ਦਿੱਲੀ ਹਵਾਈ ਅੱਡੇ 'ਤੇ ਲੱਗ ਗਈ ਅੱਗ, ਪਈਆਂ ਭਾਜੜਾਂ

ਨੈਸ਼ਨਲ ਡੈਸਕ : ਦਿੱਲੀ ਹਵਾਈ ਅੱਡੇ (ਏਅਰਪੋਰਟ) 'ਤੇ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ, ਜਿੱਥੇ ਟਰਮੀਨਲ 3 (T3) 'ਤੇ ਖੜ੍ਹੀ ਇੱਕ ਬੱਸ ਵਿੱਚ ਭਿਆਨਕ ਅੱਗ ਲੱਗ ਗਈ। ਹਾਦਸਾ ਮੰਗਲਵਾਰ ਦੁਪਹਿਰ ਨੂੰ ਉਸ ਸਮੇਂ ਹੋਇਆ, ਜਦੋਂ ਬੱਸ ਇੱਕ ਵਿਮਾਨ (ਏਅਰਕ੍ਰਾਫਟ) ਦੇ ਨੇੜੇ ਖੜ੍ਹੀ ਸੀ। ਇਸ ਘਟਨਾ ਵਿੱਚ ਖੁਸ਼ਕਿਸਮਤੀ ਇਹ ਰਹੀ ਕਿ ਜਦੋਂ ਅੱਗ ਲੱਗੀ, ਉਸ ਸਮੇਂ ਬੱਸ ਵਿੱਚ ਕੋਈ ਵੀ ਯਾਤਰੀ ਮੌਜੂਦ ਨਹੀਂ ਸੀ। ਹਾਦਸੇ ਦੇ ਕਾਰਨ ਜਾਂ ਇਸ ਵਿੱਚ ਕਿਸੇ ਦੇ ਜ਼ਖਮੀ ਹੋਣ ਬਾਰੇ ਹਾਲੇ ਤੱਕ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਜਾਣਕਾਰੀ ਮੁਤਾਬਕ ਜਿਸ ਬੱਸ ਵਿੱਚ ਅੱਗ ਲੱਗੀ, ਉਸ ਦਾ ਸੰਚਾਲਨ ਏਅਰ ਇੰਡੀਆ ਐਸਏਟੀਐਸ ਏਅਰਪੋਰਟ ਸਰਵਿਸਿਜ਼ ਪ੍ਰਾਈਵੇਟ ਲਿਮਟਿਡ ਦੁਆਰਾ ਕੀਤਾ ਜਾ ਰਿਹਾ ਸੀ। ਇਹ ਕੰਪਨੀ ਇੱਕ ਥਰਡ ਪਾਰਟੀ ਪ੍ਰੋਵਾਈਡਰ ਹੈ ਜੋ ਕਈ ਏਅਰਲਾਈਨਾਂ ਦੀਆਂ ਗਰਾਊਂਡ ਸਰਵਿਸਿਜ਼ (ਜ਼ਮੀਨੀ ਸੇਵਾਵਾਂ) ਦਾ ਪ੍ਰਬੰਧਨ ਕਰਦੀ ਹੈ।