ਪਟਨਾ ''ਚ ਬਣਨ ਜਾ ਰਿਹੈ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ, BCCI ਨਾਲ ਸਮਝੌਤਾ, ਜਾਣੋ ਕੀ ਹੋਵੇਗੀ ਖਾਸੀਅਤ

ਪਟਨਾ — ਬਿਹਾਰ ਸਰਕਾਰ ਮੋਇਨ-ਉਲ-ਹੱਕ ਕ੍ਰਿਕਟ ਸਟੇਡੀਅਮ ਦੇ ਨਿਰਮਾਣ ਅਤੇ ਪੁਨਰ-ਵਿਕਾਸ ਲਈ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨਾਲ ਜਲਦ ਹੀ ਇਕ ਸਮਝੌਤਾ ਪੱਤਰ 'ਤੇ ਹਸਤਾਖਰ ਕਰੇਗੀ। ਮੰਗਲਵਾਰ ਨੂੰ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਪ੍ਰਧਾਨਗੀ 'ਚ ਹੋਈ ਮੰਤਰੀ ਮੰਡਲ ਦੀ ਬੈਠਕ 'ਚ ਇਸ ਸਬੰਧ 'ਚ ਫੈਸਲਾ ਲਿਆ ਗਿਆ। ਕੈਬਨਿਟ ਸਕੱਤਰੇਤ ਦੇ ਵਧੀਕ ਮੁੱਖ ਸਕੱਤਰ ਐਸ ਸਿਧਾਰਥ ਨੇ ਮੰਤਰੀ ਮੰਡਲ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ, ''ਮੰਗਲਵਾਰ ਨੂੰ ਕੈਬਨਿਟ ਨੇ ਮੋਇਨ-ਉਲ-ਹੱਕ ਕ੍ਰਿਕਟ ਸਟੇਡੀਅਮ ਦੇ ਨਿਰਮਾਣ ਅਤੇ ਪੁਨਰ ਵਿਕਾਸ ਲਈ ਬੀ.ਸੀ.ਸੀ.ਆਈ. ਨਾਲ ਸਮਝੌਤਾ ਕਰਨ ਦੇ ਰਾਜ ਖੇਡ ਵਿਭਾਗ ਦੇ ਫੈਸਲੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਮੀਟਿੰਗ ਵਿੱਚ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ।

ਇਸ ਨਾਲ ਇਹ ਸਟੇਡੀਅਮ ਅਤਿ-ਆਧੁਨਿਕ ਸਹੂਲਤਾਂ ਨਾਲ ਲੈਸ ਅੰਤਰਰਾਸ਼ਟਰੀ ਸਟੇਡੀਅਮ ਬਣ ਜਾਵੇਗਾ, ਜਿੱਥੇ ਦਿਨ-ਰਾਤ ਦੇ ਮੈਚਾਂ ਦੇ ਨਾਲ-ਨਾਲ ਹੋਰ ਖੇਡ ਗਤੀਵਿਧੀਆਂ ਵੀ ਕਰਵਾਈਆਂ ਜਾਣਗੀਆਂ। ਜਲਦੀ ਹੀ ਐਮ.ਓ.ਯੂ 'ਤੇ ਦਸਤਖਤ ਕੀਤੇ ਜਾਣਗੇ ਅਤੇ ਉਸ ਤੋਂ ਤੁਰੰਤ ਬਾਅਦ ਉਸਾਰੀ ਦਾ ਕੰਮ ਸ਼ੁਰੂ ਹੋ ਜਾਵੇਗਾ, ਜੋ ਕਿ 36 ਮਹੀਨਿਆਂ ਵਿੱਚ ਪੂਰਾ ਹੋਵੇਗਾ। ਉਨ੍ਹਾਂ ਕਿਹਾ, "ਨਿਰਮਾਣ ਪੂਰਾ ਹੋਣ ਤੋਂ ਬਾਅਦ, ਬੀ.ਸੀ.ਸੀ.ਆਈ. ਸੱਤ ਸਾਲਾਂ ਲਈ ਮੈਚ ਅਤੇ ਹੋਰ ਖੇਡ ਗਤੀਵਿਧੀਆਂ ਦਾ ਆਯੋਜਨ ਕਰੇਗਾ... ਅਤੇ ਉਸ ਤੋਂ ਬਾਅਦ ਮੁਨਾਫ਼ਾ 50-50 ਦੇ ਆਧਾਰ 'ਤੇ ਰਾਜ ਸਰਕਾਰ ਨਾਲ ਸਾਂਝਾ ਕੀਤਾ ਜਾਵੇਗਾ।"

ਬੀ.ਸੀ.ਸੀ.ਆਈ. ਮਾਹਿਰ ਇਹ ਯਕੀਨੀ ਬਣਾਉਣਗੇ ਕਿ ਸਟੇਡੀਅਮ ਦੇਸ਼ ਦੇ ਦੂਜੇ ਸਟੇਡੀਅਮਾਂ ਦੇ ਬਰਾਬਰ ਅੰਤਰਰਾਸ਼ਟਰੀ ਪੱਧਰ ਦਾ ਹੋਵੇ। ਇਸ ਨੂੰ ਪੂਰੀ ਤਰ੍ਹਾਂ ਨਾਲ ਨਵਾਂ ਰੂਪ ਦਿੱਤਾ ਜਾਵੇਗਾ। ਨਵੇਂ ਕ੍ਰਿਕਟ ਕੰਪਲੈਕਸ ਵਿੱਚ ਮਿਆਰੀ ਆਕਾਰ ਦੇ ਕ੍ਰਿਕਟ ਮੈਦਾਨ ਸ਼ਾਮਲ ਹੋਣਗੇ। ਇਸ ਤੋਂ ਇਲਾਵਾ, ਇਸ ਵਿੱਚ ਟੈਨਿਸ, ਬਾਸਕਟਬਾਲ, ਤੈਰਾਕੀ ... ਜਿੰਮ ਅਤੇ ਸਪਾ ਲਈ ਸਮਰਪਿਤ ਕੋਰਟ ਹੋਣਗੇ।'' ਇਸ ਸਮਝੌਤੇ ਦੇ ਅਨੁਸਾਰ, ਇਸ ਤੋਂ ਇਲਾਵਾ, ਸਟੇਡੀਅਮ ਵਿੱਚ ਇੱਕ ਪੰਜ-ਸਿਤਾਰਾ ਹੋਟਲ ਅਤੇ ਛੇ ਕਾਰਪੋਰੇਟ ਹਾਸਪਿਟੈਲਿਟੀ ਬਾਕਸ ਹੋਣਗੇ। ਸਿਧਾਰਥ ਨੇ ਕਿਹਾ ਕਿ ਪ੍ਰੋਜੈਕਟ ਦੀ ਕੁੱਲ ਲਾਗਤ ਦਾ ਜ਼ਿਕਰ ਐਮ.ਓ.ਯੂ .ਵਿੱਚ ਕੀਤਾ ਜਾਵੇਗਾ।