ਭਾਜਪਾ 19 ਹੋਰ ਨਾਵਾਂ ਦਾ ਐਲਾਨ ਕਰੇਗੀ, ਹੁਣ ਤਕ 425 ਉਮੀਦਵਾਰਾਂ ਦਾ ਐਲਾਨ

ਨਵੀਂ ਦਿੱਲੀ- ਅੱਜ ਲੋਕ ਸਭਾ ਸੀਟਾਂ ਲਈ ਇਕ ਹੋਰ ਨਾਂ ਦੇ ਐਲਾਨ ਦੇ ਨਾਲ ਭਾਜਪਾ ਨੇ ਹੁਣ ਤਕ 425 ਉਮੀਦਵਾਰਾਂ ਦੀ ਨਾਮਜ਼ਦਗੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਹਾਲਾਂਕਿ ਪਾਰਟੀ ਅਜੇ ਵੀ 5 ਸੂਬਿਆਂ ਵਿਚ ਫੈਲੇ 19 ਹੋਰ ਚੋਣ ਹਲਕਿਆਂ ਦੇ ਨਾਵਾਂ ਨੂੰ ਅੰਤਿਮ ਰੂਪ ਦੇਣ ਦੀ ਪ੍ਰਕਿਰਿਆ ’ਚ ਹੈ। ਇਨ੍ਹਾਂ 19 ਸੀਟਾਂ ’ਤੇ ਉਮੀਦਵਾਰਾਂ ਦੀ ਚੋਣ ’ਚ ਭਾਜਪਾ ਹਾਈਕਮਾਨ ਨੂੰ ਕਾਫੀ ਸਮਾਂ ਲੱਗ ਰਿਹਾ ਹੈ। ਇਨ੍ਹਾਂ ਵਿਚੋਂ 2 ਉੱਤਰ ਪ੍ਰਦੇਸ਼ (ਰਾਏਬਰੇਲੀ ਤੇ ਕੈਸਰਗੰਜ) ’ਚ, 6 ਮਹਾਰਾਸ਼ਟਰ ’ਚ, 7 ਪੰਜਾਬ ’ਚ ਅਤੇ ਇਕ-ਇਕ ਸੀਟ ਜੰਮੂ-ਕਸ਼ਮੀਰ (ਪੁੰਛ-ਰਾਜੌਰੀ-ਅਨੰਤਨਾਗ) ਤੇ ਪੱਛਮੀ ਬੰਗਾਲ (ਡਾਇਮੰਡ ਹਾਰਬਰ) ’ਚ ਹੈ। ਕੁਲ ਮਿਲਾ ਕੇ ਭਾਜਪਾ ਹੋਵੇਗੀ। 444-445 ਲੋਕ ਸਭਾ ਸੀਟਾਂ ’ਤੇ ਚੋਣ ਲੜਦਿਆਂ 543 ਦੇ ਸਦਨ ’ਚ ਸਹਿਯੋਗੀਆਂ ਲਈ ਲਗਭਗ 100 ਸੀਟਾਂ ਛੱਡੀਆਂ ਜਾਣਗੀਆਂ।

ਭਾਜਪਾ ਲੀਡਰਸ਼ਿਪ ਪੱਛਮੀ ਬੰਗਾਲ ’ਚ ਡਾਇਮੰਡ ਹਾਰਬਰ ਸੀਟ ਖੋਹਣ ਲਈ ਬਹੁਤ ਉਤਸੁਕ ਹੈ, ਜਿਸ ਦੀ ਪ੍ਰਤੀਨਿਧਤਾ 2 ਵਾਰ ਦੇ ਸੰਸਦ ਮੈਂਬਰ ਤੇ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਭਤੀਜੇ ਅਭਿਸ਼ੇਕ ਬੈਨਰਜੀ ਕਰਦੇ ਹਨ। ਉਦਾਹਰਣ ਵਜੋਂ ਇਸ ਨੇ ਆਸਨਸੋਲ ਤੋਂ ਮੌਜੂਦਾ ਲੋਕ ਸਭਾ ਮੈਂਬਰ ਸ਼ਤਰੂਘਨ ਸਿਨਹਾ ਖਿਲਾਫ ਐੱਸ. ਐੱਸ. ਆਹਲੂਵਾਲੀਆ ਨੂੰ ਚੁਣਿਆ। ਇਹ ਤੀਜੀ ਵਾਰ ਹੈ ਜਦੋਂ ਐੱਸ. ਐੱਸ. ਆਹਲੂਵਾਲੀਆ ਦੀ ਸੀਟ ਬਦਲੀ ਗਈ ਹੈ। 2014 ’ਚ ਉਨ੍ਹਾਂ ਦਾਰਜੀਲਿੰਗ ਤੋਂ ਚੋਣ ਲੜੀ ਅਤੇ 2019 ’ਚ ਬਰਧਮਾਨ-ਦੁਰਗਾਪੁਰ ਦੀ ਪ੍ਰਤੀਨਿਧਤਾ ਕੀਤੀ। ਜੰਮੂ-ਕਸ਼ਮੀਰ ’ਚ ਭਾਜਪਾ ਨੇ ਪਹਿਲਾਂ ਹੀ 2 ਸੀਟਾਂ ਲਈ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਹੈ ਅਤੇ ਅਨੰਤਨਾਗ ਤੋਂ ਤੀਜੇ ਨੂੰ ਮੈਦਾਨ ਵਿਚ ਉਤਾਰ ਸਕਦੀ ਹੈ। ਬਾਕੀ 2 ਹੋਰਨਾਂ ਲਈ ਛੱਡ ਸਕਦੀ ਹੈ। ਭਾਜਪਾ ਨੂੰ ਉਡੀਕ ਹੈ ਕਿ ਕਾਂਗਰਸ ਰਾਏਬਰੇਲੀ ਸੀਟ ’ਤੇ ਆਪਣਾ ਉਮੀਦਵਾਰ ਐਲਾਨੇਗੀ। ਜੇ ਪ੍ਰਿਯੰਕਾ ਗਾਂਧੀ ਵਢੇਰਾ ਨੂੰ ਮੈਦਾਨ ਵਿਚ ਉਤਾਰਿਆ ਜਾਂਦਾ ਹੈ ਤਾਂ ਭਾਜਪਾ ਉਨ੍ਹਾਂ ਦੀ ਹਾਰ ਯਕੀਨੀ ਬਣਾਉਣ ਲਈ ਪੂਰੀ ਵਾਹ ਲਾ ਦੇਵੇਗੀ। ਕੈਸਰਗੰਜ ’ਚ ਭਾਜਪਾ ਕੁਸ਼ਤੀ ਸੰਘ ਦੇ ਸਾਬਕਾ ਮੁਖੀ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਦੀ ਜਗ੍ਹਾ ਉਨ੍ਹਾਂ ਦੇ ਪਰਿਵਾਰ ਦੇ ਕਿਸੇ ਮੈਂਬਰ ਨੂੰ ਉਮੀਦਵਾਰ ਬਣਾਉਣ ’ਤੇ ਵਿਚਾਰ ਕਰ ਰਹੀ ਹੈ। ਪੰਜਾਬ ’ਚ ਭਾਜਪਾ ਨੇ ਅਜੇ 7 ਹੋਰ ਸੀਟਾਂ ’ਤੇ ਉਮੀਦਵਾਰਾਂ ਦਾ ਐਲਾਨ ਕਰਨਾ ਹੈ।