44 ਸਾਲ ਪੁਰਾਣੇ ਮਿਗ-21 ਉੱਡਾ ਰਹੇ ਹਾਂ, ਇੰਨੀ ਪੁਰਾਣੀ ਤਾਂ ਕੋਈ ਕਾਰ ਵੀ ਨਹੀਂ ਚਲਾਉਂਦਾ : ਧਨੋਆ
08/20/2019 1:14:36 PM
ਨਵੀਂ ਦਿੱਲੀ— ਭਾਰਤੀ ਹਵਾਈ ਫੌਜ ਦੇ ਮੁਖੀ ਬੀ.ਐੱਸ. ਧਨੋਆ ਨੇ ਮੰਗਲਵਾਰ ਨੂੰ ਕਿਹਾ ਕਿ ਅਸੀਂ 44 ਸਾਲ ਪੁਰਾਣੇ ਮਿਗ-21 ਉੱਡਾ ਰਹੇ ਹਾਂ, ਇੰਨੀ ਪੁਰਾਣੀ ਤਾਂ ਕੋਈ ਕਾਰ ਵੀ ਨਹੀਂ ਚਲਾਉਂਦਾ। ਏਅਰ ਚੀਫ ਮਾਰਸ਼ਲ ਬੀ.ਐੱਸ. ਧਨੋਆ ਨੇ ਇਹ ਗੱਲ ਸੁਬਰੋਤੋ ਪਾਰਕ ਸਥਿਤ ਏਅਰਫੋਰਸ ਆਡਿਟੋਰੀਅਮ 'ਚ ਕਹੀ। ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਤਣਾਅ 'ਤੇ ਹਵਾਈ ਫੌਜ ਚੀਫ ਧਨੋਆ ਨੇ ਕਿਹਾ,''ਅਸੀਂ ਦੇਖਿਆ ਹੈ ਕਿ ਉਨ੍ਹਾਂ ਦੀ ਕੀ ਤਾਇਨਾਤੀ ਹੈ। ਭਾਰਤੀ ਹਵਾਈ ਫੌਜ ਹਮੇਸ਼ਾ ਤੋਂ ਸਰਗਰਮ ਰਹਿੰਦੀ ਹੈ। ਅਜਿਹਾ ਨਹੀਂ ਹੈ ਕਿ ਤਣਾਅ ਹੋਇਆ ਹੈ ਤਾਂ ਅਸੀਂ ਸਰਗਰਮ ਹਾਂ। ਏਅਰ ਡਿਫੈਂਸ ਸਿਸਟਮ ਦੀ ਜ਼ਿੰਮੇਵਾਰੀ ਸਾਡੀ ਹੈ ਤਾਂ ਅਸੀਂ ਸਰਗਰਮ ਹਾਂ।'' ਮੰਗਲਵਾਰ ਨੂੰ ਭਾਰਤੀ ਹਵਾਈ ਫੌਜ ਦੀਆਂ ਸਵੇਦਸ਼ੀਕਰਨ ਯੋਜਨਾਵਾਂ 'ਤੇ ਆਯੋਜਿਤ ਸੈਮੀਨਾਰ ਦੌਰਾਨ ਕੇਂਦਰੀ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅਤੇ ਭਾਰਤੀ ਹਵਾਈ ਫੌਜ ਮੁਖੀ ਧਨੋਆ ਨੇ ਰੱਖਿਆ ਯੰਤਰਾਂ ਦੇ ਸਵੇਦਸ਼ੀਕਰਨ ਦੀਆਂ ਕੋਸ਼ਿਸ਼ਾਂ 'ਤੇ ਕਿਤਾਬਾਂ ਰਿਲੀਜ਼ ਕੀਤੀਆਂ।
ਧਨੋਆ ਨੇ ਕਿਹਾ,''ਅਸੀਂ ਸਵਦੇਸ਼ੀ ਤਕਨੀਕ ਵਲੋਂ ਪੁਰਾਣੇ ਹੋ ਚੁਕੇ ਲੜਾਕੂ ਜਹਾਜ਼ਾਂ ਨੂੰ ਬਦਲਣ ਦਾ ਇੰਤਜ਼ਾਰ ਨਹੀਂ ਕਰ ਸਕਦੇ, ਨਾ ਹੀ ਹਰ ਰੱਖਿਆ ਯੰਤਰ ਨੂੰ ਵਿਦੇਸ਼ ਤੋਂ ਬਰਾਮਦ ਕਰਨਾ ਸਮਝਦਾਰੀ ਹੋਵੇਗੀ। ਅਸੀਂ ਆਪਣੇ ਪੁਰਾਣੇ ਹੋ ਚੁਕੇ ਹਥਿਆਰਾਂ ਨੂੰ ਸਵਦੇਸ਼ 'ਚ ਬਣੇ ਹਥਿਆਰਾਂ ਨਾਲ ਬਦਲ ਰਹੇ ਹਨ।'' ਇਸ ਤੋਂ ਇਲਾਵਾ ਪਾਕਿਸਤਾਨੀ ਫੌਜ ਮੁਖੀ ਜਨਰਲ ਕਮਰ ਜਾਵੇਦ ਬਾਜਵਾ ਨੂੰ ਤਿੰਨ ਸਾਲ ਦਾ ਸੇਵਾ ਵਿਸਥਾਰ ਦਿੱਤੇ ਜਾਣ 'ਤੇ ਧਨੋਆ ਨੇ ਕਿਹਾ,''ਮੈਂ ਨਹੀਂ ਜਾਣਦਾ, ਉਨ੍ਹਾਂ ਦਾ ਸਿਸਟਮ ਕੀ ਹੈ ਅਤੇ ਉਹ ਕਿਵੇਂ ਕੰਮ ਕਰਦਾ ਹੈ।''
