ਭਾਜਪਾ ਵਿਧਾਇਕ ਨੇ ਬੰਦੂਕ ਅਤੇ ਸ਼ਰਾਬ ਨਾਲ ਕੀਤਾ ਡਾਂਸ, ਵੀਡੀਓ ਵਾਇਰਲ

ਦੇਹਰਾਦੂਨ— ਉਤਰਾਖੰਡ ਦੇ ਖਾਨਪੁਰ ਤੋਂ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਮੁਅੱਤਲ ਵਿਧਾਇਕ ਕੁਵੰਰ ਪ੍ਰਣਵ ਸਿੰਘ ਚੈਂਪੀਅਨ ਇਕ ਵਾਰ ਫਿਰ ਚਰਚਾ 'ਚ ਹਨ। ਪ੍ਰਣਵ ਸਿੰਘ ਦਾ ਬੰਦੂਕ ਨਾਲ ਗੀਤ 'ਤੇ ਠੁਮਕੇ ਲਗਾਉਣ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਪ੍ਰਣਵ 3 ਬੰਦੂਕਾਂ ਅਤੇ ਇਕ ਰਾਈਫਲ ਨਾਲ ਡਾਂਸ ਕਰਦੇ ਨਜ਼ਰ ਆ ਰਿਹਾ ਹੈ। ਉਸ ਦੇ ਹੱਥਾਂ'ਚ ਸ਼ਰਾਬ ਦਾ ਜਾਮ ਵੀ ਦਿਖਾਈ ਦੇ ਰਿਹਾ ਹੈ। ਵਿਧਾਇਕ ਨੇ ਦੋਹਾਂ ਹੱਥਾਂ 'ਚ ਇਕ-ਇਕ ਬੰਦੂਕ ਅਤੇ ਮੂੰਹ 'ਚ ਇਕ ਬੰਦੂਕ ਫੜੀ ਹੋਈ ਹੈ। ਬਾਅਦ 'ਚ ਉਹ ਜਾਮ ਨਾਲ ਹਥਿਆਰ ਲਹਿਰਾਉਂਦੇ ਨਜ਼ਰ ਆ ਰਿਹਾ ਹੈ।

BJP had suspended MLA Kunwar Pranav Singh Champion from the party on charges of indiscipline after a video of MLA threatening a journalist went viral last month.

Champion MLA is back again with his nuisance Dance. He is a shame for the people of his who have voted him.@aajtak pic.twitter.com/O0ptsDJMZj

— Piyush Singh (@PiyushSingh83) July 10, 2019

ਵਿਧਾਇਕ ਪ੍ਰਣਵ ਆਪਣੇ ਸਮਰਥਕਾਂ ਨਾਲ ਬਾਲੀਵੁੱਡ ਫਿਲਮ ਕਰਨ-ਅਰਜੁਨ ਦੇ ਇਕ ਗੀਤ 'ਤੇ ਠੁਮਕੇ ਲਗਾਉਂਦੇ ਨਜ਼ਰ ਆ ਰਿਹਾ ਹੈ। ਵੀਡੀਓ 'ਚ ਵਿਧਾਇਕ ਕਈ ਥਾਂ ਗਾਲ੍ਹਾਂ ਵੀ ਕੱਢਦਾ ਨਜ਼ਰ ਆ ਰਿਹਾ ਹੈ। ਪ੍ਰਣਵ ਚੈਂਪੀਅਨ ਦਾ ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਪੱਤਰਕਾਰਾਂ ਨਾਲ ਗਲਤ ਵਤੀਰਾ ਕਰਨ ਦੇ ਮਾਮਲਿਆਂ 'ਚ ਭਾਜਪਾ ਨੇ ਵਿਧਾਇਕ ਪ੍ਰਣਵ ਨੂੰ ਤਿੰਨ ਮਹੀਨੇ ਪਹਿਲਾਂ ਹੀ ਸਸਪੈਂਡ ਕਰ ਦਿੱਤਾ ਹੈ। ਉਸ ਨੂੰ ਕਾਰਨ ਦੱਸੋ ਨੋਟਿਸ ਵੀ ਜਾਰੀ ਕੀਤਾ ਗਿਆ ਹੈ। ਦੋਸ਼ ਹੈ ਕਿ ਪ੍ਰਣਵ ਨੇ ਇਕ ਨਿੱਜੀ ਨਿਊਜ਼ ਚੈਨਲ ਦੇ ਰਿਪੋਰਟਰ ਨੂੰ ਦਿੱਲੀ ਸਥਿਤ ਉਤਰਾਖੰਡ ਭਵਨ 'ਚ ਬੁਲਾ ਕੇ ਧਮਕਾਇਆ ਸੀ।