ਬਿਹਾਰ ਰਾਜ ਸਭਾ ਚੋਣਾਂ: NDA ਦੇ 202 ਵਿਧਾਇਕਾਂ ਨੇ ਪਾਈ ਵੋਟ, ਮਹਾਗਠਜੋੜ ਦੇ 4 ਵਿਧਾਇਕ ਗਾਇਬ

ਪਟਨਾ: ਬਿਹਾਰ ਵਿੱਚ ਰਾਜ ਸਭਾ ਦੀਆਂ 5 ਸੀਟਾਂ ਲਈ ਹੋ ਰਹੀਆਂ ਚੋਣਾਂ ਦੌਰਾਨ ਸਿਆਸੀ ਮਾਹੌਲ ਪੂਰੀ ਤਰ੍ਹਾਂ ਗਰਮਾ ਗਿਆ ਹੈ। ਸੋਮਵਾਰ ਨੂੰ ਵਿਧਾਨ ਸਭਾ ਕੰਪਲੈਕਸ ਵਿੱਚ ਵੋਟਿੰਗ ਦੌਰਾਨ ਸੱਤਾਧਾਰੀ ਐਨ.ਡੀ.ਏ. (NDA) ਨੇ ਆਪਣੀ ਤਾਕਤ ਦਾ ਮੁਜ਼ਾਹਰਾ ਕੀਤਾ, ਜਦੋਂ ਕਿ ਵਿਰੋਧੀ ਮਹਾਗਠਜੋੜ ਦੇ ਖੇਮੇ ਵਿੱਚ ਸੰਨ੍ਹ ਲੱਗਦੀ ਦਿਖਾਈ ਦਿੱਤੀ।

ਇਹ ਵੀ ਪੜ੍ਹੋ - ਆਰਡਰ ਕੀਤੀ 'ਵੈੱਜ ਥਾਲੀ' 'ਚ ਹੱਡੀ ਦੇਖ ਗਾਹਕ ਦੇ ਉੱਡੇ ਹੋਸ਼! ਲਖਨਊ ਦੇ ਹੋਟਲ 'ਚ ਅੱਧੀ ਰਾਤ ਨੂੰ ਹੰਗਾਮਾ

NDA ਦੇ ਸਾਰੇ ਵਿਧਾਇਕਾਂ ਨੇ ਪਾਈ ਵੋਟ, ਵਿਰੋਧੀ ਧਿਰ ਦੇ 4 ਵਿਧਾਇਕ ਗੈਰ-ਹਾਜ਼ਰ 
ਜੇਡੀਯੂ (JDU) ਦੇ ਸੀਨੀਅਰ ਆਗੂ ਅਤੇ ਮੰਤਰੀ ਸ਼ਰਵਣ ਕੁਮਾਰ ਨੇ ਦਾਅਵਾ ਕੀਤਾ ਹੈ ਕਿ NDA ਦੇ ਸਾਰੇ 202 ਵਿਧਾਇਕਾਂ ਨੇ ਆਪਣੀ ਵੋਟ ਪਾ ਦਿੱਤੀ ਹੈ। ਦੂਜੇ ਪਾਸੇ, ਮਹਾਗਠਜੋੜ ਨੂੰ ਵੱਡਾ ਝਟਕਾ ਲੱਗਾ ਹੈ ਕਿਉਂਕਿ ਉਨ੍ਹਾਂ ਦੇ 4 ਵਿਧਾਇਕ ਵੋਟਿੰਗ ਦੌਰਾਨ ਗੈਰ-ਹਾਜ਼ਰ ਰਹੇ। ਇਹਨਾਂ ਵਿੱਚ RJD ਦੇ ਫੈਜ਼ਲ ਰਹਿਮਾਨ ਅਤੇ ਕਾਂਗਰਸ ਦੇ ਤਿੰਨ ਵਿਧਾਇਕ—ਮਨੋਹਰ ਪ੍ਰਸਾਦ ਸਿੰਘ, ਸੁਰਿੰਦਰ ਕੁਸ਼ਵਾਹਾ ਅਤੇ ਮਨੋਜ ਵਿਸ਼ਵਾਸ ਸ਼ਾਮਲ ਹਨ। ਵਿਰੋਧੀ ਵਿਧਾਇਕਾਂ ਦੀ ਇਸ ਗੈਰ-ਹਾਜ਼ਰੀ ਨੇ ਤੇਜਸਵੀ ਯਾਦਵ ਦੀ ਰਣਨੀਤੀ 'ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।

ਇਹ ਵੀ ਪੜ੍ਹੋ - ਅਗਲੇ 5-6 ਦਿਨਾਂ ਤੱਕ ਪਵੇਗਾ ਭਾਰੀ ਮੀਂਹ! ਕਈ ਸੂਬਿਆਂ 'ਚ ਗੜ੍ਹੇਮਾਰੀ ਤੇ ਤੂਫ਼ਾਨ ਦੀ ਚੇਤਾਵਨੀ

HAM ਦੀਆਂ ਮਹਿਲਾ ਵਿਧਾਇਕਾਂ 'ਤੇ ਸਫਾਈ 
ਵੋਟਿੰਗ ਦੌਰਾਨ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ 'ਹਿੰਦੁਸਤਾਨੀ ਅਵਾਮ ਮੋਰਚਾ' (HAM) ਦੀਆਂ ਦੋ ਮਹਿਲਾ ਵਿਧਾਇਕਾਂ ਅਚਾਨਕ ਤੇਜਸਵੀ ਯਾਦਵ ਦੇ ਕਮਰੇ ਵਿੱਚ ਚਲੀਆਂ ਗਈਆਂ। ਪਾਰਟੀ ਦੇ ਬੁਲਾਰੇ ਸ਼ਿਆਮ ਸੁੰਦਰ ਸ਼ਰਨ ਨੇ ਸਪੱਸ਼ਟ ਕੀਤਾ ਕਿ ਇਹ ਸਿਰਫ਼ ਇੱਕ ਗਲਤਫਹਿਮੀ ਸੀ ਅਤੇ ਵਿਧਾਇਕ ਦੀਪ ਕੁਮਾਰੀ ਤੇ ਜਯੋਤੀ ਦੇਵੀ ਗਲਤੀ ਨਾਲ ਉੱਥੇ ਚਲੀਆਂ ਗਈਆਂ ਸਨ। ਉਨ੍ਹਾਂ ਦੁਹਰਾਇਆ ਕਿ ਪਾਰਟੀ ਪੂਰੀ ਤਰ੍ਹਾਂ NDA ਦੇ ਨਾਲ ਹੈ।

ਇਹ ਵੀ ਪੜ੍ਹੋ - Gold-Silver Price: ਧੜੰਮ ਹੇਠਾਂ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਜਾਣੋ ਅੱਜ ਦਾ ਰੇਟ

ਜੇਲ੍ਹ 'ਚੋਂ ਵੋਟ ਪਾਉਣ ਪਹੁੰਚੇ ਅਨੰਤ ਸਿੰਘ 
ਇਸ ਚੋਣਾਂ ਵਿੱਚ ਸਭ ਤੋਂ ਵੱਧ ਚਰਚਾ ਜੇਡੀਯੂ ਦੇ ਵਿਧਾਇਕ ਅਨੰਤ ਸਿੰਘ ਦੀ ਰਹੀ, ਜੋ ਪੈਰੋਲ 'ਤੇ ਜੇਲ੍ਹ ਤੋਂ ਵੋਟ ਪਾਉਣ ਪਹੁੰਚੇ ਸਨ। ਉਨ੍ਹਾਂ ਐਲਾਨ ਕੀਤਾ ਕਿ ਜੇਕਰ ਨੀਤੀਸ਼ ਕੁਮਾਰ ਮੁੱਖ ਮੰਤਰੀ ਨਹੀਂ ਰਹਿੰਦੇ, ਤਾਂ ਉਹ ਭਵਿੱਖ ਵਿੱਚ ਚੋਣ ਨਹੀਂ ਲੜਨਗੇ। ਉੱਧਰ, ਤੇਜਸਵੀ ਯਾਦਵ ਨੇ ਦਾਅਵਾ ਕੀਤਾ ਕਿ AIMIM ਦੇ 5 ਅਤੇ BSP ਦੇ 1 ਵਿਧਾਇਕ ਦੇ ਸਮਰਥਨ ਨਾਲ ਉਨ੍ਹਾਂ ਦਾ ਉਮੀਦਵਾਰ ਅਮਰਿੰਦਰ ਧਾਰੀ ਸਿੰਘ ਜ਼ਰੂਰ ਜਿੱਤੇਗਾ।

ਸ਼ਾਮ ਤੱਕ ਆਉਣਗੇ ਨਤੀਜੇ 
ਵੋਟਿੰਗ ਸਵੇਰੇ 9 ਵਜੇ ਸ਼ੁਰੂ ਹੋਈ ਸੀ ਜੋ ਸ਼ਾਮ 5 ਵਜੇ ਤੱਕ ਚੱਲੇਗੀ। NDA ਵੱਲੋਂ ਮੁੱਖ ਮੰਤਰੀ ਨੀਤੀਸ਼ ਕੁਮਾਰ, ਨਿਤਿਨ ਨਵੀਨ, ਉਪੇਂਦਰ ਕੁਸ਼ਵਾਹਾ, ਰਾਮਨਾਥ ਠਾਕੁਰ ਅਤੇ ਸ਼ਿਵੇਸ਼ ਕੁਮਾਰ ਮੈਦਾਨ ਵਿੱਚ ਹਨ। ਪੰਜਵੀਂ ਸੀਟ ਲਈ ਮੁਕਾਬਲਾ ਕਾਫੀ ਦਿਲਚਸਪ ਬਣ ਗਿਆ ਹੈ ਅਤੇ ਨਤੀਜਿਆਂ ਦੀ ਉਡੀਕ ਬੇਸਬਰੀ ਨਾਲ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ - 69 ਲੱਖ ਔਰਤਾਂ ਦੇ ਖਾਤਿਆਂ 'ਚ ਆਏ 1000-1000 ਰੁਪਏ, ਇਸ ਸੂਬੇ ਦੇ CM ਦਾ ਵੱਡਾ ਐਲਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e