੇ-ਕਰਦੇ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਪ੍ਰਸ਼ਾਂਤ ਸ਼੍ਰੀਕੁਮਾਰ ਵਜੋਂ ਹੋਈ ਹੈ।

ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਸ਼ਾਂਤ ਦੀ ਛਾਤੀ ’ਚ ਤੇਜ਼ ਦਰਦ ਸੀ ਤੇ ਸ਼ਿਕਾਇਤ ਦੇ ਬਾਵਜੂਦ ਉਸ ਨੂੰ ਲਗਭਗ 8 ਘੰਟਿਆਂ ਤਕ ਸਹੀ ਇਲਾਜ ਨਹੀਂ ਮਿਲਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ 22 ਦਸੰਬਰ ਨੂੰ ਕੰਮ ਕਰਦੇ ਸਮੇਂ ਪ੍ਰਸ਼ਾਂਤ ਨੂੰ ਛਾਤੀ ’ਚ ਤੇਜ਼ ਪੀੜ ਹੋਈ। ਉਸ ਨੂੰ ਤੁਰੰਤ ਐਡਮੰਟਨ ਦੇ ਗ੍ਰੇਅ ਨੰਸ ਹਸਪਤਾਲ ’ਚ ਲਿਜਾਇਆ ਗਿਆ ਜਿੱਥੇ ਮੁੱਢਲੀ ਜਾਂਚ ਤੋਂ ਬਾਅਦ ਉਸ ਨੂੰ ਵੇਟਿੰਗ ਰੂਮ ’ਚ ਬੈਠਣ ਲਈ ਕਿਹਾ ਗਿਆ।

STORY | 'Papa, I cannot bear pain': Indian-origin man dies after 8-hour wait at Canada hospital

A 44-year-old Indian-origin man has died of suspected cardiac arrest after waiting for more than eight hours for treatment in a hospital's emergency room area, a media report has… pic.twitter.com/hqgogNid5F

— Press Trust of India (@PTI_News) December 26, 2025

ਇਸ ਦੌਰਾਨ ਡਾਕਟਰਾਂ ਨੇ ਸਿਰਫ ਈ.ਸੀ.ਜੀ. ਕੀਤਾ ਅਤੇ ਕਿਹਾ ਕਿ ਖਤਰੇ ਵਾਲੀ ਗੱਲ ਨਹੀਂ ਹੈ। ਇਸ ਤੋਂ ਬਾਅਦ ਉਸ ਨੂੰ ਸਿਰਫ ਟਾਇਲੇਨਾਲ (ਦਰਦ ਦੀ ਦਵਾਈ) ਦਿੱਤੀ ਗਈ ਅਤੇ ਮੁੜ ਉਡੀਕ ਕਰਨ ਲਈ ਕਿਹਾ ਗਿਆ। ਲਗਭਗ 8 ਘੰਟੇ ਬਾਅਦ ਜਦੋਂ ਪ੍ਰਸ਼ਾਂਤ ਨੂੰ ਆਖਿਰਕਾਰ ਐਮਰਜੈਂਸੀ ਰੂਮ ’ਚ ਸੱਦਿਆ ਗਿਆ ਤਾਂ ਉਹ ਕੁਰਸੀ ’ਤੇ ਬੈਠਣ ਤੋਂ ਕੁਝ ਹੀ ਸਕਿੰਟਾਂ ਬਾਅਦ ਅਚਾਨਕ ਹੇਠਾਂ ਡਿੱਗ ਪਿਆ ਅਤੇ ਉਸ ਦੀ ਮੌਤ ਹੋ ਗਈ।

ਪ੍ਰਸ਼ਾਂਤ ਦੇ ਪਿਤਾ ਮੁਤਾਬਕ, ‘‘ਉਹ ਬੈਠਿਆ, ਛਾਤੀ ’ਤੇ ਹੱਥ ਰੱਖਿਆ ਅਤੇ 10 ਸਕਿੰਟਾਂ ’ਚ ਡਿੱਗ ਪਿਆ।’’ ਉਹ ਦੁਬਾਰਾ ਨਹੀਂ ਉੱਠ ਸਕਿਆ। ਪ੍ਰਸ਼ਾਂਤ ਦੇ ਪਿਤਾ ਮੁਤਾਬਕ ਪ੍ਰਸ਼ਾਂਤ ਦੀ ਮੌਤ ਹਸਪਤਾਲ ਦੀ ਅਣਗਹਿਲੀ ਕਾਰਨ ਹੋਈ ਹੈ। ਜੇਕਰ ਉਸ ਨੂੰ ਸਹੀ ਸਮੇਂ 'ਤੇ ਇਲਾਜ ਮਿਲਿਆ ਹੁੰਦਾ ਤਾਂ ਉਸ ਦੀ ਜਾਨ ਬਚ ਸਕਦੀ ਸੀ।