ਜੰਮੂ-ਕਸ਼ਮੀਰ: ਬੁਰਕਾ ਪਹਿਨ ਕੇ ਆਈ ਮਹਿਲਾ ਅਤੇ CRPF ਬੰਕਰ ’ਤੇ ਸੁੱਟ ਦਿੱਤਾ ਪੈਟਰੋਲ ਬੰਬ

ਜੰਮੂ- ਜੰਮੂ-ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ ਦੇ ਸੋਪੋਰ ’ਚ ਮੰਗਲਵਾਰ ਸ਼ਾਮ ਨੂੰ ਇਕ ਮਹਿਲਾ ਨੇ ਸੀ. ਆਰ. ਪੀ. ਐੱਫ. ਕੈਂਪ ’ਤੇ ਪੈਟਰੋਲ ਬੰਬ ਸੁੱਟ ਦਿੱਤਾ। ਪੂਰੀ ਵਾਰਦਾਤ ਸੀ. ਸੀ. ਟੀ. ਵੀ. ਕੈਮਰੇ ’ਚ ਕੈਦ ਹੋ ਗਈ। ਹਾਲਾਂਕਿ ਪੈਟਰੋਲ ਬੰਬ ਸੁੱਟਣ ਵਾਲੀ ਮਹਿਲਾ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਬੰਬ ਸੁੱਟਣ ਵਾਲੀ ਮਹਿਲਾ ਨੇ ਬੁਰਕਾ ਪਹਿਨਿਆ ਹੋਇਆ ਸੀ। ਜੋ ਵੀਡੀਓ ਫੁਟੇਜ ਸਾਹਮਣੇ ਆਈ ਹੈ, ਉਸ ’ਚ ਕੁਝ ਲੋਕ ਚਹਿਲਕਦਮੀ ਕਰਦੇ ਹੋਏ ਲੰਘ ਰਹੇ ਹਨ। ਨਾਲ ਹੀ ਦੋ-ਪਹੀਆ ਵਾਹਨ ਵੀ ਲੰਘ ਰਹੇ ਹਨ। ਇਸ ਦੌਰਾਨ ਬੁਰਕਾ ਪਹਿਨੇ ਇਕ ਮਹਿਲਾ ਨਜ਼ਰ ਆਉਂਦੀ ਹੈ। ਇਸ ਤੋਂ ਬਾਅਦ ਕੁਝ ਚੀਜ਼ਾਂ ਨੂੰ ਆਪਣੇ ਬੈਗ ’ਚੋਂ ਕੱਢਦੀ ਹੈ। ਉਹ ਕਿਸੇ ਚੀਜ਼ ’ਚ ਅੱਗ ਲਗਾਉਂਦੀ ਹੈ ਅਤੇ ਉਸ ਨੂੰ ਸੁੱਟ ਕੇ ਤੁਰੰਤ ਮੌਕੇ ਤੋਂ ਫਰਾਰ ਹੋ ਜਾਂਦੀ ਹੈ।

Burqa Clad woman tries to throw petrol bomb at CRPF Post in Sopore of North Kashmir. The petrol bomb almost blasted in her own hand. 🤦‍♂️ pic.twitter.com/5fcNjcVqjC

— Aditya Raj Kaul (@AdityaRajKaul) March 29, 2022

ਅਚਾਨਕ ਨਾਲ ਵਾਪਰੀ ਇਸ ਘਟਨਾ ਤੋਂ ਉੱਥੋਂ ਲੰਘ ਰਹੇ ਲੋਕ ਹੈਰਾਨ ਹੋ ਜਾਂਦੇ ਹਨ ਅਤੇ ਦੌੜਨ ਲੱਗਦੇ ਹਨ। ਇਸ ਤੋਂ ਬਾਅਦ ਕੁਝ ਜਵਾਨ ਪੈਟਰੋਲ ਬੰਬ ਨਾਲ ਲੱਗੀ ਅੱਗ ਬੁਝਾਉਣ ਲਈ ਬਾਲਟੀ ਤੋਂ ਪਾਣੀ ਲਿਆਉਂਦੇ ਨਜ਼ਰ ਆਉਂਦੇ ਹਨ। ਇਸ ਤੋਂ ਪਹਿਲਾਂ 19 ਮਾਰਚ ਨੂੰ ਸ਼ੋਪੀਆਂ ਜ਼ਿਲ੍ਹੇ ਦੇ ਬਾਬਾਪੋਰਾ ’ਚ ਸੀ. ਆਰ. ਪੀ. ਐੱਫ. ਕੈਂਪ ’ਤੇ ਹੱਥ ਗੋਲਾ ਸੁੱਟਣ ਦਾ ਵੀ ਮਾਮਲਾ ਸਾਹਮਣੇ ਆਇਆ ਸੀ। ਮਾਮਲੇ ’ਚ ਤਿੰਨ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਪੁਲਸ ਨੇ ਪਿਛਲੇ ਹਫ਼ਤੇ ਮਾਮਲੇ ’ਚ ਸ਼ੋਪੀਆਂ ਦੇ ਰਹਿਣ ਵਾਲੇ ਇਕ ਸ਼ੱਕੀ ਨੂੰ ਫੜਿਆ ਸੀ। ਪੁਲਸ ਮੁਤਾਬਕ ਪੁੱਛ-ਗਿੱਛ ’ਚ ਦੋਸ਼ੀ ਰਾਸ਼ਿਦ ਨੇ ਖ਼ੁਲਾਸਾ ਕੀਤਾ ਕਿ ਉਹ ਲਸ਼ਕਰ-ਏ-ਤੋਇਬਾ ਨਾਲ ਜੁੜੇ ਕੁਲਗਾਮ ਦੇ ਬਾਸਿਤ ਅਹਿਮਦ ਲਈ ਕੰਮ ਕਰ ਰਿਹਾ ਸੀ।